ເປີດການນຳໃຊ້ທາງດ່ວນໄປສູ່ຕ່າງປະເທດສາຍທຳອິດຂອງແຂວງຢຸນນານ
(GMT+08:00) 2013-10-24 16:14:58 cri
ເມື່ອມໍ່ໆມານີ້, ທາງດ່ວນໂສເໝີ້ງຄືແຕ່ເຂດໂສລົງຊື້ຫາເມືອງເໝີ້ງຈື້ແຂວງຢຸນນານໄດ້ເປີດການນຳໃຊ້ຢ່າງເປັນທາງການ,ຊຶ່ງເປັນຂີດໝາຍສະແດງໃຫ້ເຫັນວ່າ, ທາງດ່ວນແຕ່ນະຄອນຄຸນມິງແຂວງຢຸນນານຈີນຫາເມືອງເຮີໂຂວທີ່ຢູ່ຊາຍແດນລະຫວ່າງຈີນຫວຽດນາມໄດ້ເປີດໃຫ້ບໍລິການຢ່າງສົມບູນແລ້ວ, ນີ້ກໍ່ແມ່ນທາງດ່ວນໄປສູ່ຕ່າງປະເທດສາຍທຳອິດຂອງແຂວງຢຸນນານ, ຈາກນີ້ໄປ, ການແລ່ນລົດຈາກນະຄອນຄຸນມິງຫາດ່ານເຮີໂຂວຈະໃຊ້ເວລາພຽງ 4 ຊົ່ວໂມງເທົ່ານັ້ນ.
ພາຍຫຼັງທາງດ່ວນໂສເໝີ້ງເປີດການນຳໃຊ້ແລ້ວ, ທິດໃຕ້ຈະເຊື່ອມຕໍ່ກັບທາງດ່ວນເໝີ້ງເຮີຄືແຕ່ເມືອງເໝີ້ງຈື້ຫາເມືອງເຮີໂຂວ, ທິດເໜືອຈະເຊື່ອມຕໍ່ກັບທາງດ່ວນສືໂສຄືແຕ່ເມືອງຊືລິນຫາເຂດໂສລົງຊື້ທີ່ໄດ້ເປີດການບໍລິການກ່ອນໜ້ານີ້ແລ້ວ, ຊຶ່ງໄດ້ບັນລຸເປົ້າໝາຍການອອກເດີນທາງຕາມທາງບົກຈາກນະຄອນຄຸນມິງໃຊ້ເວລາ 4 ຊົ່ວໂມງກໍ່ຈະສາມາດອອກສູ່ຕ່າງປະເທດໄດ້. ການເປີດການນຳໃຊ້ທາງດ່ວນສາຍດັ່ງກ່າວນີ້ຄາດວ່າຈະສາມາດຊຸກຍູ້ເສດຖະກິດດ້ານການທ່ອງທ່ຽວຂອງເມືອງຫົງເຮີໃຫ້ຂະຫຍາຍຕົວຂຶ້ນ.
ຕາມຂ່າວແຈ້ງວ່າ, ເພື່ອຮັບມືກັບສະພາບທີ່ຈຳນວນນັກທ່ອງທ່ຽວເຂົ້າອອກເມືອງເພີ່ມຂຶ້ນຢ່າງຫຼວງຫຼາຍພາຍຫຼັງທີ່ທາງດ່ວນແຕ່ຄຸນມິງຫາເຮີໂຂວເປີດໃຫ້ບໍລິການຢ່າງສົມບູນ, ດ່ານກວດກາຊາຍແດນເມືອງເຮີໂຂວແຂວງຢຸນນານໄດ້ເພີ່ມຄວາມຖີ່ໃນການລາດຕະເວນຕາມຊາຍແດນ,ແລະໄດ້ວາງຫຼາຍມາດຕະການເພື່ອອຳນວຍຄວາມສະດວກໃຫ້ແກ່ປະຊາຊົນໃນດ້ານການຜ່ານດ່ານຊາຍແດນ.
ພາຍຫຼັງທາງດ່ວນໂສເໝີ້ງເປີດການນຳໃຊ້ແລ້ວ, ທິດໃຕ້ຈະເຊື່ອມຕໍ່ກັບທາງດ່ວນເໝີ້ງເຮີຄືແຕ່ເມືອງເໝີ້ງຈື້ຫາເມືອງເຮີໂຂວ, ທິດເໜືອຈະເຊື່ອມຕໍ່ກັບທາງດ່ວນສືໂສຄືແຕ່ເມືອງຊືລິນຫາເຂດໂສລົງຊື້ທີ່ໄດ້ເປີດການບໍລິການກ່ອນໜ້ານີ້ແລ້ວ, ຊຶ່ງໄດ້ບັນລຸເປົ້າໝາຍການອອກເດີນທາງຕາມທາງບົກຈາກນະຄອນຄຸນມິງໃຊ້ເວລາ 4 ຊົ່ວໂມງກໍ່ຈະສາມາດອອກສູ່ຕ່າງປະເທດໄດ້. ການເປີດການນຳໃຊ້ທາງດ່ວນສາຍດັ່ງກ່າວນີ້ຄາດວ່າຈະສາມາດຊຸກຍູ້ເສດຖະກິດດ້ານການທ່ອງທ່ຽວຂອງເມືອງຫົງເຮີໃຫ້ຂະຫຍາຍຕົວຂຶ້ນ.
ຕາມຂ່າວແຈ້ງວ່າ, ເພື່ອຮັບມືກັບສະພາບທີ່ຈຳນວນນັກທ່ອງທ່ຽວເຂົ້າອອກເມືອງເພີ່ມຂຶ້ນຢ່າງຫຼວງຫຼາຍພາຍຫຼັງທີ່ທາງດ່ວນແຕ່ຄຸນມິງຫາເຮີໂຂວເປີດໃຫ້ບໍລິການຢ່າງສົມບູນ, ດ່ານກວດກາຊາຍແດນເມືອງເຮີໂຂວແຂວງຢຸນນານໄດ້ເພີ່ມຄວາມຖີ່ໃນການລາດຕະເວນຕາມຊາຍແດນ,ແລະໄດ້ວາງຫຼາຍມາດຕະການເພື່ອອຳນວຍຄວາມສະດວກໃຫ້ແກ່ປະຊາຊົນໃນດ້ານການຜ່ານດ່ານຊາຍແດນ.
