ຜູ້ແທນອົງການສະຫະປະຊາຊາດໄດ້ສຳເລັດການກວດກາສະຖານທີ່ຕັ້ງອາວຸດເຄມີ 22 ແຫ່ງຂອງຊີຣີແລ້ວ
(GMT+08:00) 2013-11-08 11:29:53 cri
ໃນກອງປະຊຸມຂ່າວທີ່ຈັດຂຶ້ນຢູ່ນະຄອນນິວຢອກທີ່ເປັນສຳນັກງານໃຫຍ່ອົງການສະຫະປະຊາຊາດໃນວັນທີ 7 ພະຈິກນີ້, ທ່ານຟາຮານ ຮາກ໌ ຜູ້ວ່າການແທນຮອງໂຄສົກຂອງເລຂາທິການໃຫຍ່ສະຫະປະຊາຊາດກ່າວວ່າ, ປະຈຸບັນ ຄະນະຜູ້ແທນຮ່ວມຂອງອົງການເກືອດຫ້າມອາວຸດເຄມີ-ສະຫະປະຊາຊາດໄດ້ສຳເລັດການກວດກາສະຖານທີ່ຕັ້ງອາວຸດເຄມີ 22 ແຫ່ງໃນຈຳນວນ 23 ແຫ່ງທັງໝົດທີ່ຊີຣີປະກາດ, ແລະອີງຕາມເຈົ້າໜ້າທີ່ຊີຣີແຈ້ງໃຫ້ຮູ້ວ່າ, ສະຖານທີ່ຕັ້ງອາວຸດເຄມີແຫ່ງສຸດທ້າຍແມ່ນໄດ້ຖືກທຳລາຍຖິ້ມແລ້ວ.
