ກອງທັບລັດຖະບານຊີຣີສາມາດຍຶດເມືອງສຳຄັນທີ່ຢູ່ຊານເມືອງນະຄອນຫຼວງດາມາສໄດ້ແລ້ວ
(GMT+08:00) 2013-10-25 16:50:04 cri
ວັນທີ 24 ຕຸລານີ້, ກອງທັບລັດຖະບານຊີຣີປະກາດວ່າໄດ້ຍຶດເມືອງຮາເຕເຕັດ ອັນເທີກມານທີ່ຢູ່ຊານເມືອງນະຄອນຫຼວງດາມາສຂອງຊີຣີໄດ້ສຳເລັດ.
ໃນວັນດຽວກັນ,ຂ່າວສານຊີຣີໄດ້ອີງໃສ່ຄວາມເວົ້າຂອງນາຍທະຫານຊີຣີຜູ້ໜຶ່ງທີ່ລາຍງານວ່າ, ເມືອງຮາເຕເຕັດອັນເທີກມານແມ່ນເຂດເຄື່ອນໄຫວຂອງພວກກໍ່ການຮ້າຍແຫ່ງສຸດທ້າຍທີ່ຢູ່ບໍລິເວນທາງຫຼວງຈາກນະຄອນຫຼວງດາມາສຫາສະໜາມບິນ. ກອງທັບລັດຖະບານສາມາດຍຶດເມືອງດັ່ງກ່າວໄດ້ຢ່າງສົມບູນພາຍໃນ ເວລາ 48 ຊົ່ວໂມງ. ນາຍທະຫານທ່ານນີ້ກ່າວວ່າ, ການປະຕິບັດການທາງການທະຫານໃນຄັ້ງນີ້ໄດ້ສັງຫານພວກກໍ່ການຮ້າຍຂອງກຸ່ມປະກອບອາວຸດຕ່າງໆເຊັ່ນກຸ່ມແນວໂຮມຈັບຮັດ ອັນນູສຣາແລະລັດອິສຣາມອີຣັກແລະອັນຊາມໃຫ້ຕາຍເກືອບຮ້ອຍຄົນ,ນອກນີ້, ມີຜູ້ກໍ່ການຮ້າຍອີກປະມານ 150 ຄົນຖືກຍິງໄດ້ຮັບບາດເຈັບ.
ນັກວິເຄາະເຫັນວ່າ, ກອງທັບລັດຖະບານຊີຣີສາມາດຍຶດເມືອງສຳຄັນທາງຍຸດທະສາດແຫ່ງດັ່ງກ່າວນີ້ມີຄວາມໝາຍສຳຄັນຫຼາຍ, ຄືໄດ້ຮັບປະກັນຄວາມປອດໄພຂອງທາງຫຼວງໄປສູ່ສະໜາມບິນດາມາສ, ພ້ອມກັນນັ້ນຍັງຈະຫຼຸດຄວາມຖີ່ໃນການຍິງປືນຄົກໃສ່ເທດສະບານນະຄອນຫຼວງດາມາສຈາກເຂດແຄວ້ນດັ່ງກ່າວຂອງຝ່າຍຕໍ່ຕ້ານລັດຖະບານໃຫ້ໜ້ອຍລົງ, ແລະເຮັດໃຫ້ກຸ່ມປະກອບອາວຸດຂອງຝ່າຍຕໍ່ຕ້ານລັດຖະບານທີ່ຢູ່ນະຄອນຫຼວງດາມາສພ້ອມດ້ວຍເຂດສູ້ຮົບແຫ່ງອື່ນໆທີ່ຢູ່ຊານເມືອງໃຫ້ໂດດດ່ຽວຂຶ້ນຕື່ມ.
ໃນວັນດຽວກັນ,ຂ່າວສານຊີຣີໄດ້ອີງໃສ່ຄວາມເວົ້າຂອງນາຍທະຫານຊີຣີຜູ້ໜຶ່ງທີ່ລາຍງານວ່າ, ເມືອງຮາເຕເຕັດອັນເທີກມານແມ່ນເຂດເຄື່ອນໄຫວຂອງພວກກໍ່ການຮ້າຍແຫ່ງສຸດທ້າຍທີ່ຢູ່ບໍລິເວນທາງຫຼວງຈາກນະຄອນຫຼວງດາມາສຫາສະໜາມບິນ. ກອງທັບລັດຖະບານສາມາດຍຶດເມືອງດັ່ງກ່າວໄດ້ຢ່າງສົມບູນພາຍໃນ ເວລາ 48 ຊົ່ວໂມງ. ນາຍທະຫານທ່ານນີ້ກ່າວວ່າ, ການປະຕິບັດການທາງການທະຫານໃນຄັ້ງນີ້ໄດ້ສັງຫານພວກກໍ່ການຮ້າຍຂອງກຸ່ມປະກອບອາວຸດຕ່າງໆເຊັ່ນກຸ່ມແນວໂຮມຈັບຮັດ ອັນນູສຣາແລະລັດອິສຣາມອີຣັກແລະອັນຊາມໃຫ້ຕາຍເກືອບຮ້ອຍຄົນ,ນອກນີ້, ມີຜູ້ກໍ່ການຮ້າຍອີກປະມານ 150 ຄົນຖືກຍິງໄດ້ຮັບບາດເຈັບ.
ນັກວິເຄາະເຫັນວ່າ, ກອງທັບລັດຖະບານຊີຣີສາມາດຍຶດເມືອງສຳຄັນທາງຍຸດທະສາດແຫ່ງດັ່ງກ່າວນີ້ມີຄວາມໝາຍສຳຄັນຫຼາຍ, ຄືໄດ້ຮັບປະກັນຄວາມປອດໄພຂອງທາງຫຼວງໄປສູ່ສະໜາມບິນດາມາສ, ພ້ອມກັນນັ້ນຍັງຈະຫຼຸດຄວາມຖີ່ໃນການຍິງປືນຄົກໃສ່ເທດສະບານນະຄອນຫຼວງດາມາສຈາກເຂດແຄວ້ນດັ່ງກ່າວຂອງຝ່າຍຕໍ່ຕ້ານລັດຖະບານໃຫ້ໜ້ອຍລົງ, ແລະເຮັດໃຫ້ກຸ່ມປະກອບອາວຸດຂອງຝ່າຍຕໍ່ຕ້ານລັດຖະບານທີ່ຢູ່ນະຄອນຫຼວງດາມາສພ້ອມດ້ວຍເຂດສູ້ຮົບແຫ່ງອື່ນໆທີ່ຢູ່ຊານເມືອງໃຫ້ໂດດດ່ຽວຂຶ້ນຕື່ມ.
