ຊ່ຽວຊານອາເມລິກາຄອງຄອຍວ່າ,ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນຈະຊ່ວຍຊຸກຍູ້ຈີນຍົກລະດັບການປະຕິຮູບແລະເປີດປະຕູສູ່ພາຍນອກ
(GMT+08:00) 2013-11-07 16:23:06 cri
ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນໃກ້ຈະໄຂຂຶ້ນໃນໄວໆນີ້, ຊ່ຽວຊານຄົ້ນຄວ້າກ່ຽວກັບຈີນຈຳນວນໜຶ່ງຂອງອາເມລິກາເຫັນວ່າ, ການນຳຂອງຈີນຈະວາງແຜນປະຕິຮູບຢ່າງຮອບດ້ານແລະຂາດຕົວຢູ່ໃນກອງປະຊຸມຄັ້ງນີ້, ມາດຕະການປະຕິຮູບເຫຼົ່ານີ້ຈະມີຄວາມໝາຍດ້ານປະຫວັດສາດທີ່ສຳຄັນຕໍ່ການຫັນປ່ຽນຮູບແບບພັດທະນາດ້ານເສດຖະກິດແລະສັງຄົມຂອງຈີນ.
ວົງການວິຊາການຂອງອາເມລິກາໄດ້ເອົາໃຈໃສ່ທີ່ສຸດຕໍ່ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນທີ່ຈະໄຂຂຶ້ນໃນໄວໆນີ້, ໃນກອງປະຊຸມສຳມະນາຄັ້ງໜຶ່ງທີ່ສະຖາບັນ Brookings ຊຶ່ງເປັນສະມາຄົມຜູ້ຊົງຄຸນວຸດທິທີ່ມີຊື່ສຽງຂອງນະຄອນຫຼວງວໍຊິງຕັນອາເມລິກາໄດ້ຈັດຂຶ້ນໃນເມື່ອມໍ່ໆມານີ້, ທ່ານໂຈນາຊັນ ໂປລັກ ຫົວໜ້າສູນຈີນຂອງສະຖາບັນດັ່ງກ່າວໄດ້ໃຫ້ທັດສະນະຂອງຕົນແຕ່ທຳອິດວ່າ, ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນຈະເປັນກອງປະຊຸມສຳຄັນຄັ້ງໜຶ່ງທີ່ປະຈັກຕາຊາວໂລກ, ຖ້າເວົ້າວ່າກອງປະຊຸມຄົບຄະນະຄັ້ງທີ 3 ສະໄໝທີ 11 ຂອງພັກຄອມມູນິດຈີນເມື່ອ 35 ປີກ່ອນ ໄດ້ກຳນົດທິດທາງການເປີດປະຕູສູ່ພາຍນອກແລ້ວ, ພວກເຮົາກໍ່ສາມາດເວົ້າໄດ້ວ່າ,ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນທີ່ຈະໄຂຂຶ້ນໃນໄວໆນີ້ກໍ່ຈະເປັນການເປີດຕະຫຼາດພາຍໃນປະເທດຈີນຕື່ມອີກ.
ທ່ານເດວິດ ໂດລາ ນັກເສດຖະສາດອາເມລິກາທີ່ເຄີຍເປັນຫົວໜ້າກົມປະເທດຈີນຂອງທະນາຄານໂລກແລະທູດພິເສດດ້ານເສດຖະກິດແລະການທະນາຄານຕໍ່ຈີນຂອງກະຊວງການເງິນອາເມລິກາໄດ້ເອີ້ນ "ນະໂຍບາຍການຫັນປ່ຽນຮູບແບບພັດທະນາເສດຖະກິດ" ເປັນຍຸດທະສາດດຸນດ່ຽງຄືນໃໝ່ຂອງຈີນ. ທ່ານເຫັນວ່າ, ການປະຕິຮູບລະບຽບການສຳມະໂນຄົວ, ເຮັດໃຫ້ຊາວກະສິກອນໄດ້ຮັບຜົນປະໂຫຍດຫຼາຍຍິ່ງຂຶ້ນຈາກຂະບວນການຫັນເປັນຕົວເມືອງນັ້ນຄວນເປັນຂອດສຳຄັນ 2 ຂອດໃນຍຸດທະສາດດັ່ງກ່າວນີ້.
ແຕ່ວ່າ, ທ່ານວິນລຽມ ຈອນສ ບັນນາທິການຜູ້ອາວຸໂສຂອງວາລະສານຂໍ້ມູນຂ່າວສານຍຸດທະສາດທົ່ວໂລກຫຼື Executive Intelligence Review ໄດ້ຕັກເຕືອນລັດຖະບານຈີນວ່າຄວນປະຕິບັດການຢ່າງລະມັດລະວັງໃນການເປີດຕະຫຼາດການເງິນຂອງຈີນຕໍ່ພາຍນອກຕື່ມອີກ.
