ປີ2025, ຈຳນວນຜູ້ອາຍຸສູງຈີນຈະຫຼາຍກວ່າ 300 ລ້ານຄົນ
ວັນທີ2 ພະຈິກນີ້, ໃນກອງປະຊຸມເວທີເປິກສາຫາລືລະດັບສູງການພັດທະນາພາລະກິດຜູ້ອາຍຸສູງຈີນ 2013, ທ່ານຫຼີລີ້ກົວ ລັດຖະມົນຕີວ່າການກະຊວງການປົກຄອງແລະປະຊາສົງເຄາະທັງເປັນຮອງຫົວໜ້າຄະນະກຳມະການຜູ້ເຖົ້າທົ່ວປະເທດຈີນແນະນຳວ່າ, ຈີນເປັນປະເທດທີ່ມີຜູ້ອາຍຸສູງຫຼາຍກວ່າໝູ່ໃນໂລກ, ປີນີ້, ຈຳນວນຜູ້ອາຍຸສູງຈະຫຼາຍກວ່າ 200 ລ້ານຄົນ, ປີ2025 ຈະຫຼາຍກວ່າ 300 ລ້ານຄົນ, ປີ2034 ຈະຫຼາຍກວ່າ 400 ລ້ານຄົນ, ນີ້ຈະເປັນສິ່ງທ້າທາຍອັນຂ້ຽວຂາດຕໍ່ຈີນ.
ຄຽງຄູ່ກັບຂະບວນການທີ່ປະຊາກອນຫັນເປັນຜູ້ເຖົ້າຫຼາຍຂຶ້ນຢ່າງບໍ່ຢຸດຢັ້ງ, ກຸ່ມຜູ້ເຖົ້າອັນໄພສານແລະຄວາມຕ້ອງການດ້ານການບໍລິການຢ່າງຫຼວງຫຼາຍທີ່ເກີດຂຶ້ນໄດ້ສະແດງໃຫ້ເຫັນວ່າຂະແໜງການການບໍລິການຜູ້ເຖົ້າໄດ້ເຂົ້າສູ່ໄລຍະທີ່ມີໂອກາດທາງປະຫວັດສາດອັນສຳຄັນ. ທ່ານຫຼີລີ້ກົວເຫັນວ່າ, ຕ້ອງບູລະນະນະໂຍບາຍແລະມາດຕະການໃຫ້ສົມບູນ, ສະໜອງການຮັບປະກັນທາງນະໂຍບາຍຕໍ່ການພັດທະນາຂະແໜງການການບໍລິການຜູ້ເຖົ້າ, ເຮັດໃຫ້ກຳລັງໃນສັງຄົມກາຍເປັນກຳລັງຕົ້ນຕໍໃນການພັດທະນາຜະລິດຕະກຳບໍລິການຜູ້ເຖົ້າ, ເພື່ອຕອບສະໜອງຄວາມຕ້ອງການທາງການບໍລິການຜູ່ອາຍຸສູງອັນກວ້າງໃຫຍ່ໄພສານ.
