4 ປະເທດອາຊຽນຮ່ວມມືກັນໃນການຊຸກຍູ້ການເຊື່ອມຈອດກັນ
(GMT+08:00) 2013-10-28 11:13:34 cri
ໃນກອງປະຊຸມລັດຖະມົນຕີກະຊວງຄົມມະນາຄົມເຂດເຕີບໂຕດ້ານເສດຖະກິດພາກຕາເວັນອອກອາຊຽນຄັ້ງທີ 8 ທີ່ຈັດຂຶ້ນໃນເມື່ອມໍ່ໆມານີ້ຢູ່ອິນໂດເນເຊຍ, 4 ປະເທດສະມາຊິກອາຊຽນຄື ອິນໂດເນເຊຍ,ບຣູໄນ,ມະເລເຊຍແລະຟີລິບປິນໄດ້ລົງນາມໃນສັນຍາຕ່າງໆທີ່ມີຈຸດປະສົງເພື່ອເພີ່ມທະວີການເຊື່ອມຈອດກັນໃນພາກພື້ນ,ເພື່ອຊຸກຍູ້ການເຕີບໂຕດ້ານເສດຖະກິດ.
ທ່ານມານກີດາອານ ລັດຖະມົນຕີວ່າການກະຊວງຄົມມະນາຄົມອິນໂດເນເຊຍໄດ້ຮຽກຮ້ອງ 4 ປະເທດດັ່ງກ່າວນີ້ຈົ່ງດຳເນີນການບໍລິການໃນຂົງເຂດການຂົນສົ່ງໃຫ້ຫຼາຍຂຶ້ນຕື່ມອີກ. ທ່ານກ່າວວ່າ,ການເຊື່ອມຈອດກັນມີຄວາມສຳຄັນຫຼາຍທີ່ສຸດຕໍ່ການພັດທະນາຂອງເຂດເຕີບໂຕດ້ານ ເສດຖະກິດຢູ່ພາກຕາເວັນອອກອາຊຽນ. ໂຄງການຮ່ວມມືໃໝ່ຈະປະຕິບັດໃນໄວໆນີ້, ຊຶ່ງຈະມີຜົນດີຕໍ່ການປັບປຸງການໝູນວຽນດ້ານສິນຄ້າແລະຜູ້ຄົນໃນພາກພື້ນນີ້ໃຫ້ດີຂຶ້ນ, ຊຸກຍູ້ການພັດທະນາຂອງຂະແໜງການການຄ້າແລະການທ່ອງທ່ຽວ.
ຊ່ຽວຊານດ້ານຄົມມະນາຄົມແລະການໝູນວຽນຂອງສິນຄ້າຂອງມະຫາວິທະຍາໄລອິນໂດເນເຊຍກ່າວວ່າ,ການເຊື່ອມຈອດກັນແມ່ນເສັ້ນທາງທີ່ຕ້ອງເດີນຜ່ານເພື່ອບັນລຸການການເຊື່ອມໂຍງເຂົ້າເປັນອັນໜຶ່ງອັນດຽວກັນທາງດ້ານເສດຖະກິດຂອງອາຊຽນໃນປີ2015. ເຂດເຕີບໂຕດ້ານເສດຖະກິດພາກຕາເວັນອອກຂອງອາຊຽນຫາກເພີ່ມທະວີການເຊື່ອມຈອດກັນຈະມີຜົນດີຕໍ່ການຫຼຸດຜ່ອນຄວາມແຕກໂຕນກັນຂອງການພັດທະນາດ້ານເສດຖະກິດລະຫວ່າງປະເທດອາຊຽນ, ແລະປະກອບສ່ວນເຂົ້າໃນການເຮັດໃຫ້ເສດຖະກິດອາຊຽນເຊື່ອມໂຍງເຂົ້າເປັນອັນໜຶ່ງອັນດຽວກັນ.
ເຈົ້າໜ້າທີ່ກະຊວງຄົມມະນາຄົມອິນໂດເນເຊຍສະເໜີວ່າ, ດີທີ່ສຸດປະເທດຕ່າງໆສ້າງຕັ້ງຄະນະກຳມະການປະສົມຂຶ້ນມາເພື່ອປະສານງານວຽກງານທີ່ກ່ຽວຂ້ອງຢ່າງເປັນເອກະພາບກັນ, ຮັບປະກັນໃຫ້ປະເທດຕ່າງໆສ້າງລະບຽບການທີ່ເປັນເອກະພາບກັນ, ປະຕິບັດຂັ້ນຕອນຜ່ານດ່ານພາສີທີ່ເປັນເອກະພາບກັນແລະຮັກສາຄວາມໂປ່ງໃສແລະຄວາມຍຸດຕິທຳ, ເພີ່ມທະວີການແລກປ່ຽນຄວາມຄິດຄວາມເຫັນກັນລະຫວ່າງປະເທດສະມາຊິກ, ເຮັດໃຫ້ການຮ່ວມມືມີປະສິດທິພາບສູງກວ່າເກົ່າ.
