ເຈົ້າຄອງນະຄອນຊຽງໄຮກ່າວວ່າ,ເຂດການຄ້າເສລີຊຽງໄຮຈີນມີການເລີ່ມຕົ້ນທີ່ດີ
(GMT+08:00) 2013-10-28 11:42:09 cri
ວັນທີ 27 ຕຸລານີ້, ທ່ານຢາງສົງ ເຈົ້າຄອງນະຄອນຊຽງໄຮຈີນກ່າວວ່າ, ເຂດທົດລອງການຄ້າເສລີຊຽງໄຮຈີນໄດ້ມີການເລີ່ມຕົ້ນທີ່ດີໃນການໃຫ້ບໍລິການ. ແຕ່ວັນທີ 8 ຫາວັນທີ 23 ຕຸລານີ້, ໄດ້ໃຫ້ການບໍລິການດ້ານຕ່າງໆເຊັ່ນການແລ່ນເອກະສານ,ໃຫ້ຄຳປຶກສາແລະອື່ນໆແກ່ຝ່າຍຕ່າງໆທັງໝົດ 3 ໝື່ນກວ່າເທື່ອຄົນ, ໃນນັ້ນ, ໄດ້ໃຫ້ການບໍລິການແກ່ວິສາຫະກິດທັງໝົດ 8421 ເທື່ອ,ຊຶ່ງລວມທັງການກວດກາແລະຢັ້ງຢືນຊື່ວິສາຫະກິດ, ການຕັ້ງຊື່ໃໝ່,ການປ່ຽນຊື່,ການອອກໃບຢັ້ງຢືນໃຫ້ວິສາຫະກິດ.
ປັດຈຸບັນ, ທະນາຄານທຶນຕ່າງປະເທດ 4 ແຫ່ງຄື ທະນາຄານCitibank ທະນາຄານDBS, ທະນາຄານHSBC ແລະທະນາຄານ BEA ໄດ້ຮັບການອະນຸມັດໃຫ້ສ້າງຕັ້ງສາຂາທະນາຄານຢູ່ເຂດທົດລອງການຄ້າເສລີແລ້ວ, ນອກນີ້, ທະນາຄານທຶນຕ່າງປະເທດອີກຈຳນວນໜຶ່ງກໍ່ກຳລັງພິຈາລະນາຈະສ້າງຕັ້ງສາຂາຢູ່ເຂດທົດລອງການຄ້າເສລີເຊັ່ນກັນ.
ຕາມຂ່າວແຈ້ງວ່າ, ພາຍຫຼັງຄະນະລັດຖະບານຈີນອະນຸມັດແຜນລວມເຂດທົດລອງການຄ້າເສລີແລ້ວ, ມາດຕະການສ່ວນໃຫຍ່ທີ່ກ່ຽວຂ້ອງໄດ້ວາງອອກແລ້ວ, ຕົວຢ່າງວ່າ, ບັນຊີລາຍຊື່ຂົງເຂດຫ້າມລົງທຶນ, ລະບຽບການກວດກາແລະພິຈາລະນາອະນຸມັດການລົງທຶນຂອງນັກທຸລະກິດຕ່າງປະເທດກໍ່ໄດ້ປ່ຽນເປັນລະບຽບການຈົດທະບຽນແລ້ວ, ການປະຕິຮູບຮູບການຕິດຕາມຄຸ້ມຄອງດ່ານພາສີແລະອື່ນໆ. ຂອບປະຕິບັດການຢ່າງມີຫົວຄິດປະດິດສ້າງຂອງເຂດການຄ້າເສລີກໍໄດ້ສ້າງຕັ້ງຂຶ້ນໂດຍພື້ນຖານເຊັ່ນກັນ. ໃນອະນາຄົດຍັງໄດ້ວາງມາດຕະການໃນການປະຕິບັດເພື່ອປະຕິຮູບແລະເປີດປະຕູຕື່ມອີກຈຳນວນໜຶ່ງ.
ປັດຈຸບັນ, ທະນາຄານທຶນຕ່າງປະເທດ 4 ແຫ່ງຄື ທະນາຄານCitibank ທະນາຄານDBS, ທະນາຄານHSBC ແລະທະນາຄານ BEA ໄດ້ຮັບການອະນຸມັດໃຫ້ສ້າງຕັ້ງສາຂາທະນາຄານຢູ່ເຂດທົດລອງການຄ້າເສລີແລ້ວ, ນອກນີ້, ທະນາຄານທຶນຕ່າງປະເທດອີກຈຳນວນໜຶ່ງກໍ່ກຳລັງພິຈາລະນາຈະສ້າງຕັ້ງສາຂາຢູ່ເຂດທົດລອງການຄ້າເສລີເຊັ່ນກັນ.
ຕາມຂ່າວແຈ້ງວ່າ, ພາຍຫຼັງຄະນະລັດຖະບານຈີນອະນຸມັດແຜນລວມເຂດທົດລອງການຄ້າເສລີແລ້ວ, ມາດຕະການສ່ວນໃຫຍ່ທີ່ກ່ຽວຂ້ອງໄດ້ວາງອອກແລ້ວ, ຕົວຢ່າງວ່າ, ບັນຊີລາຍຊື່ຂົງເຂດຫ້າມລົງທຶນ, ລະບຽບການກວດກາແລະພິຈາລະນາອະນຸມັດການລົງທຶນຂອງນັກທຸລະກິດຕ່າງປະເທດກໍ່ໄດ້ປ່ຽນເປັນລະບຽບການຈົດທະບຽນແລ້ວ, ການປະຕິຮູບຮູບການຕິດຕາມຄຸ້ມຄອງດ່ານພາສີແລະອື່ນໆ. ຂອບປະຕິບັດການຢ່າງມີຫົວຄິດປະດິດສ້າງຂອງເຂດການຄ້າເສລີກໍໄດ້ສ້າງຕັ້ງຂຶ້ນໂດຍພື້ນຖານເຊັ່ນກັນ. ໃນອະນາຄົດຍັງໄດ້ວາງມາດຕະການໃນການປະຕິບັດເພື່ອປະຕິຮູບແລະເປີດປະຕູຕື່ມອີກຈຳນວນໜຶ່ງ.
