ມະຫາວິທະຍາໄລຈີນສ້າງສາຂາຕ່າງປະເທດແຫ່ງທຳອິດຢູ່ມະເລເຊຍ
(GMT+08:00) 2013-10-21 14:55:02 cri
ໃນກອງປະຊຸມສຸດຍອດການຮ່ວມມືດ້ານເສດຖະກິດລະຫວ່າງຈີນ-ມະເລເຊຍທີ່ຈັດຂຶ້ນໃນຫວ່າງມໍ່ໆມານີ້, ທະນາຄານພັດທະນາແຫ່ງຊາດຈີນ, ກຸ່ມບໍລິສັດສິງຢາງກວາງມະເລເຊຍ ແລະມະຫາວິທະຍາໄລເຊ້ຍເມີນຈີນໄດ້ເຊັນສັນຍາຮ່ວມກັນວ່າດ້ວຍການສະໜັບສະໜູນການສ້າງສາຂາ ຂອງມະຫາວິທະຍາໄລເຊ້ຍເມີນຂອງຈີນຢ່າງຮອບດ້ານຢູ່ມະເລເຊຍ. ຈີນ-ມະເລເຊຍຍັງປະກາດວ່າ, ຈະສ້າງຕັ້ງວິທະຍາໄລທະເລຈີນ-ອາຊຽນ ບົນພື້ນຖານໂຮງຮຽນສາຂາຢູ່ມະເລເຊຍຂອງມະຫາວິທະຍາໄລເຊ້ຍເມີນ,. ນີ້ແມ່ນຄັ້ງທຳອິດທີ່ຈີນເຫັນດີໃຫ້ມະຫາວິທະຍາໄລຂອງລັດສ້າງໂຮງຮຽນສາຂາຢູ່ຕ່າງປະເທດ.
ຕາມທ່ານນາຈິບ ຕຸນ ຣາຊັກ ນາຍົກລັດຖະມົນຕີມະເລເຊຍເຜີຍໃຫ້ຮູ້ວ່າ, ການແນະນຳໃຫ້ມະຫາວິທະຍາໄລເຊ້ຍເມີນຂອງຈີນໄປສ້າງສາຂາຢູ່ມະເລເຊຍແມ່ນທ່ານສະເໜີຕໍ່ທ່ານເວີ່ນເຈ່ຍປາວ ອະດີດນາຍົກລັດຖະມົນຕີຈີນໃນເວລາໄປເຂົ້າຮ່ວມພິທີວາງສີລາລືກການສ້າງເຂດນິຄົມອຸດສາຫະກຳຊິ່ນໂຈ່ວຈີນ-ມະເລເຊຍຢູ່ເຂດກວາງຊີຂອງຈີນໃນວັນທີ 1 ເມສາປີ 2012ຜ່ານມາ. ມະຫາວິທະຍາໄລເຊ້ຍເມີນແມ່ນທ່ານເສີນເຈ່ຍເກິ່ງ ຫົວໜ້າຊາວມະເລເຊຍເຊື້ອສາຍຈີນທີ່ມີຊື່ສຽງເປັນຜູ້ສ້າງຕັ້ງຂຶ້ນໃນປີ 1921, ໄດ້ຮັກສາການພົວພັນທີ່ພິເສດກັບສັງຄົມຊາວມະເລເຊຍເຊື້ອສາຍຈີນມາໂດຍຕະຫຼອດ, ນອກນີ້ ມະຫາວິທະຍາໄລເຊ້ຍເມີນກໍ່ໄດ້ຢືນຢູ່ແຖວໜ້າໃນຂົງເຂດຄົ້ນຄວ້າອາຊີຕາເວັນອອກສຽງໃຕ້ຂອງທົ່ວປະເທດຈີນມາໂດຍຕະຫຼອດ.
ຕາມທ່ານນາຈິບ ຕຸນ ຣາຊັກ ນາຍົກລັດຖະມົນຕີມະເລເຊຍເຜີຍໃຫ້ຮູ້ວ່າ, ການແນະນຳໃຫ້ມະຫາວິທະຍາໄລເຊ້ຍເມີນຂອງຈີນໄປສ້າງສາຂາຢູ່ມະເລເຊຍແມ່ນທ່ານສະເໜີຕໍ່ທ່ານເວີ່ນເຈ່ຍປາວ ອະດີດນາຍົກລັດຖະມົນຕີຈີນໃນເວລາໄປເຂົ້າຮ່ວມພິທີວາງສີລາລືກການສ້າງເຂດນິຄົມອຸດສາຫະກຳຊິ່ນໂຈ່ວຈີນ-ມະເລເຊຍຢູ່ເຂດກວາງຊີຂອງຈີນໃນວັນທີ 1 ເມສາປີ 2012ຜ່ານມາ. ມະຫາວິທະຍາໄລເຊ້ຍເມີນແມ່ນທ່ານເສີນເຈ່ຍເກິ່ງ ຫົວໜ້າຊາວມະເລເຊຍເຊື້ອສາຍຈີນທີ່ມີຊື່ສຽງເປັນຜູ້ສ້າງຕັ້ງຂຶ້ນໃນປີ 1921, ໄດ້ຮັກສາການພົວພັນທີ່ພິເສດກັບສັງຄົມຊາວມະເລເຊຍເຊື້ອສາຍຈີນມາໂດຍຕະຫຼອດ, ນອກນີ້ ມະຫາວິທະຍາໄລເຊ້ຍເມີນກໍ່ໄດ້ຢືນຢູ່ແຖວໜ້າໃນຂົງເຂດຄົ້ນຄວ້າອາຊີຕາເວັນອອກສຽງໃຕ້ຂອງທົ່ວປະເທດຈີນມາໂດຍຕະຫຼອດ.
