ເຂດທະເລພາກໃຕ້ຟີລິບປິນເກີດແຜ່ນດິນໄຫວທີ່ວັດແຮງສັ່ນສະເທືອນໄດ້ 6 ລິກເຕີ
(GMT+08:00) 2013-11-04 16:09:39 cri
ວັນທີ 3 ພະຈິກນີ້, ສະຖາບັນຄົ້ນຄວ້າພູເຂົາໄຟແລະແຜ່ນດິນໄຫວຟີລິບປິນແຈ້ງໃຫ້ຊາບວ່າ, ເວລາ 19 ໂມງ 4 ນາທີຂອງວັນທີ 3 ພະຈິກນີ້ ຕາມເວລາທ້ອງຖິ່ນຢູ່ເຂດທະເລພາກໃຕ້ຟີລິບປິນໄດ້ເກີດແຜ່ນດິນໄຫວທີ່ວັດແຮງສັ່ນສະເທືອນໄດ້ 6 ລິກເຕີ, ຈຸດໃຈກາງແຜ່ນດິນໄຫວຕັ້ງຢູ່ເຂດທະເລທີ່ຫ່າງຈາກເມືອງປາລິມບາງແຂວງຊຸນຕານ ຄູດາຣັດ ທາງພາກໃຕ້ຂອງຟີລິບປິນໄປທາງທິດຕາເວັນຕົກ 195 ກິໂລແມັດ, ຈຸດແຜ່ນດິນໄຫວຢູ່ໃຕ້ດິນເລິກລົງໄປ 556 ກິໂລແມັດ. ປັດຈຸບັນ,ຍັງບໍ່ທັນມີການລາຍງານວ່າມີຄົນເສຍຊີວິດແລະບາດເຈັບແລະຄວາມເສຍຫາຍດ້ານຊັບສິນເທື່ອ, ແລະອາດຈະເກີດມີແຮງສັ່ນສະເທືອນຕາມມາອີກ. ຟີລິບປິນຕັ້ງຢູ່ແຖບແຜ່ນດິນໄຫວພູເຂົາໄຟອ້ອມມະຫາສະໝຸດປາຊີຟິກ, ໄດ້ເກີດແຜ່ນດິນໄຫວເລື້ອຍໆ, ການເຄື່ອນໄຫວຂອງພູເຂົາໄຟກໍ່ມີຫຼາຍສົມຄວນ.
