ຫວຽດນາມຈະກາຍເປັນໜຶ່ງໃນສາມຕະຫຼາດການບິນໃຫຍ່ທີ່ພັດທະນາໃໝ່ຂອງໂລກ
(GMT+08:00) 2013-10-24 16:20:22 cri
ໜັງສືພິມຫຼຽນເຮີຈາວປ້າວຂອງສິງກະໂປສະບັບວັນທີ 23 ຕຸລານີ້ໄດ້ລົງພິມບົດຄວາມໂດຍຂຽນວ່າ, ຄວາມຕ້ອງການທ່ອງທ່ຽວທາງອາກາດພາຍໃນປະເທດຫວຽດນາມໃນປີ2013ນີ້ໄດ້ເຕີບໂຕໃນລະດັບ10%ຂຶ້ນໄປ, ຫວຽດນາມຈະກາຍເປັນໜຶ່ງໃນສາມຕະຫຼາດການບິນໃຫຍ່ທີ່ພັດທະນາໃໝ່ຂອງໂລກ.
ໃນຊຸມປີມໍ່ໆມານີ້, ຕະຫຼາດການບິນຂອງຫວຽດນາມພັດທະນາຢ່າງວ່ອງໄວ. ຕາມການຄາດຄະເນຂອງສະມາຄົມຂົນສົ່ງທາງອາກາດສາກົນໃນປີ2012ຜ່ານມາ, ຫວຽດນາມຈະກາຍເປັນຕະຫຼາດຂົນສົ່ງຜູ້ໂດຍສານແລະສິນຄ້າທາງອາກາດທີ່ເຕີບໂຕໄວອັນດັບ 3 ຂອງໂລກກ່ອນປີ2014, ຊຶ່ງພຽງຮອງຈາກຈີນແລະເບຼຊີນເທົ່ານັ້ນ. ຕາມສະມາຄົມດັ່ງກ່າວຄາດຄະເນວ່າ, ຮອດປີ2015, ຕະຫຼາດການບິນຂອງຫວຽດນາມຈະຂົນສົ່ງຜູ້ໂດຍສານປະມານ34ລ້ານຮອດ36ລ້ານເທື່ອຄົນ, ຂົນສົ່ງສິນຄ້າເຖິງ 8ແສນ 5ໝື່ນຫາ 9ແສນ 3ໝື່ນໂຕນ, ຮອດປີ2019, ຈະຂົນສົ່ງຜູ້ໂດຍສານໄດ້ 52ລ້ານຫາ 59 ລ້ານເທື່ອຄົນ, ຂົນສົ່ງສິນຄ້າ 1ລ້ານ4ແສນຫາ1ລ້ານ 6ແສນໂຕນ.
ການບິນພົນລະເຮືອນຫວຽດນາມຄາດຄະເນວ່າ, ປີ2013ນີ້, ຈຳນວນຜູ້ໂດຍສານຖ້ຽວບິນພາຍໃນປະເທດຈະເພີ່ມຂຶ້ນ 15%, ເປັນ 2 ເທົ່າຂອງປີ2012. ການເຕີບໂຕຢ່າງວ່ອງໄວຂອງຕະຫຼາດການບິນຫວຽດນາມໄດ້ເປັນການກະຕຸ້ນເສດຖະກິດຫວຽດນາມທີ່ຈັງຫວະການເຕີບໂຕຊ້າລົງແລະຊຸດໂຊມລົງຢ່າງຕໍ່ເນື່ອງໃນ 2 ປີຜ່ານມາ ໂດຍບໍ່ຕ້ອງສົງໃສ.
ໃນຊຸມປີມໍ່ໆມານີ້, ຕະຫຼາດການບິນຂອງຫວຽດນາມພັດທະນາຢ່າງວ່ອງໄວ. ຕາມການຄາດຄະເນຂອງສະມາຄົມຂົນສົ່ງທາງອາກາດສາກົນໃນປີ2012ຜ່ານມາ, ຫວຽດນາມຈະກາຍເປັນຕະຫຼາດຂົນສົ່ງຜູ້ໂດຍສານແລະສິນຄ້າທາງອາກາດທີ່ເຕີບໂຕໄວອັນດັບ 3 ຂອງໂລກກ່ອນປີ2014, ຊຶ່ງພຽງຮອງຈາກຈີນແລະເບຼຊີນເທົ່ານັ້ນ. ຕາມສະມາຄົມດັ່ງກ່າວຄາດຄະເນວ່າ, ຮອດປີ2015, ຕະຫຼາດການບິນຂອງຫວຽດນາມຈະຂົນສົ່ງຜູ້ໂດຍສານປະມານ34ລ້ານຮອດ36ລ້ານເທື່ອຄົນ, ຂົນສົ່ງສິນຄ້າເຖິງ 8ແສນ 5ໝື່ນຫາ 9ແສນ 3ໝື່ນໂຕນ, ຮອດປີ2019, ຈະຂົນສົ່ງຜູ້ໂດຍສານໄດ້ 52ລ້ານຫາ 59 ລ້ານເທື່ອຄົນ, ຂົນສົ່ງສິນຄ້າ 1ລ້ານ4ແສນຫາ1ລ້ານ 6ແສນໂຕນ.
ການບິນພົນລະເຮືອນຫວຽດນາມຄາດຄະເນວ່າ, ປີ2013ນີ້, ຈຳນວນຜູ້ໂດຍສານຖ້ຽວບິນພາຍໃນປະເທດຈະເພີ່ມຂຶ້ນ 15%, ເປັນ 2 ເທົ່າຂອງປີ2012. ການເຕີບໂຕຢ່າງວ່ອງໄວຂອງຕະຫຼາດການບິນຫວຽດນາມໄດ້ເປັນການກະຕຸ້ນເສດຖະກິດຫວຽດນາມທີ່ຈັງຫວະການເຕີບໂຕຊ້າລົງແລະຊຸດໂຊມລົງຢ່າງຕໍ່ເນື່ອງໃນ 2 ປີຜ່ານມາ ໂດຍບໍ່ຕ້ອງສົງໃສ.
