ວົງການການເມືອງຂອງເອີລົບກ່າວປະນາມຕໍ່ເຫດການລັກຟັງຂອງອາເມລິກາ
(GMT+08:00) 2013-10-25 15:40:11 cri
ກອງປະຊຸມສຸດຍອດລະດູໃບໄມ້ຫຼົ່ນສະຫະພາບເອີລົບໄດ້ໄຂຂຶ້ນຢູ່ນະຄອນຫຼວງບຼຸກແຊນຂອງແບນຊິກໃນວັນທີ 24 ຕຸລານີ້, ໃນກອງປະຊຸມສຸດຍອດຄັ້ງນີ້ນອກຈາກໄດ້ປຶກສາຫາລືຫົວຂໍ້ຂອງກອງປະຊຸມໃຫຍ່ 3 ຂໍ້ທີ່ໄດ້ກຳນົດໄວ້ລ່ວງໜ້າແລ້ວ, ບັນຫາຄວາມປອດໄພດ້ານຂໍ້ມູນຂອງເອີລົບກໍ່ໄດ້ຮັບຄວາມສົນໃຈຫຼາຍ. ໃນກອງປະຊຸມຄັ້ງນີ້, ຜູ້ນຳປະເທດເອີລົບລ້ວນແຕ່ໄດ້ກ່າວປະນາມອາເມລິກາທີ່ມີການກະທຳລັກຟັງຕໍ່ປະຊາຊົນແລະບຸກຄົນສຳຄັນທາງການເມືອງຂອງປະເທດຕົນ, ສ່ວນປະເທດສະມາຊິກທີ່ນຳໂດຍຝຣັ່ງກໍ່ສະແດງວ່າຈະຊຸກຍູ້ຍັດຕິການປ້ອງກັນຄວາມປອດໄພດ້ານຕົວເລກຂໍ້ມູນ.
ໂດຍແນໃສ່ການລາຍງານຂ່າວໃນຫວ່າງກ່ອນນີ້ບໍ່ດົນທີ່ໂທລະສັບມືຖືຂອງທ່ານນາງແອງເຈີລາ ເມີເຄວ ນາຍົກລັດຖະມົນຕີເຢຍລະມັນອາດຈະຖືກອົງການຂ່າວລັບອາເມລິກາຕິດຕາມລັກຟັງ, ທ່ານແອງເຈີລາ ເມີເຄວໄດ້ກ່າວໃນກອງປະຊຸມສຸດຍອດໃນມື້ດຽວກັນວ່າ, ບໍ່ສາມາດຮັບເອົາການກະທຳລັກຟັງຂອງອາເມລິກາໄດ້. ວັນທີ 24 ຕຸລານີ້, ກະຊວງການຕ່າງປະເທດເຢຍລະມັນໄດ້ຮຽກ ເອກອັກຄະລັດຖະທູດອາເມລິກາປະຈຳເຢຍລະມັນເຂົ້າພົບເພື່ອສອບຖາມຝ່າຍອາເມລິກາຢ່າງຮີບດ່ວນ, ແລະຮຽກຮ້ອງໃຫ້ອາເມລິກາໃຫ້ຄວາມກະຈ່າງແຈ້ງຕໍ່ເລື່ອງນີ້ຢ່າງຮອບດ້ານໃນທັນທີ.
ທ່ານມາຕິນ ຊູເອວສ໌ ປະທານສະພາເອີລົບກ່າວໃນວັນທີ 24 ຕຸລານີ້ວ່າ,ປະຈຸບັນແມ່ນໂອກາດທີ່ດີທີ່ສຸດທີ່ສະຫະພາບເອີລົບບອກໃຫ້ອາເມລິກາຮູ້ໃນສຽງດຽວກັນວ່າ, ການກະທຳລັກຟັງຂອງອາເມລິກາໄດ້ແຕະຕ້ອງເຖິງຂີດຈຳກັດແລ້ວ.
