ງານສົນທະນາເພື່ອແລກປ່ຽນຄວາມເຫັນກ່ຽວກັບການພັດທະນາໃໝ່ຂອງວິສາຫະກິດຈີນ-ອາຊຽນໃນທົດສະວັດເພັດມະນີຈັດຂຶ້ນຢູ່ປັກກິ່ງຂອງຈີນ
ຕອນເຊົ້າວັນທີ 21 ຕຸລານີ້, ງານສົນທະນາເພື່ອແລກປ່ຽນຄວາມຄິດຄວາມເຫັນພາຍໃຕ້ຫົວຂໍ້ "ທົດສະວັດເພັດມະນີຈີນ-ອາຊຽນ: ການພັດທະນາໃໝ່ຂອງວິສາຫະກິດ"ໂດຍມີສະພາການຄ້າຈີນ-ອາຊຽນເປັນເຈົ້າພາບໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນ. ຜູ້ເຂົ້າຮ່ວມກອງປະຊຸມເຫັນວ່າ, ຈີນແລະອາຊຽນສ້າງທົດສະວັດເພັດມະນີຈະນຳເອົາໂອກາດການຄ້າໃໝ່ຢ່າງຫຼວງຫຼາຍມາໃຫ້ການພັດທະນາຂອງວິສາຫະກິດທັງສອງຝ່າຍ.
ທ່ານສູນິງໆ ຮອງເລຂາທິການໃຫຍ່ປະຈຳສະພາການຄ້າຈີນ-ອາຊຽນກ່າວວ່າ, ວິສາຫະກິດຕ່າງໆຄວນກຳໂອກາດການຄ້າ,ເພື່ອໃຫ້ໄດ້ຮັບຜົນປະໂຫຍດຈາກການພັດທະນາຂອງການພົວພັນມິດຕະພາບລະຫວ່າງຈີນກັບອາຊຽນ. ທ່ານສີຈ້ຽນໂກວ ອະດີດເອກອັກຄະລັດຖະທູດຈີນປະຈຳຫວຽດນາມກ່າວວ່າ, ທ່ານສີຈິ້ນຜິງ ປະທານປະເທດຈີນແລະທ່ານຫຼີເຄີ້ສ໋ຽງ ນາຍົກລັດຖະມົນຕີຈີນໄດ້ເດີນທາງຢ້ຽມຢາມປະເທດອາຊຽນເຊິ່ງໄດ້ເພີ່ມພະລັງແຮງໃໝ່ເພື່ອຊຸກຍູ້ການພົວພັນລະຫວ່າງສອງຝ່າຍ. ທົດສະວັດເພັດມະນີຈີນ-ອາຊຽນຈະສ້າງໂອກາດທີ່ດີຫຼາຍກວ່າເກົ່າໃຫ້ແກ່ວິສາຫະກິດທັງສອງຝ່າຍ, ທ່ານມີຄວາມໝັ້ນໃຈຢ່າງເຕັມປ່ຽມຕໍ່ການຮ່ວມມືລະຫວ່າງຈີນກັບອາຊຽນໃນອະນາຄົດ.
