ເອກອັກຄະລັດຖະທູດຟີລິບປິນປະຈຳຈີນກ່າວວ່າ: ປະຊາຊົນຟີລິບປິນຍິນດີເປັນເພື່ອນມິດທີ່ດີກັບປະຊາຊົນຈີນຕະຫຼອດໄປ
(GMT+08:00) 2013-10-30 19:58:39 cri
ຕາມຂ່າວCRI: ຫວ່າງກ່ອນນີ້ບໍ່ດົນ, ທ່ານນາງເອີລິນດາ ບາຊີລີໂອ ເອກອັກຄະລັດຖະທູດຟີລິບປິນປະຈຳຈີນກ່າວຢູ່ນະຄອນຫຼວງປັກກິ່ງຂອງຈີນວ່າ, ປະຊາຊົນຟີລິບປິນຍິນດີເປັນເພື່ອນມິດທີ່ດີກັບປະຊາຊົນຈີນຕະຫຼອດໄປ.
ທ່ານນາງເອກອັກຄະລັດຖະທູດເອີລິນດາ ບາຊີລີໂອແມ່ນໃຫ້ທັດສະນະດັ່ງກ່າວໃນງານລ້ຽງຕ້ອນຮັບທີ່ຈັດຂຶ້ນຢູ່ບ້ານພັກເອກອັກຄະລັດຖະທູດໃນຕອນຄ່ຳວັນທີ 28 ຕຸລານີ້. ງານລ້ຽງຕ້ອນຮັບແມ່ນຈັດຂຶ້ນເພື່ອສະແດງຄວາມຂອບໃຈຕໍ່ພະແນກພາສາຟີລິບປິນຂອງວິທະຍຸສາກົນແຫ່ງປະເທດຈີນແລະວິຊາພາສາແລະວັດທະນະທຳຟີລິບປິນຂອງມະຫາວິທະຍາໄລປັກກິ່ງຂອງຈີນທີ່ໄດ້ທຳຄວາມພະຍາຍາມເພື່ອຊຸກຍູ້ການໄປມາຫາສູ່ກັນຢ່າງມີໄມຕີຈິດມິດຕະພາບລະຫວ່າງຟີລິບປິນ-ຈີນ. ນີ້ແມ່ນບ້ານພັກເອກອັກຄະລັດຖະທູດຟີລິບປິນເປີດປະຕູຕໍ່ແຂກຕ່າງປະເທດເປັນຄັ້ງທຳອິດ.
ທ່ານນາງເອີລິນດາ ບາຊີລີໂອກ່າວວ່າ, ການກະທຳດັ່ງກ່າວມີຈຸດປະສົງເພື່ອສະແດງຄວາມຈິງອົກຈິງໃຈຂອງປະຊາຊົນຟີລິບປິນຕໍ່ປະຊາຊົນຈີນ, ຮັດແໜ້ນມິດຕະພາບລະຫວ່າງປະຊາຊົນສອງຊາດ. ນາງກ່າວຕື່ມວ່າ, ຍິນດີຕ້ອນຮັບເພື່ອນມິດຈີນໄປທ່ຽວຟີລິບປິນເພື່ອສຳຜັດໄມຕີຈິດມິດຕະພາບແລະຄວາມກະຕືລືລົ້ນຂອງປະຊາຊົນຟີລິບປິນຢ່າງໃກ້ຊິດ, ສະຖານທູດຟີລິບປິນປະຈຳຈີນຍິນດີສະໜອງການບໍລິການໃນທຸກໆດ້ານ.
