ທ່ານຫຼີເຄີ້ສຽງຊີ້ອອກວ່າ ປັບປຸງສະພາບເສດຖະກິດຂອງຈີນໃຫ້ສົມບູນຂຶ້ນຢ່າງໝັ້ນທ່ຽງແລະຂະຫຍາຍຕົວໄປໃນທາງທີ່ດີ ເຮັດໃຫ້ຜົນສຳເລັດດ້ານການພັດທະນາແລະປະຕິຮູບສ້າງຜົນປະໂຫຍດໃຫ້ແກ່ປະຊາຊົນທົ່ວປະເທດ
(GMT+08:00) 2013-10-22 11:04:58 cri
ຕາມຂ່າວສານຊີນຮວາ: ວັນທີ 21 ຕຸລານີ້, ທ່ານຫຼີເຄີ້ສຽງ ກຳມະການປະຈຳກົມການເມືອງສູນກາງພັກຄອມມູນິດຈີນ ນາຍົກລັດຖະມົນຕີຈີນໄດ້ເຂົ້າຮ່ວມກອງປະຊຸມຜູ້ແທນທົ່ວປະເທດຄັ້ງທີ 16 ຂອງກຳມະບານຈີນຕາມຄຳເຊີນແລະລາຍງານສະພາບວຽກງານກ່ຽວກັບສະຖານະການເສດຖະກິດໃນກອງປະຊຸມ.
ທ່ານຫຼີເຄີ້ສຽງໄດ້ວິເຄາະແລະບັນລະຍາຍສະພາບດ້ານເສດຖະກິດຂອງຈີນຢ່າງເລິກເຊິ່ງ. ທ່ານກ່າວວ່າ, ນັບແຕ່ປີ 2013 ເປັນຕົ້ນມາ, ຜ່ານຄວາມພະຍາຍາມຮ່ວມຂອງຝ່າຍຕ່າງໆທີ່ກ່ຽວຂ້ອງ, ເສດຖະກິດຂອງຈີນໄດ້ພັດທະນາຢ່າງໝັ້ນທ່ຽງແລະຂະຫຍາຍຕົວໄປໃນທາງທີ່ດີ. ແຕ່ໃນຂະບວນການໝູນເດີນຂອງເສດຖະກິດພາຍໃນແລະຕ່າງປະເທດຍັງມີປັດໄຈທີ່ບໍ່ແນ່ນອນແລະບໍ່ໝັ້ນທ່ຽງຫຼາຍປະການ, ເສັ້ນທາງຂອງການພັດທະນາເສດຖະກິດຍັງມີຄວາມສ່ຽງແລະສິ່ງທ້າທາຍຢ່າງຫຼວງຫຼາຍ, ພື້ນຖານດ້ານການໝູນເດີນເສດຖະກິດໃຫ້ມີຄວາມຕໍ່ເນື່ອງແລະໝັ້ນທ່ຽງຕ້ອງໄດ້ຮັບການປັບປຸງໃຫ້ດີຂຶ້ນ. ພວກຂ້າພະເຈົ້າຕ້ອງມີຄວາມຮັບຮູ້ທີ່ຈະແຈ້ງຕໍ່ເລື່ອງນີ້. ຂໍແຕ່ວ່າສືບຕໍ່ປະສານສົມທົບການພັດທະນາເສດຖະກິດຢ່າງໝັ້ນທ່ຽງ ປັບປຸງອົງປະກອບແລະຊຸກຍູ້ການປະຕິຮູບໃຫ້ເປັນເອກະພາບກັນເປັນຢ່າງດີ, ເສີມຂະຫຍາຍບົດບາດທີ່ດີຂອງນະໂຍບາຍແລະມາດຕະການ, ເປົ້າໝາຍທີ່ສຳຄັນຂອງການພັດທະນາເສດຖະກິດ-ສັງຄົມໃນໝົດປີ 2013 ແມ່ນເປົ້າໝາຍທີ່ສາມາດບັນລຸຜົນເປັນຈິງໄດ້.
