ກົມທ່ອງທ່ຽວແຫ່ງຊາດໄທເປີດຊຸດຝຶກອົບຮົມພາສາຈີນ
(GMT+08:00) 2013-11-05 16:28:02 cri
ທ່ານສຸຣະພົງ ຫົວໜ້າກົມທ່ອງທ່ຽວແຫ່ງຊາດໄທກ່າວໃນທ້າຍເດືອນຕຸລາແລ້ວນີ້ວ່າ, ຄາດວ່າ,ໝົດປີ2013ນີ້, ໄທຈະຕ້ອນຮັບນັກທ່ອງທ່ຽວຕ່າງປະເທດເຖິງ 30ລ້ານເທື່ອຄົນ, ໃນນັ້ນ,ນັກທ່ອງທ່ຽວຈີນມີ 4 ລ້ານເທື່ອຄົນ. ເພື່ອຕອບສະໜອງກັບຄວາມຮຽກຮ້ອງຕ້ອງການດັ່ງກ່າວນີ້, ກົມທ່ອງທ່ຽວແຫ່ງຊາດໄທໄດ້ຮ່ວມມືກັບສູນວັດທະນະທຳຈີນບາງກອກເປັນເທື່ອທຳອິດ,ໂດຍຈັດຊຸດຝຶກອົບຮົມພາສາຈີນແບບເລັ່ງລັດໃນເມື່ອມໍ່ໆມານີ້,ເພື່ອຊ່ວຍພະນັກງານຂອງກົມທ່ອງທ່ຽວຮຽນພາສາຈີນຂັ້ນພື້ນຖານໃຫ້ໄດ້. ຫົວໜ້າທິມງານພາກຈຳໜ່າຍຂອງສວນອຸທິຍານຊ້າງສາມພຣານກ່າວວ່າ, ຄຽງຄູ່ກັບຄ່າທ່ອງທ່ຽວຂອງນັກທ່ອງທ່ຽວຈີນທີ່ເດີນທາງໄປທ່ອງທ່ຽວຢູ່ໄທໄດ້ປັບຍົກຈາກ 1ໝື່ນ8000ບາດຫາ 2ໝື່ນບາດສະເລ່ຍຕໍ່ຄົນເພີ່ມຂຶ້ນຮອດລະດັບຫຼາຍກວ່າ 3 ໝື່ນບາດ, ຄາດວ່າ, ໄທຈະຕ້ອນຮັບນັກທ່ອງທ່ຽວຈີນທີ່ມີກຳລັງຊື້ສູງກວ່າເກົ່າຫຼາຍຂຶ້ນຕື່ມອີກ, ດ້ວຍເຫດນີ້, ທ່ານຈິ່ງມີແຜນຈະຈ້າງພະນັກງານທີ່ຮູ້ພາສາຈີນຫຼາຍຂຶ້ນຕື່ມອີກ.
ຫົວໜ້າທິມງານພາກຈຳໜ່າຍຂອງໂຮງແຮມເຈົ້າພະຍາທີ່ສະໜາມຫຼວງຣາມາດາພຣາຊາບາງກອກຄາດຄາະເນວ່າ, ພາຍຫຼັງບຸນປີໃໝ່ຈີນຫຼືກຸດຈີນປີໜ້າ, ນັກທ່ອງທ່ຽວຈີນຈະເພີ່ມຂຶ້ນ, ແລະນັກທ່ອງທ່ຽວເຫຼົ່ານີ້ໄດ້ມີກຳລັງຊື້ສູງຂຶ້ນອີກ. ໂຮງແຮມແຫ່ງນີ້ໄດ້ຕ້ອນຮັບນັກທ່ອງທ່ຽວຈີນປະມານ 1500ຄົນຕໍ່ເດືອນ, ທາງໂຮງແຮມໄດ້ຈັດວາງພະນັກງານທີ່ຮູ້ພາສາຈີນໃຫ້ການບໍລິການຢູ່ຫຼາຍບ່ອນຂອງໂຮງແຮມ.
ຫົວໜ້າທິມງານພາກຈຳໜ່າຍຂອງໂຮງແຮມເຈົ້າພະຍາທີ່ສະໜາມຫຼວງຣາມາດາພຣາຊາບາງກອກຄາດຄາະເນວ່າ, ພາຍຫຼັງບຸນປີໃໝ່ຈີນຫຼືກຸດຈີນປີໜ້າ, ນັກທ່ອງທ່ຽວຈີນຈະເພີ່ມຂຶ້ນ, ແລະນັກທ່ອງທ່ຽວເຫຼົ່ານີ້ໄດ້ມີກຳລັງຊື້ສູງຂຶ້ນອີກ. ໂຮງແຮມແຫ່ງນີ້ໄດ້ຕ້ອນຮັບນັກທ່ອງທ່ຽວຈີນປະມານ 1500ຄົນຕໍ່ເດືອນ, ທາງໂຮງແຮມໄດ້ຈັດວາງພະນັກງານທີ່ຮູ້ພາສາຈີນໃຫ້ການບໍລິການຢູ່ຫຼາຍບ່ອນຂອງໂຮງແຮມ.