ນັກວິຊາການຫຼາຍທ່ານລ້ວນແຕ່ເຫັນວ່າ, ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນທີ່ຈະໄຂຂຶ້ນໃນໄວໆນີ້ຈະກຳນົດເປົ້າໝາຍແລະທິດທາງໃໝ່ໃຫ້ແກ່ການປະຕິຮູບແລະເປີດປະຕູສູ່ພາຍນອກຂອງຈີນ, ແລະກາຍເປັນຫຼັກໝາຍອີກອັນໜຶ່ງໃນປະຫວັດການປະຕິຮູບແລະເປີດປະຕູສູ່ພາຍນອກຂອງຈີນ.
ວົງການວິຊາການຂອງອາເມລິກາໄດ້ເອົາໃຈໃສ່ທີ່ສຸດຕໍ່ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນທີ່ຈະໄຂຂຶ້ນໃນໄວໆນີ້, ໃນກອງປະຊຸມສຳມະນາຄັ້ງໜຶ່ງທີ່ສະຖາບັນ Brookings ຊຶ່ງເປັນສະມາຄົມຜູ້ຊົງຄຸນວຸດທິທີ່ມີຊື່ສຽງຂອງນະຄອນຫຼວງວໍຊິງຕັນອາເມລິກາໄດ້ຈັດຂຶ້ນໃນເມື່ອມໍ່ໆມານີ້, ທ່ານໂຈນາຊັນ ໂປລັກ ຫົວໜ້າສູນຈີນຂອງສະຖາບັນດັ່ງກ່າວໄດ້ໃຫ້ທັດສະນະຂອງຕົນແຕ່ທຳອິດວ່າ, ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນຈະເປັນກອງປະຊຸມສຳຄັນຄັ້ງໜຶ່ງທີ່ປະຈັກຕາຊາວໂລກ, ຖ້າເວົ້າວ່າກອງປະຊຸມຄົບຄະນະຄັ້ງທີ 3 ສະໄໝທີ 11 ຂອງພັກຄອມມູນິດຈີນເມື່ອ 35 ປີກ່ອນ ໄດ້ກຳນົດທິດທາງການເປີດປະຕູສູ່ພາຍນອກແລ້ວ, ພວກເຮົາກໍ່ສາມາດເວົ້າໄດ້ວ່າ,ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນທີ່ຈະໄຂຂຶ້ນໃນໄວໆນີ້ກໍ່ຈະເປັນການເປີດຕະຫຼາດພາຍໃນປະເທດຈີນຕື່ມອີກ.
ທ່ານເດວິດ ໂດລາ ນັກເສດຖະສາດອາເມລິກາທີ່ເຄີຍເປັນຫົວໜ້າກົມປະເທດຈີນຂອງທະນາຄານໂລກແລະທູດພິເສດດ້ານເສດຖະກິດແລະການທະນາຄານຕໍ່ຈີນຂອງກະຊວງການເງິນອາເມລິກາໄດ້ເອີ້ນ "ນະໂຍບາຍການຫັນປ່ຽນຮູບແບບພັດທະນາເສດຖະກິດ" ເປັນຍຸດທະສາດດຸນດ່ຽງຄືນໃໝ່ຂອງຈີນ. ທ່ານເຫັນວ່າ, ການປະຕິຮູບລະບຽບການສຳມະໂນຄົວ, ເຮັດໃຫ້ຊາວກະສິກອນໄດ້ຮັບຜົນປະໂຫຍດຫຼາຍຍິ່ງຂຶ້ນຈາກຂະບວນການຫັນເປັນຕົວເມືອງນັ້ນຄວນເປັນຂອດສຳຄັນ 2 ຂອດໃນຍຸດທະສາດດັ່ງກ່າວນີ້.
ແຕ່ວ່າ, ທ່ານວິນລຽມ ຈອນສ ບັນນາທິການຜູ້ອາວຸໂສຂອງວາລະສານຂໍ້ມູນຂ່າວສານຍຸດທະສາດທົ່ວໂລກຫຼື Executive Intelligence Review ໄດ້ຕັກເຕືອນລັດຖະບານຈີນວ່າຄວນປະຕິບັດການຢ່າງລະມັດລະວັງໃນການເປີດຕະຫຼາດການເງິນຂອງຈີນຕໍ່ພາຍນອກຕື່ມອີກ.
ນັກວິຊາການຫຼາຍທ່ານລ້ວນແຕ່ເຫັນວ່າ, ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນທີ່ຈະໄຂຂຶ້ນໃນໄວໆນີ້ຈະກຳນົດເປົ້າໝາຍແລະທິດທາງໃໝ່ໃຫ້ແກ່ການປະຕິຮູບແລະເປີດປະຕູສູ່ພາຍນອກຂອງຈີນ, ແລະກາຍເປັນຫຼັກໝາຍອີກອັນໜຶ່ງໃນປະຫວັດການປະຕິຮູບແລະເປີດປະຕູສູ່ພາຍນອກຂອງຈີນ.