ໃນເວລາຈະຈັດກອງປະຊຸມສຸດຍອດສະຫະພາບເອີລົບ, ການກະທຳລັກຟັງຂອງອົງການຂ່າວລັບອາເມລິກາໄດ້ຖືກເຜີຍແບອອກມາຕື່ມອີກ. ຕາມໜັງສືພິມເດີ ກາດຽນຂອງອັງກິດລາຍງານໃນວັນທີ 24 ຕຸລານີ້ວ່າ, ອົງການຂ່າວລັບອາເມລິກາເຄີຍໄດ້ຕິດຕາມລັກຟັງໂທລະສັບຂອງບຸກຄົນສຳຄັນທາງການເມືອງສາກົນຢ່າງໜ້ອຍ 35 ຄົນ. ແຫຼ່ງຂ່າວຂອງໜັງສືພິມເດີກາດຽນຂອງອັງກິດຕົ້ນຕໍຍັງແມ່ນທ້າວແອດເວີດ ສະໂນແດນ ອະດີດພະນັກງານສັນຍາຈ້າງຂອງກົມປ້ອງກັນຄວາມໝັ້ນຄົງແຫ່ງຊາດອາເມລິກາທີ່ໄດ້ເປີດເຜີຍໂຄງການປຼິຊຶມຂອງອາເມລິກາ.
ໂດຍແນໃສ່ການລາຍງານຂ່າວໃນຫວ່າງກ່ອນນີ້ບໍ່ດົນທີ່ໂທລະສັບມືຖືຂອງທ່ານນາງແອງເຈີລາ ເມີເຄວ ນາຍົກລັດຖະມົນຕີເຢຍລະມັນອາດຈະຖືກອົງການຂ່າວລັບອາເມລິກາຕິດຕາມລັກຟັງ, ທ່ານແອງເຈີລາ ເມີເຄວໄດ້ກ່າວໃນກອງປະຊຸມສຸດຍອດໃນມື້ດຽວກັນວ່າ, ບໍ່ສາມາດຮັບເອົາການກະທຳລັກຟັງຂອງອາເມລິກາໄດ້. ວັນທີ 24 ຕຸລານີ້, ກະຊວງການຕ່າງປະເທດເຢຍລະມັນໄດ້ຮຽກ ເອກອັກຄະລັດຖະທູດອາເມລິກາປະຈຳເຢຍລະມັນເຂົ້າພົບເພື່ອສອບຖາມຝ່າຍອາເມລິກາຢ່າງຮີບດ່ວນ, ແລະຮຽກຮ້ອງໃຫ້ອາເມລິກາໃຫ້ຄວາມກະຈ່າງແຈ້ງຕໍ່ເລື່ອງນີ້ຢ່າງຮອບດ້ານໃນທັນທີ.
ທ່ານມາຕິນ ຊູເອວສ໌ ປະທານສະພາເອີລົບກ່າວໃນວັນທີ 24 ຕຸລານີ້ວ່າ,ປະຈຸບັນແມ່ນໂອກາດທີ່ດີທີ່ສຸດທີ່ສະຫະພາບເອີລົບບອກໃຫ້ອາເມລິກາຮູ້ໃນສຽງດຽວກັນວ່າ, ການກະທຳລັກຟັງຂອງອາເມລິກາໄດ້ແຕະຕ້ອງເຖິງຂີດຈຳກັດແລ້ວ.
ໃນເວລາຈະຈັດກອງປະຊຸມສຸດຍອດສະຫະພາບເອີລົບ, ການກະທຳລັກຟັງຂອງອົງການຂ່າວລັບອາເມລິກາໄດ້ຖືກເຜີຍແບອອກມາຕື່ມອີກ. ຕາມໜັງສືພິມເດີ ກາດຽນຂອງອັງກິດລາຍງານໃນວັນທີ 24 ຕຸລານີ້ວ່າ, ອົງການຂ່າວລັບອາເມລິກາເຄີຍໄດ້ຕິດຕາມລັກຟັງໂທລະສັບຂອງບຸກຄົນສຳຄັນທາງການເມືອງສາກົນຢ່າງໜ້ອຍ 35 ຄົນ. ແຫຼ່ງຂ່າວຂອງໜັງສືພິມເດີກາດຽນຂອງອັງກິດຕົ້ນຕໍຍັງແມ່ນທ້າວແອດເວີດ ສະໂນແດນ ອະດີດພະນັກງານສັນຍາຈ້າງຂອງກົມປ້ອງກັນຄວາມໝັ້ນຄົງແຫ່ງຊາດອາເມລິກາທີ່ໄດ້ເປີດເຜີຍໂຄງການປຼິຊຶມຂອງອາເມລິກາ.