ທ່ານຫຼີເຄີ້ສຽງຊີ້ອອກວ່າ, ປະຈຸບັນ ການຫັນເປັນອຸດສາຫະກຳແລະການຫັນເປັນຕົວເມືອງຂອງຈີນໄດ້ພັດທະນາຢ່າງວ່ອງໄວ, ການພັດທະນາຂອງພາກພື້ນມີຊ່ອງຫວ່າງອັນໃຫຍ່ຫຼວງ, ຄວາມສາມາດບົ່ມຊ້ອນດ້ານຄວາມຮຽກຮ້ອງຕ້ອງການພາຍໃນມີຢ່າງຫຼວງຫຼາຍ, ການລົງເລິກການປະຕິຮູບກໍ່ຈະສ້າງຜົນກຳໄລດ້ານລະບອບຫຼາຍກວ່າເກົ່າ, ເສດຖະກິດຂອງຈີນໄດ້ມີພື້ນຖານທີ່ດີໃນການພັດທະນາຢ່າງຕໍ່ເນື່ອງແລະປອດໃສ. ຄຽງຄູ່ກັບປັດໄຈພາຍໃນແລະເງື່ອນໄຂພາຍນອກໃນການພັດທະນາເສດຖະກິດໄດ້ມີການປ່ຽນແປງຢ່າງຫຼວງຫຼາຍ, ເສດຖະກິດຂອງຈີນໄດ້ພັດທະນາຈາກການພັດທະນາດ້ວຍຄວາມໄວສູງເຂົ້າສູ່ໄລຍະໃໝ່ແຫ່ງການພັດທະນາດ້ວຍຄວາມໄວປານກາງແລະສູງ. ຕ້ອງສືບຕໍ່ປັບປຸງສະພາບດ້ານການພັດທະນາເສດຖະກິດໃຫ້ດີຂຶ້ນແລະຂະຫຍາຍໄປໃນທາງທີ່ດີ. ໃນນັ້ນ ທາງທີ່ດີແມ່ນຜ່ານການລົງເລິກແລະເລັ່ງລັດການປະຕິຮູບຢ່າງຮອບດ້ານ, ຕົ້ນຕໍຕ້ອງເຮັດວຽກໃນດ້ານການຍົກສູງຄຸນນະພາບແລະເພີ່ມທະວີປະສິທິຜົນດ້ານການພັດທະນາແບບຍືນຍົງ; ຕ້ອງພະຍາຍາມເຮັດໃຫ້ຈຸດອ່ອນກາຍເປັນຈຸດດີ, ເຮັດໃຫ້ການພັດທະນາຂອງເສດຖະກິດຫັນເຂົ້າສູ່ສະພາບທີ່ຕົ້ນຕໍອາໄສການເຕີບໂຕພາຍໃນແລະໄດ້ຮັບການຊຸກຍູ້ໂດຍຜ່ານການປະດິດສ້າງຢ່າງຕິດແທດຕົວຈິງ, ຍົກລະດັບການພັດທະນາເສດຖະກິດຂອງຈີນໃຫ້ສູງຂຶ້ນ; ຕ້ອງເຮັດໃຫ້ຜົນສຳເລັດດ້ານການພັດທະນາເສດຖະກິດສ້າງຜົນປະໂຫຍດໃຫ້ແກ່ປະຊາຊົນທົ່ວປະເທດຫຼາຍກວ່າເກົ່າ.
ທ່ານຫຼີເຄີ້ສຽງໄດ້ວິເຄາະແລະບັນລະຍາຍສະພາບດ້ານເສດຖະກິດຂອງຈີນຢ່າງເລິກເຊິ່ງ. ທ່ານກ່າວວ່າ, ນັບແຕ່ປີ 2013 ເປັນຕົ້ນມາ, ຜ່ານຄວາມພະຍາຍາມຮ່ວມຂອງຝ່າຍຕ່າງໆທີ່ກ່ຽວຂ້ອງ, ເສດຖະກິດຂອງຈີນໄດ້ພັດທະນາຢ່າງໝັ້ນທ່ຽງແລະຂະຫຍາຍຕົວໄປໃນທາງທີ່ດີ. ແຕ່ໃນຂະບວນການໝູນເດີນຂອງເສດຖະກິດພາຍໃນແລະຕ່າງປະເທດຍັງມີປັດໄຈທີ່ບໍ່ແນ່ນອນແລະບໍ່ໝັ້ນທ່ຽງຫຼາຍປະການ, ເສັ້ນທາງຂອງການພັດທະນາເສດຖະກິດຍັງມີຄວາມສ່ຽງແລະສິ່ງທ້າທາຍຢ່າງຫຼວງຫຼາຍ, ພື້ນຖານດ້ານການໝູນເດີນເສດຖະກິດໃຫ້ມີຄວາມຕໍ່ເນື່ອງແລະໝັ້ນທ່ຽງຕ້ອງໄດ້ຮັບການປັບປຸງໃຫ້ດີຂຶ້ນ. ພວກຂ້າພະເຈົ້າຕ້ອງມີຄວາມຮັບຮູ້ທີ່ຈະແຈ້ງຕໍ່ເລື່ອງນີ້. ຂໍແຕ່ວ່າສືບຕໍ່ປະສານສົມທົບການພັດທະນາເສດຖະກິດຢ່າງໝັ້ນທ່ຽງ ປັບປຸງອົງປະກອບແລະຊຸກຍູ້ການປະຕິຮູບໃຫ້ເປັນເອກະພາບກັນເປັນຢ່າງດີ, ເສີມຂະຫຍາຍບົດບາດທີ່ດີຂອງນະໂຍບາຍແລະມາດຕະການ, ເປົ້າໝາຍທີ່ສຳຄັນຂອງການພັດທະນາເສດຖະກິດ-ສັງຄົມໃນໝົດປີ 2013 ແມ່ນເປົ້າໝາຍທີ່ສາມາດບັນລຸຜົນເປັນຈິງໄດ້.
