ນ້ຳເປື້ອນຂອງໂຮງໄຟຟ້ານີວເຄຼຍຟູຄູຊິມະທີໜຶ່ງຂອງຍີ່ປຸ່ນລົ້ນອອກຈາກຄັນຄູກັນນ້ຳ
(GMT+08:00) 2013-10-21 17:10:29 cri
ວັນທີ 20 ຕຸລານີ້, ບໍລິສັດໄຟຟ້າໂຕກຽວຍີ່ປຸ່ນໄດ້ຖະແຫຼງວ່າ, ຍ້ອນໄດ້ຮັບຜົນສະທ້ອນຈາກຝົນຕົກໜັກ, ກຸ່ມຖັງນ້ຳຂອງໂຮງໄຟຟ້ານີວເຄຼຍຟູຄູຊີມະທີໜຶ່ງມີນ້ຳອັ່ງໄດ້ລົ້ນອອກຈາກຄັນຄູກັນນ້ຳຫຼາຍບ່ອນ, ນ້ຳເປື້ອນທີ່ປົນເປື້ອນສານກຳມັນຕະພາບລັງສີໄດ້ໄຫຼເຂົ້າຄອງລະບາຍນ້ຳທີ່ຕໍ່ກັບທະເລນອກ,ຊຶ່ງອາດຈະໄຫຼເຂົ້າສູ່ທະເລນອກໄດ້.
ທາງບໍລິສັດໄຟຟ້າໂຕກຽວຊີ້ອອກວ່າ,ໃນວັນທີ 20 ຕຸລານີ້, ພະນັກງານກຳລັງນຳເອົານ້ຳທີ່ອັ່ງຢູ່ໃນຄັນຄູກັນນ້ຳທີ່ເກີດຂຶ້ນຍ້ອນຝົນຕົກຈາກລົມພາຍຸຫົວທີ 26 ໃນອາທິດຜ່ານມານັ້ນໄປບັນຈຸໄວ້ໃນຖັງນ້ຳອື່ນ. ເລີ່ມແຕ່ເວລາປະມານ 14 ໂມງເປັນຕົ້ນໄປ, ເນື້ອງຈາກວ່າປະລິມານນ້ຳຝົນມີຫຼາຍເກີນໄປ, ຈິ່ງເຮັດໃຫ້ນ້ຳອັ່ງລົ້ນອອກຈາກຄັນຄູຊຶ່ງບ່ອນໄຫຼລົ້ນອອກມີເຖິງ 12 ບ່ອນ. ບໍລິສັດໄຟຟ້າໂຕກຽວກຽມຈະກວດກາປະລິມານນ້ຳທີ່ລົ້ນອອກແລະຄວາມເຂັ້ມຂຸ້ນຂອງສານກຳມັນຕະພາບລັງສີ, ເພີ່ມທະວີການຕິດຕາມຄວບຄຸມກຸ່ມຖັງນ້ຳອື່ນໆອີກ.
ນອກຈາກນ້ຳອັ່ງໄຫຼລົ້ນອອກໃນຄັ້ງນີ້ແລ້ວ, ຜ່ານມາ, ບໍລິສັດໄຟຟ້າໂຕກຽວໄດ້ລະບາຍນ້ຳເປື້ອນທີ່ຢູ່ໃນໂຮງໄຟຟ້ານີວເຄຼຍຟູຄູຊີມະທີໜຶ່ງອອກສູ່ທະເລມາຫຼາຍເທື່ອຍ້ອນສາເຫດຕ່າງໆເປັນຕົ້ນແມ່ນຝົນຕົກແລະອື່ນໆ.
ທາງບໍລິສັດໄຟຟ້າໂຕກຽວຊີ້ອອກວ່າ,ໃນວັນທີ 20 ຕຸລານີ້, ພະນັກງານກຳລັງນຳເອົານ້ຳທີ່ອັ່ງຢູ່ໃນຄັນຄູກັນນ້ຳທີ່ເກີດຂຶ້ນຍ້ອນຝົນຕົກຈາກລົມພາຍຸຫົວທີ 26 ໃນອາທິດຜ່ານມານັ້ນໄປບັນຈຸໄວ້ໃນຖັງນ້ຳອື່ນ. ເລີ່ມແຕ່ເວລາປະມານ 14 ໂມງເປັນຕົ້ນໄປ, ເນື້ອງຈາກວ່າປະລິມານນ້ຳຝົນມີຫຼາຍເກີນໄປ, ຈິ່ງເຮັດໃຫ້ນ້ຳອັ່ງລົ້ນອອກຈາກຄັນຄູຊຶ່ງບ່ອນໄຫຼລົ້ນອອກມີເຖິງ 12 ບ່ອນ. ບໍລິສັດໄຟຟ້າໂຕກຽວກຽມຈະກວດກາປະລິມານນ້ຳທີ່ລົ້ນອອກແລະຄວາມເຂັ້ມຂຸ້ນຂອງສານກຳມັນຕະພາບລັງສີ, ເພີ່ມທະວີການຕິດຕາມຄວບຄຸມກຸ່ມຖັງນ້ຳອື່ນໆອີກ.
ນອກຈາກນ້ຳອັ່ງໄຫຼລົ້ນອອກໃນຄັ້ງນີ້ແລ້ວ, ຜ່ານມາ, ບໍລິສັດໄຟຟ້າໂຕກຽວໄດ້ລະບາຍນ້ຳເປື້ອນທີ່ຢູ່ໃນໂຮງໄຟຟ້ານີວເຄຼຍຟູຄູຊີມະທີໜຶ່ງອອກສູ່ທະເລມາຫຼາຍເທື່ອຍ້ອນສາເຫດຕ່າງໆເປັນຕົ້ນແມ່ນຝົນຕົກແລະອື່ນໆ.
