ໄຂກອງປະຊຸມສຳມະນາທິດສະດີສອງພັກຈີນ-ລາວຄັ້ງທີ2ຢູ່ນະຄອນຫຼວງປັກກິ່ງ
ວັນທີ 5 ພະຈິກນີ້, ຢູ່ນະຄອນຫຼວງປັກກິ່ງ,ທ່ານຫຼິວສີປາວກ່າວຄຳປາໄສຢູ່ໃນກອງປະຊຸມ
ຕາມຂ່າວສານຊິນຮວາ, ຕອນເຊົ້າວັນທີ5ພະຈິກນີ້, ກອງປະຊຸມສຳມະນາທິດສະດີສອງພັກຈີນ-ລາວຄັ້ງທີ2ທີ່ພັກກອມມູນິດຈີນແລະພັກປະຊາຊົນປະຕິວັດລາວໄດ້ຮ່ວມກັນຈັດຂຶ້ນຢູ່ນະຄອນຫຼວງປັກກິ່ງຂອງຈີນ. ທ່ານຫຼິວສີປາວ ກຳມະການສູນກາງພັກກອມມູນິດຈີນ, ເລຂາຄະນະເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ ແລະທ່ານບຸນທອງ ຈິດມະນີ ກຳມະການກົມການເມືອງສູນກາງພັກປະຊາຊົນປະຕິວັດລາວ, ເລຂາຄະນະເລຂາທິການສູນກາງພັກ, ເລຂາຄະນະກຳມະການກວດກາລະບຽບວິໄນສູນກາງພັກ ໄດ້ເຂົ້າຮ່ວມພິທີໄຂກອງປະຊຸມແລະກ່າວຄຳປາໄສສຳຄັນ.
ທ່ານຫຼິວສີປາວກ່າວວ່າ, ພັກກອມມູນິດຈີນແລະພັກປະຊາຊົນປະຕິວັດລາວລ້ວນແຕ່ແມ່ນພັກກຳອຳນາດລັດທິມາກ, ສອງຝ່າຍເພີ່ມທະວີການແລກປ່ຽນແລະຖອດຖອນບົດຮຽນນຳກັນມີຜົນດີຕໍ່ການກໍ່ສ້າງສອງພັກ. ພັກປະຊາຊົນປະຕິວັດລາວມີບົດຮຽນແລະພຶດຕິກຳຫຼາຍຢ່າງທີ່ໃຫ້ສະຫາຍຈີນໄດ້ຖອດຖອນບົດຮຽນນຳ, ຫວັງໃຫ້ສອງຝ່າຍຈົ່ງນຳໃຊ້ງານສຳມະດາທິດສະດີໃຫ້ດີ, ເພີ່ມທະວີການແລກປ່ຽນແລະຮ່ວມມືກັນ, ຍົກລະດັບການພົວພັນລະຫວ່າງສອງພັກສອງປະເທດຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
ທ່ານບຸນທອງ ຈິດມະນີກ່າວວ່າ, ຍິນດີເພີ່ມທະວີການແລກປ່ຽນບົດຮຽນດ້ານການກໍ່ສ້າງດ້ານແບບແຜນວິທີເຮັດວຽກ, ການປົກຄອງຢ່າງປອດໃສຂາວສະອາດລະຫວ່າງສອງພັກຕື່ມອີກ, ຊຸກຍູ້ໃຫ້ການກໍ່ສ້າງຂອງສອງພັກແລະການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວຈີນໃຫ້ລົງສູ່ລວງເລິກ.
