ສື່ມວນຊົນໂອຕຼິສກ່າວວ່າໂອຕຼິສກໍ່ຖືກ NSA ລັກຟັງ
ຕາມຂ່າວສານຊິຮວາ: ວັນທີ2 ພະຈິກນີ້, ສື່ມວນຊົນໂອຕຼິສລາຍງານວ່າ, ອະດີດນັກສືບຜູ່ໜຶ່ງຂອງກົມຄວາມປອດໄພແຫ່ງຊາດອາເມລິກາຫຼື NSA ກ່າວວ່າ, ການສື່ສານທາງໂທລະສັບສາກົນຢູ່ໂອຕຼິສກໍຖືກ NSA ຕິດຕາມໃນຂອບເຂດໃຫຍ່.
ໃນເວລາໃຫ້ສຳພາດຕໍ່ ວາລະສານ "Side) ລາຍສັບປະດາຂອງໂອຕຼິສ, ອະດີດນັກສືບນີ້ທີ່ມີຊື່ວ່າ ໂຕມາສ ດຼາກໄດ້ກ່າວວ່າ," ທ່ານເຫັນໄດ້ວ່າ, ນີ້ໄດ້ເກີດຂຶ້ນຢ່າງແນ່ນອນແລ້ວ. ຕິດຕາມໂທລະຄົມສາກົນແມ່ນການກະທຳທົ່ວໄປຂອງ NSA, ແມ່ນຫຼັກການທີ່ສະໜັບສະໜູນຜົນປະໂຫຍດແຫ່ງຊາດອາເມລິກາ."
ຜົນການສຳຫຼວດທີ່ວາລະສານ "Side" ມອບໝາຍໃຫ້ບໍລິສັດສຳຫຼວດຫາງສຽງດຳເນີນນັ້ນສະແດງໃຫ້ເຫັນວ່າ, ຄົນໂອຕຼິສ 32% ເຊື່ອໝັ້ນວ່າ, ໂທລະສັບຂອງຕົນເຄີຍຖືກລັກຟັງ.
ຫວ່າງມໍ່ໆນີ້, ເລື້ອງ "ລັກຝັງ" ພັນທະມິດເອີລົບຂອງອາເມລິກາໄດ້ແຜ່ລາມຢ່າງວ່ອງໄວ. ສື່ມວນຊົນຂອງບັນດາປະເທດເອີລົບໄດ້ເປີດເຜີຍວ່າ, ອົງການຂ່າວລັບອາເມລິກາຕິດຕາມຟັງໂທລະສັບມືຖືຂອງທ່ານນາງເມີເຄີ ນາຍົກລັດຖະມົນຕີເຢຍລະມັນເປັນເວລາດົນນານ, ແລະຕິດຕາມການບັນທຶກໂທລະສັບຂອງປະຊາຊົນຝະລັ່ງແລະແອສປາຍຢ່າງຂະໜາດໃຫຍ່. ລັດຖະບານຂອງເຢຍລະມັນແລະຝະລັ່ງເປັນຕົ້ນໄດ້ທວງໃຫ້ລັດຖະບານໂອບາມາອະທິບາຍ ເລື່ອງນີ້.
