ນາຍົກໄທກ່າວວ່າ ຖ້າວຸດທິສະພາຢັບຢັ້ງ ລັດຖະບານກໍຈະຖອນພະລາຊະບັນຍັດນີລະໂທດກຳ
(GMT+08:00) 2013-11-06 10:46:19 cri
ຕາມຂ່າວຈາກໜັງສືພິມຫຼຽນເຫີຈາວປ້າວຂອງສິງກະໂປ, ຫວ່າງມໍ່ໆມານີ້, ການປະທ້ວງຕ້ານພະລາຊະບັນຍັດນີລະໂທດກຳຂອງໄທໄດ້ດຸເດືອດຮຸນແຮງຂຶ້ນເລື້ອຍໆ, ວັນທີ5ພະຈິກນີ້, ທ່ານນາງຍິ່ງລັກ ຊິນນະວັດ ນາຍົກລັດຖະມົນຕີໄທໄດ້ກ່າວຄຳປາໄສຜ່ານທາງໂທລະພາບຕໍ່ທົ່ວປະເທດ. ນາງກ່າວວ່າ, ຖ້າວຸດທິສະພາໄທຢັບຢັ້ງພະລາຊະບັນຍັດດັ່ງກ່າວ, ພັກກຳອຳນາດກໍຈະຖອນພະລາຊະບັນຍັດດັ່ງກ່າວ.
ວັນທີ5ພະຈິກນີ້, ພາຍຫຼັງກອງປະຊຸມຄະນະລັດຖະບານ, ທ່ານນາງຍິ່ງລັກໄດ້ຈັດກອງປະຊຸມຂ່າວ, ແລະຖ່າຍທອດສົດທາງໂທລະພາບໄປທົ່ວປະເທດ. ນາງກ່າວວ່າ, ລັດຖະບານສະເໜີພະລາຊະບັນຍັດນີລະໂທດກຳອອກມາແມ່ນເພື່ອຫຼຸດຜ່ອນການເປັນປໍລະປັກກັນທາງການເມືອງທີ່ຍືດເຍື້ອມາເປັນເວລາຫຼາຍປີ, ແລະສ້າງຄວາມສາມັກຄີປອງດອງພາຍໃນປະເທດຄືນໃໝ່. ນາງຮຽກຮ້ອງໃຫ້ປະຊາຊົນໄທຈົ່ງມີຈິດໃຈອະໄພໂທດ ພາຍຫຼັງທີ່ໄດ້ແຕກແຍກກັນມາເປັນເວລາຫຼາຍປີ, ຖອດຖອນບົດຮຽນໃນອະດີດເພື່ອຟື້ນຟູຄວາມສະຫງົບສຸກທາງສັງຄົມ.
ທ່ານນາງຍິ່ງລັກຍັງໄດ້ຮຽກຮ້ອງໃຫ້ສະມາຊິກວຸດທິສະພາທຸກຖ້ວນໜ້າຈົ່ງສະໜັບສະໜູນພະລາຊະບັນຍັດນີລະໂທດກຳຢ່າງສຸດຂີດ ໂດຍຖືຄວາມປອງດອງຊາດເປັນປະຖົມປັດໄຈ. ແຕ່ນາງຮັບປະກັນວ່າ, ລັດຖະບານຈະບໍ່ແຊກແຊງວຽກງານພາຍໃນຂອງອົງການນິຕິບັນຍັດ.
ວັນທີ5ພະຈິກນີ້, ພາຍຫຼັງກອງປະຊຸມຄະນະລັດຖະບານ, ທ່ານນາງຍິ່ງລັກໄດ້ຈັດກອງປະຊຸມຂ່າວ, ແລະຖ່າຍທອດສົດທາງໂທລະພາບໄປທົ່ວປະເທດ. ນາງກ່າວວ່າ, ລັດຖະບານສະເໜີພະລາຊະບັນຍັດນີລະໂທດກຳອອກມາແມ່ນເພື່ອຫຼຸດຜ່ອນການເປັນປໍລະປັກກັນທາງການເມືອງທີ່ຍືດເຍື້ອມາເປັນເວລາຫຼາຍປີ, ແລະສ້າງຄວາມສາມັກຄີປອງດອງພາຍໃນປະເທດຄືນໃໝ່. ນາງຮຽກຮ້ອງໃຫ້ປະຊາຊົນໄທຈົ່ງມີຈິດໃຈອະໄພໂທດ ພາຍຫຼັງທີ່ໄດ້ແຕກແຍກກັນມາເປັນເວລາຫຼາຍປີ, ຖອດຖອນບົດຮຽນໃນອະດີດເພື່ອຟື້ນຟູຄວາມສະຫງົບສຸກທາງສັງຄົມ.
ທ່ານນາງຍິ່ງລັກຍັງໄດ້ຮຽກຮ້ອງໃຫ້ສະມາຊິກວຸດທິສະພາທຸກຖ້ວນໜ້າຈົ່ງສະໜັບສະໜູນພະລາຊະບັນຍັດນີລະໂທດກຳຢ່າງສຸດຂີດ ໂດຍຖືຄວາມປອງດອງຊາດເປັນປະຖົມປັດໄຈ. ແຕ່ນາງຮັບປະກັນວ່າ, ລັດຖະບານຈະບໍ່ແຊກແຊງວຽກງານພາຍໃນຂອງອົງການນິຕິບັນຍັດ.
