ບໍລິສັດການບິນຕົ່ງຟ່າງຈີນຈະຍົກເລີກຖ້ຽວບິນແຕ່ນະຄອນນານກິ່ງຈີນໄປສິງກະໂປ
(GMT+08:00) 2013-11-08 15:47:53 cri
ຕອນບ່າຍວັນທີ 7 ພະຈິກນີ້, ບໍລິສັດການບິນຕົ່ງຟ່າງຈີນໄດ້ປະກາດຢ່າງກະທັນຫັນວ່າ, ຖ້ຽວບິນ MU771 ແຕ່ນະຄອນນານກິ່ງໄປສິງກະໂປຈະຖືກຍົກເລີກແຕ່ວັນທີ 17 ທັນວາໜ້ານີ້ເປັນຕົ້ນໄປ. ພາຍຫຼັງຍົກເລີກຖ້ຽວບິນນີ້ແລ້ວ, ສະໜາມບິນລູ້ໂຂວຂອງນະຄອນນານກິ່ງແຕ່ລະອາທິດຈະຕັດຖ້ຽວບິນຈາກນານກິ່ງໄປຮອດສິງກະໂປລົງຈຳນວນ 4 ຖ້ຽວ. ບໍລິສັດການບິນຕົ່ງຟ່າງກ່າວວ່າ, ພາຍຫຼັງຍົກເລີກຖ້ຽວບິນແຕ່ນະຄອນນານກິ່ງໄປສິງກະໂປແລ້ວ, ຈະຈັດສັນຍົນເຫຼົ່ານີ້ໄປບິນຮັບໃຊ້ຢູ່ສະໜາມບິນອູສີ່ຂອງແຂວງຈ່ຽງຊູ່ຈີນ, ເພື່ອເປີດເສັ້ນທາງການບິນແຕ່ອູສີ່ໄປສິງກະໂປແທນແຕ່ວັນທີ 18 ທັນວາໜ້ານີ້ເປັນຕົ້ນໄປ.
