ກະຊວງການຕ່າງປະເທດຈີນສະແດງຄວາມເສົ້າສະຫຼົດໃຈຕໍ່ຜູ້ຖືກເຄາະຮ້າຍທີ່ບໍ່ມີຄວາມຜິດຫຍັງໃນເຫດການລົດຈິບຕຳຂົວຈິ່ນສຸ້ຍຫໍທຽນອ່ານເມິນທີ່ນະຄອນຫຼວງປັກກິ່ງ
(GMT+08:00) 2013-10-31 12:03:18 cri
ວັນທີ 30 ຕຸລານີ້,ຢູ່ນະຄອນຫຼວງປັກກິ່ງຂອງຈີນ,ທ່ານນາງຮົ໋ວຊຸນຢິງ ໂຄສົກກະຊວງການຕ່າງປະເທດຈີນກ່າວວ່າ, ເຫດການລົດຈິບຕຳຂົວຈິ່ນສຸຍຫໍທຽນອ່ານເມິນຢູ່ນະຄອນຫຼວງປັກກິ່ງທີ່ເກີດຂຶ້ນໃນເມື່ອມໍ່ໆມານີ້ໄດ້ເຮັດໃຫ້ມີຄົນເສຍຊີວິດແລະບາດເຈັບ,ຊຶ່ງໃນນັ້ນມີນັກທ່ອງທ່ຽວຕ່າງປະເທດ 5 ຄົນ. ຈີນສະແດງຄວາມເສຍໃຈຕໍ່ເຫດການທີ່ບໍ່ເພິ່ງປາຖະໜາໃນຄັ້ງນີ້,ແລະສະແດງຄວາມເສົ້າສະຫຼົດໃຈຕໍ່ຜູ້ຖືກເຄາະຮ້າຍທີ່ບໍ່ມີຄວາມຜິດຫຍັງ, ແລະສະແດງຄວາມຢື້ຢາມຖາມຂ່າວຕໍ່ຄອບຄົວຂອງຜູ້ເສຍຊີວິດແລະຜູ້ບາດເຈັບໃນເຫດການຄັ້ງນີ້.
ນາງຮົ໋ວຊຸນຢີງກ່າວວ່າ, ພາຍຫຼັງເຫດການເກີດຂຶ້ນແລ້ວ, ພາກສ່ວນທີ່ກ່ຽວຂ້ອງຂອງຈີນໄດ້ໃຊ້ປະຕິບັດການໂດຍທັນທີ, ຮັບປະກັນໃຫ້ຜູ້ບາດເຈັບໄດ້ຮັບການປິ່ນປົວຢ່າງມີປະສິດທິຜົນແລະທັນການ, ຈີນໄດ້ແຈ້ງສະພາບການໃຫ້ສະຖານທູດປະເທດທີ່ກ່ຽວຂ້ອງປະຈຳຈີນຊາບຢ່າງທັນການ, ແລະໄດ້ອຳນວຍຄວາມສະດວກໃຫ້ແກ່ເຈົ້າໜ້າທີ່ການທູດຂອງສະຖານທູດປະເທດທີ່ກ່ຽວຂ້ອງໄດ້ໄປຢ້ຽມຢາມຜູ້ບາດເຈັບທີ່ເປັນພົນລະເມືອງຂອງຕົນແລະອື່ນໆ. ຈີນຈະສືບຕໍ່ໃຫ້ການຊ່ວຍເຫຼືອທີ່ຈຳເປັນເພື່ອແກ້ໄຂວຽກງານທີ່ກ່ຽວຂ້ອງໃຫ້ດີ.
ນາງຮົ໋ວຊຸນຢີງກ່າວວ່າ, ພາຍຫຼັງເຫດການເກີດຂຶ້ນແລ້ວ, ພາກສ່ວນທີ່ກ່ຽວຂ້ອງຂອງຈີນໄດ້ໃຊ້ປະຕິບັດການໂດຍທັນທີ, ຮັບປະກັນໃຫ້ຜູ້ບາດເຈັບໄດ້ຮັບການປິ່ນປົວຢ່າງມີປະສິດທິຜົນແລະທັນການ, ຈີນໄດ້ແຈ້ງສະພາບການໃຫ້ສະຖານທູດປະເທດທີ່ກ່ຽວຂ້ອງປະຈຳຈີນຊາບຢ່າງທັນການ, ແລະໄດ້ອຳນວຍຄວາມສະດວກໃຫ້ແກ່ເຈົ້າໜ້າທີ່ການທູດຂອງສະຖານທູດປະເທດທີ່ກ່ຽວຂ້ອງໄດ້ໄປຢ້ຽມຢາມຜູ້ບາດເຈັບທີ່ເປັນພົນລະເມືອງຂອງຕົນແລະອື່ນໆ. ຈີນຈະສືບຕໍ່ໃຫ້ການຊ່ວຍເຫຼືອທີ່ຈຳເປັນເພື່ອແກ້ໄຂວຽກງານທີ່ກ່ຽວຂ້ອງໃຫ້ດີ.
