ນະຄອນຫຼວງມະນີລາຂອງຟີລິບປິນຈະສະແດງຄວາມຂໍອະໄພຕໍ່ເຂດພິເສດຮົງກົງຈີນກ່ຽວກັບເຫດການຕົວປະກັນ
(GMT+08:00) 2013-10-23 15:36:50 cri
ຕາມຂ່າວCRI: ວັນທີ 23 ສິງຫາປີ 2010, ລົດໂດຍສານທີ່ບັນທຸກນັກທ່ອງທ່ຽວຮົງກົງ 20 ກວ່າຄົນຄັນໜຶ່ງໄດ້ຖືກຕຳຫຼວດທີ່ຖືກປົດອອກຈາກຕຳແໜ່ງຜູ້ໜຶ່ງຂອງຟີລິບປິນປຸ້ນຈີ້ຢູ່ໃຈກາງນະຄອນຫຼວງມະນີລາ. ໃນການເຄື່ອນໄຫວກອບກູ້ຜູ້ຖືກປຸ້ນຈີ້ຂອງຕຳຫຼວດຟີລິບປິນໃນຕອນຄ່ຳມື້ດຽວກັນ, ມີນັກທ່ອງທ່ຽວຮົງກົງ 8 ຄົນເສຍຊີວິດ, 7 ຄົນໄດ້ຮັບບາດເຈັບ. ສະພາຂອງນະຄອນຫຼວງມະນີລາໄດ້ຜ່ານມະຕິຕົກລົງສະບັບໜຶ່ງໃນຫວ່າງມໍ່ໆນີ້ ໂດຍກຽມຈະໃຫ້ອົງການປົກຄອງນະຄອນຫຼວງມະນີລາສະແດງຄວາມຂໍອະໄພຢ່າງຈິງໃຈຕໍ່ຄອບຄົວຂອງຜູ້ທີ່ໄດ້ປະສົບເຄາະຮ້າຍແລະອົງການປົກຄອງເຂດພິເສດຮົງກົງກ່ຽວກັບເຫດການຕົວປະກັນທີ່ເກີດຂຶ້ນໃນ 3 ປີກ່ອນ. ສ່ວນທ່ານຈອດສ໌ ເອເຈີຊີໂທ ເອສະຕຣາດາ ເຈົ້າຄອງນະຄອນຫຼວງມະນີລາຈະໄປສະແດງຄວາມຂໍອະໄພຢູ່ຮົງກົງຢ່າງເປັນທາງການ, ໂດຍຫວັງວ່າຈະສາມາດປັບປຸງການພົວພັນລະຫວ່າງຟີລິບປິນ-ເຂດພິເສດຮົງກົງຈີນໃຫ້ດີຂຶ້ນ.
ທ່ານລຽງເຈີ້ນຢິງ, ຜູ້ວ່າການເຂດບໍລິຫານພິເສດຮົງກົງຈີນກ່າວວ່າ, ທ່ານໄດ້ຮັບບົດລາຍງານທີ່ກ່ຽວຂ້ອງຈາກກົມປ້ອງກັນຄວາມສະຫງົບແລ້ວ, ໃນ 2 ອາທິດທີ່ຜ່ານມາ ພາຍໃຕ້ການສະໜັບສະໜູນຈາກລັດຖະບານ, ອົງການປົກຄອງເຂດພິເສດຮົງກົງແລະຟີລິບປິນໄດ້ມີການປະສານງານກັນ ຫຼາຍເທື່ອແລ້ວ, ສະພາຂອງນະຄອນຫຼວງມະນີລາກໍ່ມີການເຄື່ອນໄຫວຈຳນວນໜຶ່ງ, ແຕ່ປະຈຸບັນ ທ່ານຍັງບໍ່ສາມາດເຜີຍໃຫ້ຮູ້ເນື້ອໃນລະອຽດ, ກົມປ້ອງກັນຄວາມສະຫງົບຂອງຮົງກົງຈະສືບຕໍ່ຕິດຕໍ່ພົວພັນກັບຄອບຄົວຂອງຜູ້ເສຍຊີວິດແລະຜູ້ທີ່ໄດ້ຮັບບາດເຈັບ, ເພື່ອຊອກຮູ້ຄວາມປາຖະໜາຂອງຄອບຄົວຂອງຜູ້ເສຍຊີວິດແລະຜູ້ທີ່ໄດ້ຮັບບາດເຈັບ, ທັງຈະສືບຕໍ່ທວງເອົາຄວາມຍຸດຕິທຳໃຫ້ຄອບຄົວຂອງຜູ້ເສຍຊີວິດແລະໄດ້ຮັບບາດເຈັບໃນເຫດການຕົວປະກັນຄັ້ງນັ້ນ.
ທ່ານລຽງເຈີ້ນຢິງ, ຜູ້ວ່າການເຂດບໍລິຫານພິເສດຮົງກົງຈີນກ່າວວ່າ, ທ່ານໄດ້ຮັບບົດລາຍງານທີ່ກ່ຽວຂ້ອງຈາກກົມປ້ອງກັນຄວາມສະຫງົບແລ້ວ, ໃນ 2 ອາທິດທີ່ຜ່ານມາ ພາຍໃຕ້ການສະໜັບສະໜູນຈາກລັດຖະບານ, ອົງການປົກຄອງເຂດພິເສດຮົງກົງແລະຟີລິບປິນໄດ້ມີການປະສານງານກັນ ຫຼາຍເທື່ອແລ້ວ, ສະພາຂອງນະຄອນຫຼວງມະນີລາກໍ່ມີການເຄື່ອນໄຫວຈຳນວນໜຶ່ງ, ແຕ່ປະຈຸບັນ ທ່ານຍັງບໍ່ສາມາດເຜີຍໃຫ້ຮູ້ເນື້ອໃນລະອຽດ, ກົມປ້ອງກັນຄວາມສະຫງົບຂອງຮົງກົງຈະສືບຕໍ່ຕິດຕໍ່ພົວພັນກັບຄອບຄົວຂອງຜູ້ເສຍຊີວິດແລະຜູ້ທີ່ໄດ້ຮັບບາດເຈັບ, ເພື່ອຊອກຮູ້ຄວາມປາຖະໜາຂອງຄອບຄົວຂອງຜູ້ເສຍຊີວິດແລະຜູ້ທີ່ໄດ້ຮັບບາດເຈັບ, ທັງຈະສືບຕໍ່ທວງເອົາຄວາມຍຸດຕິທຳໃຫ້ຄອບຄົວຂອງຜູ້ເສຍຊີວິດແລະໄດ້ຮັບບາດເຈັບໃນເຫດການຕົວປະກັນຄັ້ງນັ້ນ.
