ຫຼາຍອົງການຈັດຕັ້ງທາງການເມືອງຂອງໄທຈັດງານໂຮມຊຸມນຸມປະທ້ວງການພິຈາລະນາວາລະສອງເພື່ອຜ່ານຮັບຮອງຮ່າງພະລາຊະບັນຍັດນີລະໂທດກຳ
(GMT+08:00) 2013-11-01 11:28:52 cri
ວັນທີ 31 ຕຸລາແລ້ວນີ້, ລັດຖະສະພາໄທໄດ້ເລີ່ມດຳເນີນການອະພິປາຍວາລະສອງເພື່ອຜ່ານຮັບຮອງຮ່າງພະລາຊະບັນຍັດນີລະໂທດກຳທີ່ມີການຖົກຖຽງກັນຫຼາຍໃນສັງຄົມ, ວັນດຽວກັນ,ຫຼາຍອົງການຈັດຕັ້ງທາງການເມືອງຂອງໄທໄດ້ຈັດງານໂຮມຊຸມນຸມປະທ້ວງຢູ່ແຫ່ງຕ່າງໆຂອງນະຄອນຫຼວງບາງກອກເພື່ອຄັດຄ້ານການຜ່ານຮັບຮອງຮ່າງກົດໝາຍສະບັບນີ້.
ຮ່າງພະລາຊະບັນຍັດນີລະໂທດກຳສະບັບດັ່ງກ່າວນີ້ທີ່ສະມາຊິກສະພາຂອງພັກເພື່ອໄທຍື່ນໃຫ້ລັດຖະສະພາໃນກ່ອນໜ້ານີ້ໄດ້ຜ່ານການຮັບຮອງດ້ວຍການພິຈາລະນາວາລະທຳອິດແລະລົງຄະແນນສຽງຢູ່ລັດຖະສະພາໃນຕົ້ນເດືອນສິງຫາຜ່ານມານີ້. ຫຼັງຈາກນັ້ນ, ລັດຖະສະພາໄດ້ສ້າງຕັ້ງກຳມາທິການວິສາມັນເພື່ອຮັບຜິດຊອບການຄົ້ນຄວ້າແລະດັດແກ້ຮ່າງພະລາຊະບັນຍັດສະບັບນີ້.
ພັກປະຊາທິປັດກ່າວວ່າບໍ່ສາມາດຮັບຮອງຮ່າງພະລາຊະບັນຍັດນີລະໂທດກຳທີ່ເປັນການປູທາງໃຫ້ທ່ານທັກສິນຊິນນະວັດກັບຄືນປະເທດເພື່ອລົບລ້າງຄວາມຜິດ, ສະນັ້ນຈິ່ງຈັດຕັ້ງການໂຮມຊຸມນຸມປະທ້ວງຢ່າງຂະໜາດໃຫຍ່ເລີ່ມແຕ່ເວລາ 18 ໂມງຂອງວັນທີ 31 ຕຸລາແລ້ວນີ້ເປັນຕົ້ນມາ. ຕອນຄ່ຳວັນດຽວກັນ, ຈຳນວນຄົນທີ່ເຂົ້າຮ່ວມງານໂຮມຊຸມນຸມໄດ້ມີເກືອບ 1 ໝື່ນຄົນແລ້ວ.
ທ່ານນາງຍິ່ງລັກ ຊິນນະວັດ ນາຍົກລັດຖະມົນຕີໄທບໍ່ໄດ້ເຂົ້າຮ່ວມການອະພິປາຍຮ່າງພະລາຊະບັນຍັດວາລະສອງໃນວັນທີ 31 ຕຸລາແລ້ວນີ້. ທ່ານນາງຍິ່ງລັກກ່າວຢ້ຳມາຫຼາຍເທື່ອແລ້ວວ່າ, ຮ່າງພະລາຊະບັນຍັດນີລະໂທດກຳບໍ່ແມ່ນຮ່າງພະລາຊະບັນຍັດຂອງລັດຖະບານ,ຫາກແມ່ນຍັດຕິຂອງສະມາຊິກສະພາ. ຈຸດປະສົງຂອງການນີລະໂທດກຳແມ່ນເພື່ອໃຫ້ປະເທດບັນລຸຄວາມປອງດອງກັນແລະພັດທະນາກ້າວໄປທາງໜ້າ, ຮ່າງພະລາຊະບັນຍັດນີ້ມີທັງຜູ້ສະໜັບສະໜູນແລະມີຜູ້ຄັດຄ້ານ, ສະນັ້ນ,ຄວນນຳໃຊ້ເວທີລັດຖະສະພາເພື່ອດຳເນີນການແລກປ່ຽນຄວາມຄິດຄວາມເຫັນກັນ.
