ຈີນດັດແກ້ກົດໝາຍວ່າດ້ວຍການປົກປ້ອງສິດແລະຜົນປະໂຫຍດຂອງຜູ້ບໍລິໂພກເປັນຄັ້ງທຳອິດໃນຮອບ 20 ປີ
(GMT+08:00) 2013-10-28 17:26:29 cri
ໃນວັນສຸກອາທິດທີ່ຜ່ານມານີ້ ຄະນະປະຈຳສະພາປະຊາຊົນແຫ່ງຊາດຈີນຊຶ່ງເປັນອົງການນິຕິບັນຍັດສູງສຸດຂອງຈີນໄດ້ລົງຄະແນນສຽງຮັບຮອງເອົາກົດໝາຍວ່າດ້ວຍການປົກປ້ອງສິດແລະຜົນປະໂຫຍດຂອງຜູ້ບໍລິໂພກສະບັບປັບປຸງ, ກົດໝາຍສະບັບປັບປຸງນີ້ຈະເລີ່ມມີຜົນບັງຄັບໃຊ້ແຕ່ວັນທີ 15 ມີນາປີ 2014 ໜ້ານີ້ເປັນຕົ້ນໄປ. ນີ້ແມ່ນການດັດແກ້ທີ່ສຳຄັນເປັນຄັ້ງທຳອິດນັບແຕ່ຈີນເລີ່ມປະຕິບັດກົດໝາຍສະບັບນີ້ເກືອບ 20 ປີເປັນຕົ້ນມາ. ກົດໝາຍສະບັບໃໝ່ໄດ້ປັບປຸງບູລະນະລະບຽບການປົກປ້ອງສິດແລະຜົນປະໂຫຍດຂອງຜູ້ບໍລິໂພກໃຫ້ສົມບູນຂຶ້ນຕື່ມອີກ, ບັນຫາຕ່າງໆທີ່ຜູ້ບໍລິໂພກປະສົບເຊັ່ນ:ຖືກຫຼອກລວງໃນເວລາຊື່ເຄື່ອງໂດຍຜ່ານອິນເຕີເນັດ, ດ້ານການສະແດງຫຼັກຖານເພື່ອປົກປ້ອງສິດແລະຜົນປະໂຫຍດຂອງຕົນມີຄວາມຫຍຸ້ງຍາກ, ຂໍ້ມູນລັບສ່ວນຕົວຖືກເປີດເຜີຍແລະບັນຫາອື່ນໆຄາດວ່າຈະໄດ້ຮັບການແກ້ໄຂໂດຍຜ່ານຊ່ອງທາງກົດໝາຍ.
