ງານວາງສະແດງສາກົນພາກຕາເວັນຕົກຈີນຄັ້ງທີ 14 ປະເທດອາຊຽນຈັດງານແນະນຳໂຄສະນາການຄ້າແລະການລົງທຶນ
(GMT+08:00) 2013-10-28 17:20:14 cri
ຕາມຂ່າວສານຊີນຮວາ: ງານວາງສະແດງສາກົນພາກຕາເວັນຕົກຈີນຄັ້ງທີ 14 ທີ່ໄດ້ດຳເນີນເປັນເວລາ 5 ວັນ ໄດ້ອັດລົງໃນວັນທີ 27 ຕຸລານີ້. ກອງປະຊຸມຂ່າວຂອງງານວາງສະແດງສາກົນພາກຕາເວັນຕົກຄັ້ງນີ້ລາຍງານວ່າ, ໃນໄລຍະງານວາງສະແດງສາກົນພາກຕາເວັນຕົກຄັ້ງນີ້ໄດ້ເຊັນສັນຍາໂຄງການລົງທຶນລວມທັງໝົດ 462 ໂຄງການ, ມູນຄ່າການລົງທຶນໃນສັນຍາໄດ້ບັນລຸເຖິງ 563 ຕື້ 180 ລ້ານຢວນ.
ທ່ານມູ້ຊິ່ນໄຮ ເລຂາທິການສຳນັກເລຂາຄະນະກຳມະການຈັດຕັ້ງງານວາງສະແດງສາກົນພາກຕາເວັນຕົກຄັ້ງນີ້ແຈ້ງໃຫ້ຮູ້ວ່າ, ງານວາງສະແດງສາກົນພາກຕາເວັນຕົກຄັ້ງນີ້ໄດ້ເນັ້ນໜັກການແລກປ່ຽນແລະການຮ່ວມມືຂອງພາກພື້ນ, ໄດ້ດຶງດູດວິສາຫະກິດຂອງຈີນແລະ 72 ປະເທດແລະເຂດແຄວ້ນທັງໝົດ 4.000 ກວ່າແຫ່ງເຂົ້າຮ່ວມ; ໄດ້ເຊື້ອເຊີນບຸກຄົນສຳຄັນທາງການເມືອງຈາກ 7 ປະເທດຂອງ 5 ທະວີບໃນໂລກເຂົ້າຮ່ວມງານ. ລັດຖະມົນຕີເສດຖະກິດການຄ້າຂອງປະເທດອາຊຽນກໍ່ໄດ້ເຂົ້າຮ່ວມງານວາງສະແດງສາກົນພາກຕາເວັນຕົກ, ແລະໄດ້ຈັດງານແນະນຳໂຄສະນາການຄ້າແລະການລົງທຶນໃນຄັ້ງນີ້.
ຫົວໜ້າຂອງສຳນັກຜູ້ຕາງໜ້າສູນສົ່ງເສີມການຄ້າຕ່າງປະເທດຂອງມະເລເຊຍທີ່ນະຄອນເສີງຕູ່ຈີນກ່າວວ່າ: "ງານວາງສະແດງສາກົນພາກຕາເວັນຕົກຈີນແມ່ນເວທີການສະແດງທີ່ສຳຄັນຂອງຂະແໜງການບໍລິການຂອງມະເລເຊຍ, ນີ້ເຮັດໃຫ້ວິສາຫະກິດຂອງສອງປະເທດມະເລເຊຍ-ຈີນໄດ້ຮັບຜົນປະໂຫຍດຢ່າງຫຼວງຫຼາຍ." ທ່ານກ່າວວ່າ, ໃນໄລຍະງານວາງສະແດງ, ງານວາງສະແດງຂະແໜງການບໍລິການຂອງມະເລເຊຍໄດ້ຈັດຕັ້ງງານສັງສັນການຄ້າແບບໜຶ່ງຕໍ່ໜຶ່ງລວມ 631 ຄັ້ງ, ກິດຈະກຳງານສັງສັນການຄ້າລະຫວ່າງເຈົ້າໜ້າທີ່ຂັ້ນສູງ 5 ຄັ້ງ, ຍອດມູນຄ່າການຄ້ານັບລວມແລ້ວໄດ້ບັນລຸເຖິງ 516 ລ້ານຢວນ, ເພີ່ມຂຶ້ນ 47,4% ເມື່ອທຽບໃສ່ງານວາງສະແດງຄັ້ງຜ່ານມາ.
ທ່ານມູ້ຊິ່ນໄຮ ເລຂາທິການສຳນັກເລຂາຄະນະກຳມະການຈັດຕັ້ງງານວາງສະແດງສາກົນພາກຕາເວັນຕົກຄັ້ງນີ້ແຈ້ງໃຫ້ຮູ້ວ່າ, ງານວາງສະແດງສາກົນພາກຕາເວັນຕົກຄັ້ງນີ້ໄດ້ເນັ້ນໜັກການແລກປ່ຽນແລະການຮ່ວມມືຂອງພາກພື້ນ, ໄດ້ດຶງດູດວິສາຫະກິດຂອງຈີນແລະ 72 ປະເທດແລະເຂດແຄວ້ນທັງໝົດ 4.000 ກວ່າແຫ່ງເຂົ້າຮ່ວມ; ໄດ້ເຊື້ອເຊີນບຸກຄົນສຳຄັນທາງການເມືອງຈາກ 7 ປະເທດຂອງ 5 ທະວີບໃນໂລກເຂົ້າຮ່ວມງານ. ລັດຖະມົນຕີເສດຖະກິດການຄ້າຂອງປະເທດອາຊຽນກໍ່ໄດ້ເຂົ້າຮ່ວມງານວາງສະແດງສາກົນພາກຕາເວັນຕົກ, ແລະໄດ້ຈັດງານແນະນຳໂຄສະນາການຄ້າແລະການລົງທຶນໃນຄັ້ງນີ້.
ຫົວໜ້າຂອງສຳນັກຜູ້ຕາງໜ້າສູນສົ່ງເສີມການຄ້າຕ່າງປະເທດຂອງມະເລເຊຍທີ່ນະຄອນເສີງຕູ່ຈີນກ່າວວ່າ: "ງານວາງສະແດງສາກົນພາກຕາເວັນຕົກຈີນແມ່ນເວທີການສະແດງທີ່ສຳຄັນຂອງຂະແໜງການບໍລິການຂອງມະເລເຊຍ, ນີ້ເຮັດໃຫ້ວິສາຫະກິດຂອງສອງປະເທດມະເລເຊຍ-ຈີນໄດ້ຮັບຜົນປະໂຫຍດຢ່າງຫຼວງຫຼາຍ." ທ່ານກ່າວວ່າ, ໃນໄລຍະງານວາງສະແດງ, ງານວາງສະແດງຂະແໜງການບໍລິການຂອງມະເລເຊຍໄດ້ຈັດຕັ້ງງານສັງສັນການຄ້າແບບໜຶ່ງຕໍ່ໜຶ່ງລວມ 631 ຄັ້ງ, ກິດຈະກຳງານສັງສັນການຄ້າລະຫວ່າງເຈົ້າໜ້າທີ່ຂັ້ນສູງ 5 ຄັ້ງ, ຍອດມູນຄ່າການຄ້ານັບລວມແລ້ວໄດ້ບັນລຸເຖິງ 516 ລ້ານຢວນ, ເພີ່ມຂຶ້ນ 47,4% ເມື່ອທຽບໃສ່ງານວາງສະແດງຄັ້ງຜ່ານມາ.
