ລັດຖະມົນຕີການຕ່າງປະເທດຈີນຢ້ຽມຢາມຝະຣັ່ງ
ພາຍຫຼັງພົບປະເຈລະຈາກັນແລ້ວ, ນາຍົກລັດຖະມົນຕີຈີນແລະຝະຣັ່ງໄດ້ຮ່ວມກັນຖະແຫຼງຂ່າວຕໍ່ສື່ມວນຊົນ
ຕອນບ່າຍວັນທີ 30 ຕຸລານີ້ ຕາມເວລາທ້ອງຖິ່ນ, ຢູ່ວັງເອລິເຊ ທີ່ເປັນທຳນຽບປະທານາທິບໍດີຝະຣັ່ງ, ທ່ານຟຼານຊົວ ອ໋ອນລອງ ປະທານາທິບໍດີຝະຣັ່ງໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານຫວາງຢີ້ ລັດຖະມົນຕີການຕ່າງປະເທດຈີນທີ່ເດີນທາງຢ້ຽມຢາມຝະຣັ່ງເປັນເທື່ອທຳອິດ. ຕອນຄ່ຳວັນດຽວກັນ, ທ່ານຫວາງຢີ້ໄດ້ພົບປະເຈລະຈາກັບທ່ານໂລເລັນທ໌ ຟາບີອູສ ລັດຖະມົນຕີວ່າການກະຊວງການຕ່າງປະເທດຝະຣັ່ງຢູ່ສຳນັກງານກະຊວງການຕ່າງປະເທດຝະຣັ່ງ,ແລະໄດ້ຖະແຫຼງຂ່າວຕໍ່ສື່ມວນຊົນ.
ທ່ານຫວາງຢີ້ຕອບຄຳຖາມຂອງນັກຂ່າວໃນງານຖະແຫຼງຂ່າວ
ໃນເວລາກ່າວເຖິງການພົວພັນລະຫວ່າງຈີນກັບຝະຣັ່ງ, ທ່ານຫວາງຢີ້ກ່າວຢູ່ໃນງານຖະແຫຼງຂ່າວວ່າ, ຈີນໄດ້ໃຫ້ຄວາມສຳຄັນໃນລະດັບສູງຕໍ່ການຮ່ວມມືຢ່າງມີໄມຕີຈິດມິດຕະພາບກັບຝະຣັ່ງຢ່າງສະເໝີຕົ້ນສະເໝີປາຍ. ປີ2014 ແມ່ນປີທີ່ຈີນແລະຝະຣັ່ງສ້າງສາຍພົວພັນທາງການທູດນຳກັນຄົບຮອບ 50 ປີ, ໃນໂອກາດນີ້, ຫວັງວ່າສອງປະເທດຈະສາມາດປັບປຸງ,ລົງເລິກແລະເພີ່ມທະວີຄວາມໄວ້ເນື້ອເຊື່ອໃຈກັນດ້ານຍຸດທະສາດ,ທຳຄວາມເຂົ້າໃຈກັນແລະຮ່ວມມືກັນໃນຂົງເຂດຕ່າງໆໃຫ້ໝັ້ນຄົງຕື່ມອີກຢ່າງບໍ່ຢຸດຢັ້ງ.
