ນາຍົກຣັດເຊຍກ່າວວ່າ ການພົວພັນລະຫວ່າງຣັດເຊຍກັບຈີນໄດ້ບັນລຸເຖິງລະດັບສູງທີ່ບໍ່ເຄີຍມີມາກ່ອນ
ທ່ານເມັດເວເດັຟໄດ້ແລກປ່ຽນຄວາມເຫັນກັບຊາວເນັດໂດຍຜ່ານເວັບໄຊຊິນຮວາຢູ່ສຳນັກຂ່າວສານຊິນຮວາໃນວັນທີ 22 ຕຸລານີ້.
ວັນທີ 22 ຕຸລານີ້,ຢູ່ນະຄອນຫຼວງປັກກິ່ງຂອງຈີນ, ທ່ານດີມີຕຼີ ເມັດເວເດັຟ ນາຍົກລັດຖະມົນຕີຣັດເຊຍກ່າວວ່າ, ການພົວພັນລະຫວ່າງຣັດເຊຍກັບຈີນໄດ້ບັນລຸເຖິງລະດັບສູງທີ່ບໍ່ເຄີຍມີມາກ່ອນ, ຊຶ່ງບໍ່ພຽງແຕ່ສ່ອງແສງໃຫ້ເຫັນຢູ່ໃນດ້ານຂະໜາດສັງລວມຂອງການພົວພັນທັງໝົດລະຫວ່າງສອງປະເທດເທົ່ານັ້ນ, ຍັງ ສ່ອງແສງໃຫ້ເຫັນຢູ່ໃນລະດັບການພົວພັນລະຫວ່າງສອງປະເທດໃນປະຈຸບັນອີກດ້ວຍ.
ທ່ານເມັດເວເດັຟໄດ້ກ່າວຄວາມເຫັນດັ່ງກ່າວໃນເວລາທ່ານແລກປ່ຽນຄວາມເຫັນກັບຊາວເນັດໂດຍຜ່ານເວັບໄຊຊິນຮວາຢູ່ສຳນັກຂ່າວສານຊິນຮວາໃນວັນທີ 22 ຕຸລານີ້.
ທ່ານເມັດເວເດັຟກ່າວວ່າ, ຣັດເຊຍແລະຈີນໄດ້ກຳນົດການພັວພັນລະຫວ່າງສອງຝ່າຍໃນປະຈຸບັນໃຫ້ເປັນການພົວພັນຄູ່ປະສານງານຍຸດທະສາດຮອບດ້ານ. ສະພາບເບື້ອງຫຼັງຂອງຄຳວ່າການພົວພັນຄູ່ປະສານງານຍຸດທະສາດຮອບດ້ານແມ່ນຍອດມູນຄ່າການຄ້າລະຫວ່າງສອງຝ່າຍມີຢ່າງຫຼວງຫຼາຍຄືມີເກືອບ 100ຕື້ໂດລາ. ຣັດເຊຍແລະຈີນໄດ້ກາຍເປັນຄູ່ຮ່ວມມືຢູ່ເຂດຕາເວັນອອກໄກ, ຫວັງວ່າຈະມີວິສາຫະກິດຈີນໄປລົງທຶນຢູ່ຣັດເຊຍຕື່ມອີກຫຼາຍກວ່າເກົ່າ.