ທ່ານມານກີດາອານ ລັດຖະມົນຕີວ່າການກະຊວງຄົມມະນາຄົມອິນໂດເນເຊຍໄດ້ຮຽກຮ້ອງ 4 ປະເທດດັ່ງກ່າວນີ້ຈົ່ງດຳເນີນການບໍລິການໃນຂົງເຂດການຂົນສົ່ງໃຫ້ຫຼາຍຂຶ້ນຕື່ມອີກ. ທ່ານກ່າວວ່າ,ການເຊື່ອມຈອດກັນມີຄວາມສຳຄັນຫຼາຍທີ່ສຸດຕໍ່ການພັດທະນາຂອງເຂດເຕີບໂຕດ້ານ ເສດຖະກິດຢູ່ພາກຕາເວັນອອກອາຊຽນ. ໂຄງການຮ່ວມມືໃໝ່ຈະປະຕິບັດໃນໄວໆນີ້, ຊຶ່ງຈະມີຜົນດີຕໍ່ການປັບປຸງການໝູນວຽນດ້ານສິນຄ້າແລະຜູ້ຄົນໃນພາກພື້ນນີ້ໃຫ້ດີຂຶ້ນ, ຊຸກຍູ້ການພັດທະນາຂອງຂະແໜງການການຄ້າແລະການທ່ອງທ່ຽວ.
ຊ່ຽວຊານດ້ານຄົມມະນາຄົມແລະການໝູນວຽນຂອງສິນຄ້າຂອງມະຫາວິທະຍາໄລອິນໂດເນເຊຍກ່າວວ່າ,ການເຊື່ອມຈອດກັນແມ່ນເສັ້ນທາງທີ່ຕ້ອງເດີນຜ່ານເພື່ອບັນລຸການການເຊື່ອມໂຍງເຂົ້າເປັນອັນໜຶ່ງອັນດຽວກັນທາງດ້ານເສດຖະກິດຂອງອາຊຽນໃນປີ2015. ເຂດເຕີບໂຕດ້ານເສດຖະກິດພາກຕາເວັນອອກຂອງອາຊຽນຫາກເພີ່ມທະວີການເຊື່ອມຈອດກັນຈະມີຜົນດີຕໍ່ການຫຼຸດຜ່ອນຄວາມແຕກໂຕນກັນຂອງການພັດທະນາດ້ານເສດຖະກິດລະຫວ່າງປະເທດອາຊຽນ, ແລະປະກອບສ່ວນເຂົ້າໃນການເຮັດໃຫ້ເສດຖະກິດອາຊຽນເຊື່ອມໂຍງເຂົ້າເປັນອັນໜຶ່ງອັນດຽວກັນ.
ເຈົ້າໜ້າທີ່ກະຊວງຄົມມະນາຄົມອິນໂດເນເຊຍສະເໜີວ່າ, ດີທີ່ສຸດປະເທດຕ່າງໆສ້າງຕັ້ງຄະນະກຳມະການປະສົມຂຶ້ນມາເພື່ອປະສານງານວຽກງານທີ່ກ່ຽວຂ້ອງຢ່າງເປັນເອກະພາບກັນ, ຮັບປະກັນໃຫ້ປະເທດຕ່າງໆສ້າງລະບຽບການທີ່ເປັນເອກະພາບກັນ, ປະຕິບັດຂັ້ນຕອນຜ່ານດ່ານພາສີທີ່ເປັນເອກະພາບກັນແລະຮັກສາຄວາມໂປ່ງໃສແລະຄວາມຍຸດຕິທຳ, ເພີ່ມທະວີການແລກປ່ຽນຄວາມຄິດຄວາມເຫັນກັນລະຫວ່າງປະເທດສະມາຊິກ, ເຮັດໃຫ້ການຮ່ວມມືມີປະສິດທິພາບສູງກວ່າເກົ່າ.
