ກອງປະຊຸມສຸດຍອດກອງປະກອບອາວຸດຊົນເຜົ່າສ່ວນໜ້ອຍມຽນມາກ້າວເຖິງຄວາມຮັບຮູ້ຄືກັນກ່ຽວກັບສັນຕິພາບ
ວັນທີ2 ພະຈິກນີ້, ກຸ່ມປະກອບອາວຸດຊົນເຜົ່າສ່ວນໜ້ອຍ 17 ກຸ່ມຂອງມຽນມາໄດ້ກ້າວເຖິງຄວາມຮັບຮູ້ຄືກັນຫຼາຍຂໍ້ກ່ຽວກັບການເຊັນສັນຍາຢຸດຍິງທົ່ວປະເທດກັບລັດຖະບານແລະໄດ້ເຊັນເອກະສານກ່ຽວຂ້ອງໃນກອງປະຊຸມສຸດຍອດສັນຕິພາບທີ່ຈັດຂຶ້ນຢູ່ລາເຊັນຂອງລັດຄາຊິນພາກເໜືອມຽນມາ.
ບຸກຄົນທີ່ກ່ຽວຂ້ອງທີ່ເຂົ້າຮ່ວມກອງປະຊຸມສຸດຍອດກ່າວວ່າ, ຖ້າວ່າຝ່າຍລັດຖະບານຮັບຮອງເອົາຄວາມຮັບຮູ້ຄືກັນຂອງກອງປະຊຸມສຸດຍອດແລ້ວ, ກໍ່ອາດຈະເຊັນສັນຍາຢຸດຍິງທົ່ວປະເທດໄດ້ໂດຍໄວ.
ບັນດາກຸ່ມປະກອບອາວຸດຊົນເຜົ່າສ່ວນໜ້ອຍກ່າວວ່າ, ກຸ່ມຕ່າງໆຈະເຊັນສັນຍາຢຸດຍິງທົ່ວປະເທດຮ່ວມກັນ, ຈະບໍ່ເຄື່ອນໄຫວແຕ່ກຸ່ມດຽວ.
ປັດຈຸບັນ, ຢູ່ມຽນມາມີຫຼາຍກອງປະກອບອາວຸດຊົນເຜົ່າສ່ວນໜ້ອຍທີ່ຕ້ານລັດຖະບານຫຼາຍກຸ່ມ. ພາຍຫຼັງກຳອຳນາດການປົກຄອງໃນເດືອນມີນາປີ 2011, ລັດຖະບານມຽນມາຊຸດນີ້ທີ່ທ່ານປະທານາທິບໍດີເຕນເຊນນຳພາໄດ້ອອກແຮງຊຸກຍູ້ຂະບວນການການປອງດອງຊາດ, ໄດ້ບັນລຸດການຢຸດຍິງກັບສິບກວ່າກຸ່ມປະກອບອາວຸດຊົນເຜົ່າສ່ວນໜ້ອຍທີ່ລວມທັງສະຫະພັນຊົນເຜົ່າເຄລຸນເຊິ່ງເປັນກອງປະກອບອາວຸດຕ້ານລັດຖະບານໃຫຍ່ທີ່ສຸດ. ຝ່າຍທາງການກ່າວວ່າ, ບາດກ້າວຕໍ່ໄປຈະຍາດແຍ່ງເຊັນສັນຍາຢຸດຍິງທົ່ວປະເທດກັບທຸກກຸ່ມປະກອບອາວຸດ.