ທ່ານຫຼີເຄີ້ສຽງຊີ້ອອກວ່າ, ປະຈຸບັນ ການຫັນເປັນອຸດສາຫະກຳແລະການຫັນເປັນຕົວເມືອງຂອງຈີນໄດ້ພັດທະນາຢ່າງວ່ອງໄວ, ການພັດທະນາຂອງພາກພື້ນມີຊ່ອງຫວ່າງອັນໃຫຍ່ຫຼວງ, ຄວາມສາມາດບົ່ມຊ້ອນດ້ານຄວາມຮຽກຮ້ອງຕ້ອງການພາຍໃນມີຢ່າງຫຼວງຫຼາຍ, ການລົງເລິກການປະຕິຮູບກໍ່ຈະສ້າງຜົນກຳໄລດ້ານລະບອບຫຼາຍກວ່າເກົ່າ, ເສດຖະກິດຂອງຈີນໄດ້ມີພື້ນຖານທີ່ດີໃນການພັດທະນາຢ່າງຕໍ່ເນື່ອງແລະປອດໃສ. ຄຽງຄູ່ກັບປັດໄຈພາຍໃນແລະເງື່ອນໄຂພາຍນອກໃນການພັດທະນາເສດຖະກິດໄດ້ມີການປ່ຽນແປງຢ່າງຫຼວງຫຼາຍ, ເສດຖະກິດຂອງຈີນໄດ້ພັດທະນາຈາກການພັດທະນາດ້ວຍຄວາມໄວສູງເຂົ້າສູ່ໄລຍະໃໝ່ແຫ່ງການພັດທະນາດ້ວຍຄວາມໄວປານກາງແລະສູງ. ຕ້ອງສືບຕໍ່ປັບປຸງສະພາບດ້ານການພັດທະນາເສດຖະກິດໃຫ້ດີຂຶ້ນແລະຂະຫຍາຍໄປໃນທາງທີ່ດີ. ໃນນັ້ນ ທາງທີ່ດີແມ່ນຜ່ານການລົງເລິກແລະເລັ່ງລັດການປະຕິຮູບຢ່າງຮອບດ້ານ, ຕົ້ນຕໍຕ້ອງເຮັດວຽກໃນດ້ານການຍົກສູງຄຸນນະພາບແລະເພີ່ມທະວີປະສິທິຜົນດ້ານການພັດທະນາແບບຍືນຍົງ; ຕ້ອງພະຍາຍາມເຮັດໃຫ້ຈຸດອ່ອນກາຍເປັນຈຸດດີ, ເຮັດໃຫ້ການພັດທະນາຂອງເສດຖະກິດຫັນເຂົ້າສູ່ສະພາບທີ່ຕົ້ນຕໍອາໄສການເຕີບໂຕພາຍໃນແລະໄດ້ຮັບການຊຸກຍູ້ໂດຍຜ່ານການປະດິດສ້າງຢ່າງຕິດແທດຕົວຈິງ, ຍົກລະດັບການພັດທະນາເສດຖະກິດຂອງຈີນໃຫ້ສູງຂຶ້ນ; ຕ້ອງເຮັດໃຫ້ຜົນສຳເລັດດ້ານການພັດທະນາເສດຖະກິດສ້າງຜົນປະໂຫຍດໃຫ້ແກ່ປະຊາຊົນທົ່ວປະເທດຫຼາຍກວ່າເກົ່າ.
