ອີຣານແລະອົງການIAEA ສືບຕໍ່ດຳເນີນການສົນທະນາກ່ຽວກັບບັນຫານີວເຄຼຍຂອງອີຣານ,ຄາດວ່າສອງຝ່າຍຈະສາມາໄດ້ຮັບຜົນສຳເລັດຕົວຈິງທີ່ດີ
(GMT+08:00) 2013-10-29 15:17:35 cri
ຕອນບ່າຍວັນທີ 28 ຕຸລານີ້ ຕາມເວລາທ້ອງຖິ່ນ, ອົງການພະລັງງານປະລະມານູສາກົນຫຼືIAEAແລະອີຣານໄດ້ດຳເນີນການສົນທະນາຮອບທີ 12 ກ່ຽວກັບເອກະສານຂອບກ່ຽວກັບການກວດກາບັນຫານີວເຄຼຍຂອງອີຣານຢູ່ນະຄອນຫຼວງວຽນຂອງໂອຕຼີສ. ການສົນທະນາບໍ່ໄດ້ບັນລຸຜົນສຳເລັດຕາມເວລາກຳນົດທີ່ຄາດໄວ້ລ່ວງໜ້າ, ສອງຝ່າຍຍັງຈະສືບຕໍ່ດຳເນີນການເຈລະຈາໃນ 10 ໂມງຂອງວັນທີ 29 ຕຸລານີ້.
ຕາມຂ່າວແຈ້ງວ່າ, ພາຍຫຼັງຄະນະລັດຖະບານຊຸດໃໝ່ຂອງອີຣານຂຶ້ນກຳອຳນາດແລ້ວ, ໄດ້ກ່າວມາຫຼາຍເທື່ອແລ້ວວ່າຈະແກ້ໄຂບັນຫານີວເຄຼຍຂອງອີຣານດ້ວຍວິທີທາງການທູດ, ໃນນັ້ນລວມເຖິງການໃຫ້ຄວາມກະຈ່າງແຈ້ງກ່ຽວກັບບັນຫາຈຳນວນໜຶ່ງທີ່ມີຄວາມລະແວງສົງໃສກ່ຽວກັບແຜນການນີວເຄຼຍຂອງອີຣານ, ອົງການIAEA ໄດ້ສະແດງຄວາມຊົມເຊີຍຕໍ່ເລື່ອງນີ້. ແຕ່ວັນທີ 30 ຫາວັນທີ 31 ຕຸລານີ້, ໜ່ວຍວິຊາການທີ່ປະກອບດ້ວຍຊ່ຽວຊານອີຣານ 7 ຄົນຈະພົບປະກັບຊ່ຽວຊານຂອງ 6 ປະເທດທີ່ກ່ຽວຂ້ອງກັບບັນຫານີວເຄຼຍອີຣານຄື ອາເມລິກາ,ອັງກິດ,ຝະຣັ່ງ,ຣັດເຊຍ ຈີນແລະເຢຍລະມັນ, ເພື່ອປູທາງໃຫ້ແກ່ການເຈລະຈາເຊີແນວທີ່ຈະຈັດຂຶ້ນແຕ່ວັນທີ 7ຫາວັນທີ 8 ພະຈິກໜ້ານີ້. ມີນັກວິເຄາະເຫັນວ່າ, ກອງປະຊຸມເຫຼົ່ານີ້ຈະສາມາດສ້າງພື້ນຖານໃຫ້ແກ່ການເຈລະຈາບັນຫານີວເຄຼຍຮອບໃໝ່ທີ່ຈະຈັດຂຶ້ນຢູ່ເຊີແນວແຫ່ງສວິສໃນເດືອນໜ້າໃຫ້ໄດ້ຮັບຄວາມຄືບໜ້າຕົວຈິງ.
ຕາມຂ່າວແຈ້ງວ່າ, ພາຍຫຼັງຄະນະລັດຖະບານຊຸດໃໝ່ຂອງອີຣານຂຶ້ນກຳອຳນາດແລ້ວ, ໄດ້ກ່າວມາຫຼາຍເທື່ອແລ້ວວ່າຈະແກ້ໄຂບັນຫານີວເຄຼຍຂອງອີຣານດ້ວຍວິທີທາງການທູດ, ໃນນັ້ນລວມເຖິງການໃຫ້ຄວາມກະຈ່າງແຈ້ງກ່ຽວກັບບັນຫາຈຳນວນໜຶ່ງທີ່ມີຄວາມລະແວງສົງໃສກ່ຽວກັບແຜນການນີວເຄຼຍຂອງອີຣານ, ອົງການIAEA ໄດ້ສະແດງຄວາມຊົມເຊີຍຕໍ່ເລື່ອງນີ້. ແຕ່ວັນທີ 30 ຫາວັນທີ 31 ຕຸລານີ້, ໜ່ວຍວິຊາການທີ່ປະກອບດ້ວຍຊ່ຽວຊານອີຣານ 7 ຄົນຈະພົບປະກັບຊ່ຽວຊານຂອງ 6 ປະເທດທີ່ກ່ຽວຂ້ອງກັບບັນຫານີວເຄຼຍອີຣານຄື ອາເມລິກາ,ອັງກິດ,ຝະຣັ່ງ,ຣັດເຊຍ ຈີນແລະເຢຍລະມັນ, ເພື່ອປູທາງໃຫ້ແກ່ການເຈລະຈາເຊີແນວທີ່ຈະຈັດຂຶ້ນແຕ່ວັນທີ 7ຫາວັນທີ 8 ພະຈິກໜ້ານີ້. ມີນັກວິເຄາະເຫັນວ່າ, ກອງປະຊຸມເຫຼົ່ານີ້ຈະສາມາດສ້າງພື້ນຖານໃຫ້ແກ່ການເຈລະຈາບັນຫານີວເຄຼຍຮອບໃໝ່ທີ່ຈະຈັດຂຶ້ນຢູ່ເຊີແນວແຫ່ງສວິສໃນເດືອນໜ້າໃຫ້ໄດ້ຮັບຄວາມຄືບໜ້າຕົວຈິງ.
