ລະບົບນຳທາງດາວທຽມ "ເປີຍໂຕວ"ຂອງຈີນເລີ່ມໃຫ້ບໍລິການຢູ່ໄທ
(GMT+08:00) 2013-10-31 18:22:11 cri
ຕາມຂ່າວສານຊີນຮວາ: ວັນທີ 30 ຕຸລານີ້, ຢູ່ນະຄອນຫຼວງບາງກອກຂອງໄທ, ເຈົ້າໜ້າທີ່ຂອງສອງປະເທດໄທ-ຈີນເຜີຍໃຫ້ຮູ້ວ່າ, ລະບົບນຳທາງດາວທຽມ "ເປີຍໂຕວ"ທີ່ຈີນຄົ້ນຄວ້າຜະລິດເອງຊຶ່ງເປັນໜຶ່ງໃນ 4 ລະບົບນຳທາງດາວທຽມທີ່ສຳຄັນຂອງໂລກຈະເລີ່ມໃຫ້ບໍລິການຢູ່ໄທໃນຕົ້ນປີ 2014ໜ້ານີ້, ໄທກໍ່ຈະແມ່ນປະເທດທຳອິດໃນອາຊຽນທີ່ນຳໃຊ້ລະບົບນຳທາງດັ່ງກ່າວ.
ທ່ານອານົນ ຫົວໜ້າກົມເຕັກໂນໂລຊີດ້ານພູມສາດອະວະກາດໄທກ່າວວ່າ, ການສ້າງລະບົບເຕືອນໄພລ່ວງໜ້າບົນພື້ນຖານເຕັກໂນໂລຊີຄວບຄຸມທາງໄກດ້ວຍດາວທຽມ "ເປີຍໂຕວ"ຈະຖືກຈັດເຂົ້າໃນແຜນການພັດທະນາເສດຖະກິດຂອງລັດຖະບານໄທ, ຕົ້ນຕໍແມ່ນໃຫ້ການບໍລິການ ເຕື່ອນໄພລ່ວງໜ້າໃນດ້ານກະສິກຳຂອງໄທ, ນອກນີ້ຍັງໄດ້ກວມໄປເຖິງຂົງເຂດຕ່າງໆຂອງໄທອີກເຊັ່ນ: ຄົມມະນາຄົມ, ພະລັງງານໄຟຟ້າແລະສິ່ງແວດລ້ອມເປັນຕົ້ນ. ທ່ານອານົນກ່າວວ່າ, ລະບົບນຳທາງດາວທຽມ"ເປີຍໂຕວ"ບໍ່ພຽງແຕ່ສາມາດຊຸກຍູ້ການພັດທະນາຂະແໜງການເຕັກນິກວິທະຍາສາດທີ່ກ້າວໜ້າຂອງໄທເທົ່ານັ້ນ, ແຕ່ຍັງສາມາດສະໜອງການບໍລິການໃຫ້ແກ່ປະຊາຊົນໄທຫຼາຍກວ່າເກົ່າອີກ, ວິສາຫະກິດທ້ອງຖິ່ນຂອງໄທສາມາດກຳແໜ້ນໂອກາດຂອງການພັດທະນານີ້.
ທ່ານຫຼີວຈຸ່ນອີ້, ຮອງຫົວໜ້າປະຈຳການສູນຄົ້ນຄວ້າແລະບໍລິການການຮັບເໝົາຕໍ່ພາຍນອກດ້ານເຕັກໂນໂລຊີຂໍ້ມູນຂ່າວສານອູຮ້ານຈີນກ່າວວ່າ, ປະຈຸບັນ ສອງຝ່າຍຈີນ-ໄທໄດ້ຕົກລົງຮ່ວມກັນວ່າ, ຈະເລີ່ມສ້າງສະຖານີດາວທຽມຕົວແບບຢູ່ໃນເຂດນິຄົມອຸດສາຫະກຳອະວະກາດປະດິດສ້າງທີ່ຕັ້ງຢູ່ຈັງຫວັດຊົນບຸຣີທາງພາກກາງຂອງໄທໃນເດືອນພະຈິກໜ້ານີ້, ແລະຈະເລີ່ມລົງມືກໍ່ສ້າງຢ່າງເປັນທາງການໃນຂອບເຂດທົ່ວປະເທດໃນຕົ້ນປີ 2014.ປະຈຸບັນ, ລະບົບ "ເປີຍໂຕວ"ໄດ້ປົກຄຸມພາກພື້ນອາຊີປາຊີຟິກ, ແລະຈະສາມາດຄວບຄຸມໄດ້ໃນຂອບເຂດທົ່ວໂລກໃນປີ 2015.