ຮ່າງພະລາຊະບັນຍັດນີລະໂທດກຳສະບັບດັ່ງກ່າວນີ້ທີ່ສະມາຊິກສະພາຂອງພັກເພື່ອໄທຍື່ນໃຫ້ລັດຖະສະພາໃນກ່ອນໜ້ານີ້ໄດ້ຜ່ານການຮັບຮອງດ້ວຍການພິຈາລະນາວາລະທຳອິດແລະລົງຄະແນນສຽງຢູ່ລັດຖະສະພາໃນຕົ້ນເດືອນສິງຫາຜ່ານມານີ້. ຫຼັງຈາກນັ້ນ, ລັດຖະສະພາໄດ້ສ້າງຕັ້ງກຳມາທິການວິສາມັນເພື່ອຮັບຜິດຊອບການຄົ້ນຄວ້າແລະດັດແກ້ຮ່າງພະລາຊະບັນຍັດສະບັບນີ້.
ພັກປະຊາທິປັດກ່າວວ່າບໍ່ສາມາດຮັບຮອງຮ່າງພະລາຊະບັນຍັດນີລະໂທດກຳທີ່ເປັນການປູທາງໃຫ້ທ່ານທັກສິນຊິນນະວັດກັບຄືນປະເທດເພື່ອລົບລ້າງຄວາມຜິດ, ສະນັ້ນຈິ່ງຈັດຕັ້ງການໂຮມຊຸມນຸມປະທ້ວງຢ່າງຂະໜາດໃຫຍ່ເລີ່ມແຕ່ເວລາ 18 ໂມງຂອງວັນທີ 31 ຕຸລາແລ້ວນີ້ເປັນຕົ້ນມາ. ຕອນຄ່ຳວັນດຽວກັນ, ຈຳນວນຄົນທີ່ເຂົ້າຮ່ວມງານໂຮມຊຸມນຸມໄດ້ມີເກືອບ 1 ໝື່ນຄົນແລ້ວ.
ທ່ານນາງຍິ່ງລັກ ຊິນນະວັດ ນາຍົກລັດຖະມົນຕີໄທບໍ່ໄດ້ເຂົ້າຮ່ວມການອະພິປາຍຮ່າງພະລາຊະບັນຍັດວາລະສອງໃນວັນທີ 31 ຕຸລາແລ້ວນີ້. ທ່ານນາງຍິ່ງລັກກ່າວຢ້ຳມາຫຼາຍເທື່ອແລ້ວວ່າ, ຮ່າງພະລາຊະບັນຍັດນີລະໂທດກຳບໍ່ແມ່ນຮ່າງພະລາຊະບັນຍັດຂອງລັດຖະບານ,ຫາກແມ່ນຍັດຕິຂອງສະມາຊິກສະພາ. ຈຸດປະສົງຂອງການນີລະໂທດກຳແມ່ນເພື່ອໃຫ້ປະເທດບັນລຸຄວາມປອງດອງກັນແລະພັດທະນາກ້າວໄປທາງໜ້າ, ຮ່າງພະລາຊະບັນຍັດນີ້ມີທັງຜູ້ສະໜັບສະໜູນແລະມີຜູ້ຄັດຄ້ານ, ສະນັ້ນ,ຄວນນຳໃຊ້ເວທີລັດຖະສະພາເພື່ອດຳເນີນການແລກປ່ຽນຄວາມຄິດຄວາມເຫັນກັນ.
