ລັດຖະມົນຕີກະຊວງພະລັງງານຣັດເຊຍກ່າວວ່າ ຈີນ-ຣັດເຊຍໄດ້ບັນລຸການເຊັນສັນຍາວ່າດ້ວຍການຮ່ວມມືໃນຂົງເຂດພະລັງງານຫຼາຍສະບັບ
(GMT+08:00) 2013-10-23 15:36:05 cri
ການພົບປະເປັນປະຈຳລະຫວ່າງນາຍົກລັດຖະມົນຕີຈີນ-ຣັດເຊຍຄັ້ງທີ 18 ໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນໃນວັນທີ 22 ຕຸລານີ້. ໃນກອງປະຊຸມຂ່າວທີ່ຈັດຂຶ້ນຫຼັງການພົບປະ, ທ່ານອາເລັກຊັນເດີ ໂນວັກ ລັດຖະມົນຕີວ່າການກະຊວງພະລັງງານຣັດເຊຍກ່າວວ່າ, ໃນການພົບປະຄັ້ງນີ້ ຈີນແລະຣັດເຊຍໄດ້ບັນລຸການເຊັນສັນຍາວ່າດ້ວຍການຮ່ວມມືໃນຂົງເຂດນ້ຳມັນເຊື້ອໄຟ, ອາຍແກັສທຳມະຊາດ ພະລັງງານໄຟຟ້າແລະອື່ນໆ.
ທ່ານໂນວັກກ່າວວ່າ, ໃນອະນາຄົດ ການຮ່ວມມືລະຫວ່າງຈີນ-ຣັດເຊຍໃນຂົງເຂດນ້ຳມັນເຊື້ອໄຟຈະກ້າວສູ່ລວງເລິກຢ່າງບໍ່ຢຸດຢັ້ງ. ໃນການພົບປະຄັ້ງນີ້, ຈີນ-ຣັດເຊຍໄດ້ເຊັນສັນຍາຮ່ວມກັນທີ່ມີມູນຄ່າລວມເຖິງ 85 ຕື້ໂດລາ, ໃນສັນຍາໄດ້ກຳນົດໃຫ້ບໍລິສັດນ້ຳມັນເຊື້ອໄຟແຫ່ງຊາດຣັດເຊຍເພີ່ມການສົ່ງອອກນ້ຳມັນເຊື້ອໄຟຕໍ່ຈີນ 10 ລ້ານໂຕນຕໍ່ປີພາຍໃນ 10 ປີຂ້າງໜ້າ.
ກ່ຽວກັບການຮ່ວມມືລະຫວ່າງຈີນ-ຣັດເຊຍໃນຂົງເຂດອາຍແກັສທຳມະຊາດ, ທ່ານໂນວັກໄດ້ກ່າວໃນກອງປະຊຸມຂ່າວວ່າ, ໃນ 15 ປີຂ້າງໜ້າ ຣັດເຊຍຈະສົ່ງອອກອາຍແກັສທຳມະຊາດທາດແຫຼວຕໍ່ຈີນ 3 ລ້ານໂຕນຕໍ່ປີ.
ທ່ານກ່າວຕື່ມວ່າ, "ການຮ່ວມມືໃນຂົງເຂດພະລັງງານໄຟຟ້າລະຫວ່າງຈີນ-ຣັດເຊຍກໍ່ໄດ້ຮັບການເພີ່ມທະວີເຊັ່ນກັນ", "ຈີນອາດຈະສ້າງໂຮງຜະລິດໄຟຟ້າຢູ່ໃນປະເທດຣັດເຊຍເພື່ອສະໜອງໄຟຟ້າໃຫ້ແກ່ຈີນ, ຫຼືຣັດເຊຍ-ຈີນຈະຮ່ວມມືກັນສ້າງເຂື່ອນໄຟຟ້າຢູ່ສາຂາແມ່ນ້ຳເຮ່ຫຼົງຈ່ຽງ."
ທ່ານໂນວັກກ່າວວ່າ, ໃນອະນາຄົດ ການຮ່ວມມືລະຫວ່າງຈີນ-ຣັດເຊຍໃນຂົງເຂດນ້ຳມັນເຊື້ອໄຟຈະກ້າວສູ່ລວງເລິກຢ່າງບໍ່ຢຸດຢັ້ງ. ໃນການພົບປະຄັ້ງນີ້, ຈີນ-ຣັດເຊຍໄດ້ເຊັນສັນຍາຮ່ວມກັນທີ່ມີມູນຄ່າລວມເຖິງ 85 ຕື້ໂດລາ, ໃນສັນຍາໄດ້ກຳນົດໃຫ້ບໍລິສັດນ້ຳມັນເຊື້ອໄຟແຫ່ງຊາດຣັດເຊຍເພີ່ມການສົ່ງອອກນ້ຳມັນເຊື້ອໄຟຕໍ່ຈີນ 10 ລ້ານໂຕນຕໍ່ປີພາຍໃນ 10 ປີຂ້າງໜ້າ.
ກ່ຽວກັບການຮ່ວມມືລະຫວ່າງຈີນ-ຣັດເຊຍໃນຂົງເຂດອາຍແກັສທຳມະຊາດ, ທ່ານໂນວັກໄດ້ກ່າວໃນກອງປະຊຸມຂ່າວວ່າ, ໃນ 15 ປີຂ້າງໜ້າ ຣັດເຊຍຈະສົ່ງອອກອາຍແກັສທຳມະຊາດທາດແຫຼວຕໍ່ຈີນ 3 ລ້ານໂຕນຕໍ່ປີ.
ທ່ານກ່າວຕື່ມວ່າ, "ການຮ່ວມມືໃນຂົງເຂດພະລັງງານໄຟຟ້າລະຫວ່າງຈີນ-ຣັດເຊຍກໍ່ໄດ້ຮັບການເພີ່ມທະວີເຊັ່ນກັນ", "ຈີນອາດຈະສ້າງໂຮງຜະລິດໄຟຟ້າຢູ່ໃນປະເທດຣັດເຊຍເພື່ອສະໜອງໄຟຟ້າໃຫ້ແກ່ຈີນ, ຫຼືຣັດເຊຍ-ຈີນຈະຮ່ວມມືກັນສ້າງເຂື່ອນໄຟຟ້າຢູ່ສາຂາແມ່ນ້ຳເຮ່ຫຼົງຈ່ຽງ."