ທ່ານອານົນ ຫົວໜ້າກົມເຕັກໂນໂລຊີດ້ານພູມສາດອະວະກາດໄທກ່າວວ່າ, ການສ້າງລະບົບເຕືອນໄພລ່ວງໜ້າບົນພື້ນຖານເຕັກໂນໂລຊີຄວບຄຸມທາງໄກດ້ວຍດາວທຽມ "ເປີຍໂຕວ"ຈະຖືກຈັດເຂົ້າໃນແຜນການພັດທະນາເສດຖະກິດຂອງລັດຖະບານໄທ, ຕົ້ນຕໍແມ່ນໃຫ້ການບໍລິການ ເຕື່ອນໄພລ່ວງໜ້າໃນດ້ານກະສິກຳຂອງໄທ, ນອກນີ້ຍັງໄດ້ກວມໄປເຖິງຂົງເຂດຕ່າງໆຂອງໄທອີກເຊັ່ນ: ຄົມມະນາຄົມ, ພະລັງງານໄຟຟ້າແລະສິ່ງແວດລ້ອມເປັນຕົ້ນ. ທ່ານອານົນກ່າວວ່າ, ລະບົບນຳທາງດາວທຽມ"ເປີຍໂຕວ"ບໍ່ພຽງແຕ່ສາມາດຊຸກຍູ້ການພັດທະນາຂະແໜງການເຕັກນິກວິທະຍາສາດທີ່ກ້າວໜ້າຂອງໄທເທົ່ານັ້ນ, ແຕ່ຍັງສາມາດສະໜອງການບໍລິການໃຫ້ແກ່ປະຊາຊົນໄທຫຼາຍກວ່າເກົ່າອີກ, ວິສາຫະກິດທ້ອງຖິ່ນຂອງໄທສາມາດກຳແໜ້ນໂອກາດຂອງການພັດທະນານີ້.
ທ່ານຫຼີວຈຸ່ນອີ້, ຮອງຫົວໜ້າປະຈຳການສູນຄົ້ນຄວ້າແລະບໍລິການການຮັບເໝົາຕໍ່ພາຍນອກດ້ານເຕັກໂນໂລຊີຂໍ້ມູນຂ່າວສານອູຮ້ານຈີນກ່າວວ່າ, ປະຈຸບັນ ສອງຝ່າຍຈີນ-ໄທໄດ້ຕົກລົງຮ່ວມກັນວ່າ, ຈະເລີ່ມສ້າງສະຖານີດາວທຽມຕົວແບບຢູ່ໃນເຂດນິຄົມອຸດສາຫະກຳອະວະກາດປະດິດສ້າງທີ່ຕັ້ງຢູ່ຈັງຫວັດຊົນບຸຣີທາງພາກກາງຂອງໄທໃນເດືອນພະຈິກໜ້ານີ້, ແລະຈະເລີ່ມລົງມືກໍ່ສ້າງຢ່າງເປັນທາງການໃນຂອບເຂດທົ່ວປະເທດໃນຕົ້ນປີ 2014.ປະຈຸບັນ, ລະບົບ "ເປີຍໂຕວ"ໄດ້ປົກຄຸມພາກພື້ນອາຊີປາຊີຟິກ, ແລະຈະສາມາດຄວບຄຸມໄດ້ໃນຂອບເຂດທົ່ວໂລກໃນປີ 2015.
