UNEPຢືນຢັນຄວາມພະຍາຍາມຂອງຈີນໃນການພັດທະນາແບບຍືນຍົງ
(GMT+08:00) 2013-10-29 19:43:27 cri
ຕາມຂ່າວສານຊີນຮວາ: ວັນທີ 28 ຕຸລານີ້, ງານວາງສະແດງການພັດທະນາໃຕ້-ໃຕ້ທົ່ວໂລກຄັ້ງທີ 6 ໄດ້ໄຂຂຶ້ນຢູ່ນະຄອນຫຼວງໄນໂຣບີຂອງເຄັນຢາ, ທ່ານອາຊີມ ສເຕນີ ຮອງເລຂາທິການໃຫຍ່ສະຫະປະຊາຊາດ ຫົວໜ້າບໍລິຫານງານອົງການສິ່ງແວດລ້ອມສະຫະປະຊາຊາດຫຼື UNEPໄດ້ໃຫ້ຄວາມຢືນຢັນຕໍ່ຄວາມພະຍາຍາມຂອງຈີນໃນການພັດທະນາແບບຍືນຍົງ. ທ່ານອາຊີມ ສເຕນີກ່າວວ່າ, ລັດຖະບານຈີນສົ່ງເສີມໃຫ້ພາກສ່ວນແລະວິສາຫະກິດພາກເອກະຊົນກາຍເປັນພາກສ່ວນການຜະລິດຂອງສັງຄົມທີ່ຍິ່ງສະອາດ ແລະເກີດສິ່ງມົນລະພິດໜ້ອຍກວ່າເກົ່າ, ນີ້ແມ່ນອາລິຍະທຳຊີວະພາບທີ່ລັດຖະບານຈີນໄດ້ເນັ້ນໜັກມາແລ້ວ. ທັດສະນະຄະຕິດັ່ງກ່າວໄດ້ສະແດງໃຫ້ເຫັນວ່າ, ແນວຄວາມຄິດດ້ານການພັດທະນາຂອງຈີນແມ່ນເຮັດໃຫ້ການອະນຸລັກສິ່ງແວດລ້ອມແລະການພັດທະນາເສດຖະກິດມີຄວາມດຸ່ນດ່ຽງໂດຍພື້ນຖານ, ແລະກໍ່ຜັນຂະຫຍາຍທັດສະນະຄະຕິນີ້ໃນແຜນການການພັດທະນາໃນອະນາຄົດ.
