ທົ່ວໂລກເອົາໃຈໃສ່ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນທີ່ຈະວາງແຜນທີ່ເສັ້ນທາງພັດທະນາໃນອະນາຄົດຂອງຈີນ
(GMT+08:00) 2013-11-08 17:52:50 cri
ກ່ອນກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນທີ່ຈະໄຂຂຶ້ນແລະເປັນທີ່ດຶງດູດສາຍຕາຂອງຊາວໂລກ, ບຸກຄົນທີ່ມີຊື່ສຽງຂອງຕ່າງປະເທດເຫັນໂດຍທົ່ວໄປວ່າ, ກອງປະຊຸມຄົບຄະນະຄັ້ງນີ້ເປັນກອງປະຊຸມທີ່ມີຄວາມໝາຍດ້ານປະຫວັດສາດທີ່ສຳຄັນຊຶ່ງໄຂຂຶ້ນໃນໄລຍະທີ່ສຳຄັນຂອງການລົງເລິກການປະຕິຮູບຢ່າງຮອບດ້ານຂອງຈີນ, ແລະຈະວາງແຜນທີ່ເສັ້ນທາງໃໝ່ກ່ຽວກັບການພັດທະນາຂອງຈີນໃນອະນາຄົດ.
ທ່ານເຮນຣີ ເປົາເຊິນ ອະດີດລັດຖະມົນຕີວ່າການກະຊວງການເງິນອາເມລິກາກ່າວວ່າ, ນະໂຍບາຍໃໝ່ທີ່ຈະຕົກລົງໃນກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນຈະເປັນທິດຊີ້ນຳປະເທດຈີນໃຫ້ມີການພັດທະນາຢ່າງຕັ້ງໜ້າແລະຍາວນານ.
ທ່ານອາເລັກເຊ ມາສລັຟ ຫົວໜ້າຫ້ອງການຄົ້ນຄວ້າວິຊາຕາເວັນອອກຂອງສະຖາບັນເສດຖະກິດຊັ້ນສູງຣັດເຊຍກ່າວວ່າ, ຈີນຈະລົງເລິກການປະຕິຮູບ, ສ້າງຄວາມຍຸດຕິທຳໃນສັງຄົມ, ກຳຈັດຄວາມກົດດັນທາງສັງຄົມທີ່ເກີດຂຶ້ນຍ້ອນລາຍຮັບຂອງປະຊາຊົນບໍ່ສະໝ່ຳສະເໝີກັນ.
ທ່ານໂດຣິສ ຟີເຊີ ຊ່ຽວຊານກ່ຽວກັບຈີນຂອງມະຫາວິທະຍາໄລເວີສເບີກຂອງເຢຍລະມັນກ່າວວ່າ,ໃນຫຼາຍປີມານີ້, ການປະຕິຮູບແມ່ນພະລັງແຮງທີ່ຊຸກຍູ້ໃຫ້ເສດຖະກິດຈີນເຕີບໂຕມາໂດຍຕະຫຼອດ. ຫວັງວ່າກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນຈະສົ່ງສັນຍານທີ່ຕັ້ງໜ້າຫຼາຍກວ່າເກົ່າ,ເພີ່ມພະລັງແຮງໃໝ່ເຂົ້າໃນການຊຸກຍູ້ການພັດທະນາຂອງຈີນ.
ທ່ານອາເລັກຊັນເດີ ປາເຈຟນາ ຊ່ຽວຊານກ່ຽວກັບຈີນຂອງອິສຣາແອນເຫັນວ່າ,ເພື່ອຮັບປະກັນໃຫ້ເສດຖະກິດເຕີບໂຕຢ່າງໝັ້ນຄົງຕໍ່ເນື່ອງ, ລັດຖະບານຈີນຄວນສືບຕໍ່ຊຸກຍູ້ວຽກງານຫັນເປັນອຸດສາຫະກຳ,ຫັນເປັນຕົວເມືອງແລະເຮັດໃຫ້ພາກຕ່າງໆຂອງຈີນໄດ້ພັດທະນາຢ່າງເທົ່າທຽມກັນ,ແລະເພີ່ມຄວາມແຮງໃນການປະຕິຮູບລະບົບການເງິນ.
ທ່ານເຮນຣີ ເປົາເຊິນ ອະດີດລັດຖະມົນຕີວ່າການກະຊວງການເງິນອາເມລິກາກ່າວວ່າ, ນະໂຍບາຍໃໝ່ທີ່ຈະຕົກລົງໃນກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນຈະເປັນທິດຊີ້ນຳປະເທດຈີນໃຫ້ມີການພັດທະນາຢ່າງຕັ້ງໜ້າແລະຍາວນານ.
ທ່ານອາເລັກເຊ ມາສລັຟ ຫົວໜ້າຫ້ອງການຄົ້ນຄວ້າວິຊາຕາເວັນອອກຂອງສະຖາບັນເສດຖະກິດຊັ້ນສູງຣັດເຊຍກ່າວວ່າ, ຈີນຈະລົງເລິກການປະຕິຮູບ, ສ້າງຄວາມຍຸດຕິທຳໃນສັງຄົມ, ກຳຈັດຄວາມກົດດັນທາງສັງຄົມທີ່ເກີດຂຶ້ນຍ້ອນລາຍຮັບຂອງປະຊາຊົນບໍ່ສະໝ່ຳສະເໝີກັນ.
ທ່ານໂດຣິສ ຟີເຊີ ຊ່ຽວຊານກ່ຽວກັບຈີນຂອງມະຫາວິທະຍາໄລເວີສເບີກຂອງເຢຍລະມັນກ່າວວ່າ,ໃນຫຼາຍປີມານີ້, ການປະຕິຮູບແມ່ນພະລັງແຮງທີ່ຊຸກຍູ້ໃຫ້ເສດຖະກິດຈີນເຕີບໂຕມາໂດຍຕະຫຼອດ. ຫວັງວ່າກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນຈະສົ່ງສັນຍານທີ່ຕັ້ງໜ້າຫຼາຍກວ່າເກົ່າ,ເພີ່ມພະລັງແຮງໃໝ່ເຂົ້າໃນການຊຸກຍູ້ການພັດທະນາຂອງຈີນ.
ທ່ານອາເລັກຊັນເດີ ປາເຈຟນາ ຊ່ຽວຊານກ່ຽວກັບຈີນຂອງອິສຣາແອນເຫັນວ່າ,ເພື່ອຮັບປະກັນໃຫ້ເສດຖະກິດເຕີບໂຕຢ່າງໝັ້ນຄົງຕໍ່ເນື່ອງ, ລັດຖະບານຈີນຄວນສືບຕໍ່ຊຸກຍູ້ວຽກງານຫັນເປັນອຸດສາຫະກຳ,ຫັນເປັນຕົວເມືອງແລະເຮັດໃຫ້ພາກຕ່າງໆຂອງຈີນໄດ້ພັດທະນາຢ່າງເທົ່າທຽມກັນ,ແລະເພີ່ມຄວາມແຮງໃນການປະຕິຮູບລະບົບການເງິນ.
