ວົງການວິຊາການແລະກຸ່ມເສື້ອແດງຂອງໄທຄັດຄ້ານຮ່າງພະລາຊະບັນຍັດນີລະໂທດກຳ
(GMT+08:00) 2013-11-05 16:17:22 cri
ວັນທີ 4 ພະຈິກນີ້, ອະທິການບໍດີຂອງມະຫາວິທະຍາໄລ 14 ແຫ່ງຂອງໄທໄດ້ອອກຖະແຫຼງການຮ່ວມເພື່ອຄັດຄ້ານຮ່າງພະລາຊະບັນຍັດນີລະໂທດກຳ, ກຸ່ມເສື້ອແດງທີ່ສະໜັບສະໜູນພັກກຳອຳນາດຂອງໄທກໍ່ມີແຜນຈະຈັດງານໂຮມຊຸມນຸມປະທ້ວງທີ່ມີຜູ້ເຂົ້າຮ່ວມຈຳນວນໝື່ນຄົນ.
ຖະແຫຼງການຮ່ວມຂອງອະທິການບໍດີມະຫາວິທະຍາໄລ 14 ແຫ່ງຂອງໄທທີ່ເປີດເຜີຍໃນວັນທີ 4 ພະຈິກນີ້ໄດ້ຊີ້ອອກວ່າ, ຫາກຮ່າງພະລາຊະບັນຍັດດັ່ງກ່າວໄດ້ຜ່ານການຮັບຮອງຈາກວຸດທິສະພາແລະສະພາຜູ້ແທນລາຊະດອນແລະກາຍເປັນກົດໝາຍແລ້ວ, ຈະສ້າງເປັນລະບຽບມາດຖານໃນສັງຄົມທີ່ຜິດພາດຢູ່ໄທ, ເຮັດໃຫ້ມວນຊົນເຫັນວ່າການສໍ້ລາດບັງຫຼວງບໍ່ແມ່ນໂທດກຳທີ່ໜັກໜ່ວງ. ຝ່າຍໜຶ່ງຂອງກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດຫຼືກຸ່ມເສື້ອແດງທີ່ເປັນຜູ້ສະໜັບສະໜູນພັກເພື່ອໄທກຽມຈະຮຽກໂຮມຈຳນວນພົນໃຫ້ໄດ້ໝື່ນຄົນເພື່ອຈັດງານໂຮມຊຸມນຸມປະທ້ວງຢູ່ເຂດການຄ້າລາຊະປະສົງໃນວັນທີ 9 ພະຈິກນີ້. ເຂົາເຈົ້າຢືນຢັນວ່າຈະສະໜັບສະໜູນຮ່າງພະລາຊະບັນຍັດນີລະໂທດກຳ, ແຕ່ບໍ່ສະໜັບສະໜູນການໃຫ້ນີລະໂທດກຳແກ່ໝົດທຸກຄົນໂດຍບໍ່ມີການຈຳແນກ.
ທ່ານພ້ອມພົງ ໂຄສົກພັກເພື່ອໄທທີ່ເປັນພັກກຳອຳນາດຂອງໄທກ່າວວ່າ, ສະມາຊິກສະພາຂອງພັກເພື່ອໄທຈະຈັດກອງປະຊຸມເພື່ອປຶກສາຫາລືມາດຕະການຮັບມື, ຈະພະຍາຍາມອະທິບາຍເປັນຢ່າງດີຕໍ່ມວນຊົນວ່າເປັນຫຍັງຈິ່ງຄວນໃຫ້ຮ່າງພະລາຊະບັນຍັດນີລະໂທດກຳໄດ້ຜ່ານການຮັບຮອງຈາກລັດຖະສະພາ.
ຖະແຫຼງການຮ່ວມຂອງອະທິການບໍດີມະຫາວິທະຍາໄລ 14 ແຫ່ງຂອງໄທທີ່ເປີດເຜີຍໃນວັນທີ 4 ພະຈິກນີ້ໄດ້ຊີ້ອອກວ່າ, ຫາກຮ່າງພະລາຊະບັນຍັດດັ່ງກ່າວໄດ້ຜ່ານການຮັບຮອງຈາກວຸດທິສະພາແລະສະພາຜູ້ແທນລາຊະດອນແລະກາຍເປັນກົດໝາຍແລ້ວ, ຈະສ້າງເປັນລະບຽບມາດຖານໃນສັງຄົມທີ່ຜິດພາດຢູ່ໄທ, ເຮັດໃຫ້ມວນຊົນເຫັນວ່າການສໍ້ລາດບັງຫຼວງບໍ່ແມ່ນໂທດກຳທີ່ໜັກໜ່ວງ. ຝ່າຍໜຶ່ງຂອງກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດຫຼືກຸ່ມເສື້ອແດງທີ່ເປັນຜູ້ສະໜັບສະໜູນພັກເພື່ອໄທກຽມຈະຮຽກໂຮມຈຳນວນພົນໃຫ້ໄດ້ໝື່ນຄົນເພື່ອຈັດງານໂຮມຊຸມນຸມປະທ້ວງຢູ່ເຂດການຄ້າລາຊະປະສົງໃນວັນທີ 9 ພະຈິກນີ້. ເຂົາເຈົ້າຢືນຢັນວ່າຈະສະໜັບສະໜູນຮ່າງພະລາຊະບັນຍັດນີລະໂທດກຳ, ແຕ່ບໍ່ສະໜັບສະໜູນການໃຫ້ນີລະໂທດກຳແກ່ໝົດທຸກຄົນໂດຍບໍ່ມີການຈຳແນກ.
ທ່ານພ້ອມພົງ ໂຄສົກພັກເພື່ອໄທທີ່ເປັນພັກກຳອຳນາດຂອງໄທກ່າວວ່າ, ສະມາຊິກສະພາຂອງພັກເພື່ອໄທຈະຈັດກອງປະຊຸມເພື່ອປຶກສາຫາລືມາດຕະການຮັບມື, ຈະພະຍາຍາມອະທິບາຍເປັນຢ່າງດີຕໍ່ມວນຊົນວ່າເປັນຫຍັງຈິ່ງຄວນໃຫ້ຮ່າງພະລາຊະບັນຍັດນີລະໂທດກຳໄດ້ຜ່ານການຮັບຮອງຈາກລັດຖະສະພາ.
