ກອງປະຊຸມກຸ່ມປະກອບອາວຸດຊົນເຜົ່າສ່ວນໜ້ອຍຂອງມຽນມາບັນລຸຄວາມຮັບຮູ້ທີ່ເປັນເອກະສັນກັນ ແຕ່ອະນາຄົດແຫ່ງເສັ້ນທາງຂອງຄວາມປອງດອງຊາດຂອງມຽນມາຍັງບໍ່ທັນຈະແຈ້ງເທື່ອ
(GMT+08:00) 2013-11-04 11:43:38 cri
ຕາມຂ່າວCRI: ນອກຈາກກອງທະຫານປະສົມລັດວ້າຂອງມຽນມາແລ້ວ, ຜູ້ຕາງໜ້າກຸ່ມປະກອບອາວຸດຊົນເຜົ່າສ່ວນໜ້ອຍອີກ 17 ກຸ່ມຂອງມຽນມາໄດ້ຈັດກອງປະຊຸມຢູ່ລາຍຈາ ຊຶ່ງເປັນສະຖານທີ່ຕັ້ງສຳນັກງານໃຫຍ່ຂອງກອງທະຫານເອກະລາດຄາຊິນແຕ່ວັນທີ 30 ຕຸລາແລ້ວນີ້ຫາວັນທີ 2 ພະຈິກນີ້ ແລະໄດ້ບັນລຸຄວາມຮັບຮູ້ທີ່ເປັນເອກະສັນກັນ, ຝ່າຍຕ່າງໆທີ່ຮ່ວມປະຊຸມລ້ວນແຕ່ຮັບຮອງວ່າການບັນລຸການຢຸດຍິງແລະການສົນທະນາທາງການເມືອງພາຍໃນທົ່ວປະເທດມຽນມາແມ່ນມີຄວາມຈຳເປັນຫຼາຍທີ່ສຸດ, ແລະຈະເຊັນສັນຍາວ່າດ້ວຍການຢຸດຍິງໃນທົ່ວປະເທດມຽນມາພາຍໃຕ້ເງື່ອນໄຂເບື້ອງຕົ້ນທີ່ໄດ້ຮັບການຮັບປະກັນ ດຳເນີນການສົນທະນາທາງການເມືອງຈາກລັດຖະບານ.
ມຽນມາແມ່ນປະເທດທີ່ປະກອບດ້ວຍຫຼາຍຊົນເຜົ່າ. ນັບແຕ່ທ່ານເທັນເຊັນຂຶ້ນດຳລົງຕຳແໜ່ງປະທານາທິບໍດີໃນປີ 2011 ເປັນຕົ້ນມາ, ໄດ້ຕັ້ງໜ້າຊຸກຍູ້ຄວາມປອງດອງທາງການເມືອງພາຍໃນປະເທດມຽນມາ, ແລະໄດ້ບັນລຸການຢຸດຍິງກັບກຸ່ມປະກອບອາວຸດຊົນເຜົ່າສ່ວນໜ້ອຍຫຼາຍກຸ່ມຊຶ່ງລວມທັງສະຫະພັນຊົນເຜົ່າກະລຽງຫຼື KNU ຊຶ່ງເປັນກຸ່ມປະກອບອາວຸດຕໍ່ຕ້ານລັດຖະບານທີ່ໃຫຍ່ທີ່ສຸດຂອງມຽນມາ. ແຕ່ໃນຂະບວນການຊຸກຍູ້ການເຈລະຈາສັນຕິພາບກັບລັດຖະບານສູນກາງສອງຝ່າຍລະຫວ່າງກຸ່ມປະກອບອາວຸດຊົນເຜົ່າສ່ວນໜ້ອຍຍັງມີຄວາມເຫັນທີ່ແຕກຕ່າງກັນ, ລັດຖະບານມຽນມາຫວັງວ່າຈະສາມາດຈັດເອົາກຸ່ມປະກອບອາວຸດຊົນເຜົ່າສ່ວນໜ້ອຍຢູ່ພາຍໃຕ້ການຄຸ້ມຄອງບໍລິຫານຂອງລັດຖະບານ, ແຕ່ກຸ່ມປະກອບອາວຸດຊົນເຜົ່າສ່ວນໜ້ອຍພັດຫວັງວ່າສາມາດຮັກສາການນປົກຄອງຕົນເອງລະດັບສູງພາຍໃຕ້ທຸງຊາດດຽວກັນ. ນັບມາຮອດປະຈຸບັນ, ສອງຝ່າຍກໍ່ບໍ່ຢາກຜ່ອນສັ້ນຜ່ອນຍາວຕໍ່ເລື່ອງນີ້. ພ້ອມດຽວກັນນັ້ນ, ມຽນມາຈະຈັດການເລືອກຕັ້ງທົ່ວໄປຄັ້ງທຳອິດໃນປີ 2015 ນັບແຕ່ດຳເນີນການປະຕິຮູບເປັນຕົ້ນມາ, ມີຂ່າວແຈ້ງວ່າ, ທ່ານເທັນເຊັນ ປະທານາທິບໍດີມຽນມາຈະບໍ່ເຂົ້າຮ່ວມການເລືອກຕັ້ງດັ່ງກ່າວ, ທັງໝົດເຫຼົ່ານີ້ລ້ວນແຕ່ແມ່ນຄວາມບໍ່ແນ່ນອນທີ່ສຳຄັນໃນການບັນລຸຄວາມປອງດອງຊາດຂອງມຽນມາ.
