ສິງກະໂປເລີ່ມຄົ້ນຄວ້າການສ້າງສູນບໍລິການໄກ່ເກ່ຍສາກົນ
(GMT+08:00) 2013-11-05 11:10:43 cri
ໃນກອງປະຊຸມສຳມະນາສະມາຄົມກົດໝາຍອາຊີຄັ້ງທີ 26 ທີ່ຈັດຂຶ້ນໃນຫວ່າງມໍ່ໆນີ້ ທ່ານຊານມູກຳ ລັດຖະມົນຕີວ່າການກະຊວງການຕ່າງປະເທດທັງເປັນລັດຖະມົນຕີວ່າການກະຊວງກົດໝາຍແລະການເມືອງສິງກະໂປກ່າວວ່າ, ສິງກະໂປຈະຄົ້ນຄວ້າການສ້າງສູນບໍລິການໄກ່ເກ່ຍສາກົນທີ່ເປັນອິດສະຫຼະແຫ່ງໜຶ່ງ.
ທ່ານຊານມູກຳຊີ້ອອກວ່າ, ຂະແໜງການບໍລິການທາງດ້ານກົດໝາຍຂອງພາກພື້ນອາຊີປາຊີຟິກຈະພັດທະນາໄວຂຶ້ນໄປຄຽງຄູ່ກັນກັບການພັດທະນາດ້ານເສດຖະກິດຂອງອາຊີ, ຄວາມຂັດແຍ່ງຂ້າມຊາດກໍ່ຈະເພີ່ມຂຶ້ນແລະສັບສົນຂຶ້ນຕື່ມ, ສະນັ້ນ ປະເທດຂອງພາກພື້ນນີ້ຕ້ອງມີໂຄງປະກອບແລະກົນໄກທີ່ດີພໍສົມຄວນເພື່ອແກ້ໄຂຄວາມຂັດແຍ່ງກັນເຫຼົ່ານີ້, ຈຶ່ງຈະສາມາດຮັບປະກັນໃຫ້ແກ່ການແກ້ໄຂຄວາມຂັດແຍ່ງກັນເຫຼົ່ານີ້ດ້ວຍວິທີທີ່ມີປະສິດທິພາບສູງ, ສອດຄ່ອງກັບຜົນປະໂຫຍດທາງຕົ້ນທຶນແລະມີຄວາມຍຸດຕິທຳ. ສ່ວນສູນບໍລິການແຫ່ງນີ້ຈະນຳພາໂດຍຄະນະກຳມະການສາກົນທີ່ປະກອບດ້ວຍຜູ້ຊ່ຽວຊານໄກ່ເກ່ຍສາກົນ, ຮັບການຕິດຕາມທີ່ເປັນອິດສະຫຼະຈາກອົງການຈັດຕັ້ງຜູ້ຊ່ຽວຊານ, ສະໜອງການບໍລິການໄກ່ເກ່ຍສາກົນທີ່ມີຄຸນນະພາບສູງໃຫ້ແກ່ພາກພື້ນແຫ່ງນີ້.
ທ່ານຊານມູກຳຊີ້ອອກວ່າ, ຂະແໜງການບໍລິການທາງດ້ານກົດໝາຍຂອງພາກພື້ນອາຊີປາຊີຟິກຈະພັດທະນາໄວຂຶ້ນໄປຄຽງຄູ່ກັນກັບການພັດທະນາດ້ານເສດຖະກິດຂອງອາຊີ, ຄວາມຂັດແຍ່ງຂ້າມຊາດກໍ່ຈະເພີ່ມຂຶ້ນແລະສັບສົນຂຶ້ນຕື່ມ, ສະນັ້ນ ປະເທດຂອງພາກພື້ນນີ້ຕ້ອງມີໂຄງປະກອບແລະກົນໄກທີ່ດີພໍສົມຄວນເພື່ອແກ້ໄຂຄວາມຂັດແຍ່ງກັນເຫຼົ່ານີ້, ຈຶ່ງຈະສາມາດຮັບປະກັນໃຫ້ແກ່ການແກ້ໄຂຄວາມຂັດແຍ່ງກັນເຫຼົ່ານີ້ດ້ວຍວິທີທີ່ມີປະສິດທິພາບສູງ, ສອດຄ່ອງກັບຜົນປະໂຫຍດທາງຕົ້ນທຶນແລະມີຄວາມຍຸດຕິທຳ. ສ່ວນສູນບໍລິການແຫ່ງນີ້ຈະນຳພາໂດຍຄະນະກຳມະການສາກົນທີ່ປະກອບດ້ວຍຜູ້ຊ່ຽວຊານໄກ່ເກ່ຍສາກົນ, ຮັບການຕິດຕາມທີ່ເປັນອິດສະຫຼະຈາກອົງການຈັດຕັ້ງຜູ້ຊ່ຽວຊານ, ສະໜອງການບໍລິການໄກ່ເກ່ຍສາກົນທີ່ມີຄຸນນະພາບສູງໃຫ້ແກ່ພາກພື້ນແຫ່ງນີ້.