ທ່ານນາງເອກອັກຄະລັດຖະທູດຍັງກ່າວວ່າ, ເນື້ອໃນ"ຄວາມຝັນຂອງຈີນ" ຄ້າຍຄືກັນກັບອຸດົມການຂອງຟີລິບປິນທີ່ໄດ້ສະແຫວງຫາມາເປັນໄລຍະຍາວນານ, ປະຊາຊົນຟີລິບປິນກໍ່ຫວັງວ່າປະເທດຕົນມີການພັດທະນາ, ຊີວິດການເປັນຢູ່ຂອງປະຊາຊົນໄດ້ຮັບການປັບປຸງໃຫ້ດີຂຶ້ນແລະກໍ່ຢາກເປີດກວ້າງການໄປມາຫາສູ່ກັນຢ່າງມີໄມຕີຈິດມິດຕະພາບກັບປະຊາຊົນຂອງປະເທດອື່ນໆ.
ທ່ານນາງເອກອັກຄະລັດຖະທູດເອີລິນດາ ບາຊີລີໂອແມ່ນໃຫ້ທັດສະນະດັ່ງກ່າວໃນງານລ້ຽງຕ້ອນຮັບທີ່ຈັດຂຶ້ນຢູ່ບ້ານພັກເອກອັກຄະລັດຖະທູດໃນຕອນຄ່ຳວັນທີ 28 ຕຸລານີ້. ງານລ້ຽງຕ້ອນຮັບແມ່ນຈັດຂຶ້ນເພື່ອສະແດງຄວາມຂອບໃຈຕໍ່ພະແນກພາສາຟີລິບປິນຂອງວິທະຍຸສາກົນແຫ່ງປະເທດຈີນແລະວິຊາພາສາແລະວັດທະນະທຳຟີລິບປິນຂອງມະຫາວິທະຍາໄລປັກກິ່ງຂອງຈີນທີ່ໄດ້ທຳຄວາມພະຍາຍາມເພື່ອຊຸກຍູ້ການໄປມາຫາສູ່ກັນຢ່າງມີໄມຕີຈິດມິດຕະພາບລະຫວ່າງຟີລິບປິນ-ຈີນ. ນີ້ແມ່ນບ້ານພັກເອກອັກຄະລັດຖະທູດຟີລິບປິນເປີດປະຕູຕໍ່ແຂກຕ່າງປະເທດເປັນຄັ້ງທຳອິດ.
ທ່ານນາງເອີລິນດາ ບາຊີລີໂອກ່າວວ່າ, ການກະທຳດັ່ງກ່າວມີຈຸດປະສົງເພື່ອສະແດງຄວາມຈິງອົກຈິງໃຈຂອງປະຊາຊົນຟີລິບປິນຕໍ່ປະຊາຊົນຈີນ, ຮັດແໜ້ນມິດຕະພາບລະຫວ່າງປະຊາຊົນສອງຊາດ. ນາງກ່າວຕື່ມວ່າ, ຍິນດີຕ້ອນຮັບເພື່ອນມິດຈີນໄປທ່ຽວຟີລິບປິນເພື່ອສຳຜັດໄມຕີຈິດມິດຕະພາບແລະຄວາມກະຕືລືລົ້ນຂອງປະຊາຊົນຟີລິບປິນຢ່າງໃກ້ຊິດ, ສະຖານທູດຟີລິບປິນປະຈຳຈີນຍິນດີສະໜອງການບໍລິການໃນທຸກໆດ້ານ.
ທ່ານນາງເອກອັກຄະລັດຖະທູດຍັງກ່າວວ່າ, ເນື້ອໃນ"ຄວາມຝັນຂອງຈີນ" ຄ້າຍຄືກັນກັບອຸດົມການຂອງຟີລິບປິນທີ່ໄດ້ສະແຫວງຫາມາເປັນໄລຍະຍາວນານ, ປະຊາຊົນຟີລິບປິນກໍ່ຫວັງວ່າປະເທດຕົນມີການພັດທະນາ, ຊີວິດການເປັນຢູ່ຂອງປະຊາຊົນໄດ້ຮັບການປັບປຸງໃຫ້ດີຂຶ້ນແລະກໍ່ຢາກເປີດກວ້າງການໄປມາຫາສູ່ກັນຢ່າງມີໄມຕີຈິດມິດຕະພາບກັບປະຊາຊົນຂອງປະເທດອື່ນໆ.
