ຣັດເຊຍຈະມອບກຳປັ່ນດຳນ້ຳທີ່ແລ່ນດ້ວຍນ້ຳມັນກາຊວນແລະແບັດເຕີລີລຳໜຶ່ງໃຫ້ແກ່ຫວຽດນາມ
(GMT+08:00) 2013-11-06 11:08:58 cri
ຕາມສື່ມວນຊົນທ້ອງຖິ່ນລາຍງານວ່າ, ຣັດເຊຍຈະມອບກຳປັ່ນດຳນ້ຳທີ່ແລ່ນດ້ວຍນ້ຳມັນກາຊວນແລະແບັດເຕີລີຮຸ່ນ 636 ລຳທຳອິດໃຫ້ແກ່ຫວຽດນາມໃນວັນທີ 7 ພະຈິກນີ້. ກຳປັ່ນລຳນີ້ຈະກາຍເປັນກຳປັ່ນດຳນ້ຳລຳທຳອິດໃນປະຫວັດສາດຂອງກອງທັບເຮືອຫວຽດນາມ. ສອງຝ່າຍຈະເຊັນເອກະສານມອບຮັບກຳປັ່ນດຳນ້ຳຢູ່ນະຄອນເຊັນປີເຕີສະເບີກຂອງຣັດເຊຍໃນວັນທີ 7 ພະຈິກນີ້, ແຕ່ກຳປັ່ນດຳນ້ຳຍັງຈະເຂົ້າທຽບທ່າກຳປັ່ນໃນໄລຍະເວລາຕໍ່ໄປເພື່ອລໍຖ້າການຂົນສົ່ງ ຄາດວ່າກອງທັບເຮືອຫວຽດນາມຈະໄດ້ຮັບກຳປັ່ນດຳນ້ຳໃນທ້າຍເດືອນທັນວາໜ້ານີ້, ແລະເລີ່ມນ້ຳໃຊ້ຢ່າງເປັນທາງການໃນຕົ້ນປີ 2014.
ຣັດເຊຍແລະຫວຽດນາມໄດ້ເຊັນສັນຍາຈັດຊື້ກຳປັ່ນດຳນ້ຳດ້ວຍນ້ຳມັນກາຊວນແລະເບັດເຕີລີຮຸ່ນ 636 ໃນປີ 2009, ຍອດມູນຄ່າມີປະມານ 2 ຕື້ໂດລາ. ອີງຕາມສັນຍາ, ຣັດເຊຍຈະມອບກຳປັ່ນດຳນ້ຳຮຸ່ນນີ້ຈຳນວນ 6 ລຳໃຫ້ແກ່ຫວຽດນາມກ່ອນປີ 2016, ແລະຮັບຜິດຊອບການອົບຮົມບຸກຄະລາກອນທີ່ກ່ຽວຂ້ອງຕື່ມອີກ.
ຣັດເຊຍແລະຫວຽດນາມໄດ້ເຊັນສັນຍາຈັດຊື້ກຳປັ່ນດຳນ້ຳດ້ວຍນ້ຳມັນກາຊວນແລະເບັດເຕີລີຮຸ່ນ 636 ໃນປີ 2009, ຍອດມູນຄ່າມີປະມານ 2 ຕື້ໂດລາ. ອີງຕາມສັນຍາ, ຣັດເຊຍຈະມອບກຳປັ່ນດຳນ້ຳຮຸ່ນນີ້ຈຳນວນ 6 ລຳໃຫ້ແກ່ຫວຽດນາມກ່ອນປີ 2016, ແລະຮັບຜິດຊອບການອົບຮົມບຸກຄະລາກອນທີ່ກ່ຽວຂ້ອງຕື່ມອີກ.