ມຽນມາແມ່ນປະເທດທີ່ປະກອບດ້ວຍຫຼາຍຊົນເຜົ່າ. ນັບແຕ່ທ່ານເທັນເຊັນຂຶ້ນດຳລົງຕຳແໜ່ງປະທານາທິບໍດີໃນປີ 2011 ເປັນຕົ້ນມາ, ໄດ້ຕັ້ງໜ້າຊຸກຍູ້ຄວາມປອງດອງທາງການເມືອງພາຍໃນປະເທດມຽນມາ, ແລະໄດ້ບັນລຸການຢຸດຍິງກັບກຸ່ມປະກອບອາວຸດຊົນເຜົ່າສ່ວນໜ້ອຍຫຼາຍກຸ່ມຊຶ່ງລວມທັງສະຫະພັນຊົນເຜົ່າກະລຽງຫຼື KNU ຊຶ່ງເປັນກຸ່ມປະກອບອາວຸດຕໍ່ຕ້ານລັດຖະບານທີ່ໃຫຍ່ທີ່ສຸດຂອງມຽນມາ. ແຕ່ໃນຂະບວນການຊຸກຍູ້ການເຈລະຈາສັນຕິພາບກັບລັດຖະບານສູນກາງສອງຝ່າຍລະຫວ່າງກຸ່ມປະກອບອາວຸດຊົນເຜົ່າສ່ວນໜ້ອຍຍັງມີຄວາມເຫັນທີ່ແຕກຕ່າງກັນ, ລັດຖະບານມຽນມາຫວັງວ່າຈະສາມາດຈັດເອົາກຸ່ມປະກອບອາວຸດຊົນເຜົ່າສ່ວນໜ້ອຍຢູ່ພາຍໃຕ້ການຄຸ້ມຄອງບໍລິຫານຂອງລັດຖະບານ, ແຕ່ກຸ່ມປະກອບອາວຸດຊົນເຜົ່າສ່ວນໜ້ອຍພັດຫວັງວ່າສາມາດຮັກສາການນປົກຄອງຕົນເອງລະດັບສູງພາຍໃຕ້ທຸງຊາດດຽວກັນ. ນັບມາຮອດປະຈຸບັນ, ສອງຝ່າຍກໍ່ບໍ່ຢາກຜ່ອນສັ້ນຜ່ອນຍາວຕໍ່ເລື່ອງນີ້. ພ້ອມດຽວກັນນັ້ນ, ມຽນມາຈະຈັດການເລືອກຕັ້ງທົ່ວໄປຄັ້ງທຳອິດໃນປີ 2015 ນັບແຕ່ດຳເນີນການປະຕິຮູບເປັນຕົ້ນມາ, ມີຂ່າວແຈ້ງວ່າ, ທ່ານເທັນເຊັນ ປະທານາທິບໍດີມຽນມາຈະບໍ່ເຂົ້າຮ່ວມການເລືອກຕັ້ງດັ່ງກ່າວ, ທັງໝົດເຫຼົ່ານີ້ລ້ວນແຕ່ແມ່ນຄວາມບໍ່ແນ່ນອນທີ່ສຳຄັນໃນການບັນລຸຄວາມປອງດອງຊາດຂອງມຽນມາ.
