ລັດຖະບານມຽນມາປຶກສາຫາລືກັບກຸ່ມປະກອບອາວຸດຊົນເຜົ່າສ່ວນໜ້ອຍເພື່ອບັນລຸຂໍ້ຕົກລົງວ່າດ້ວຍການຢຸດຍິງ
(GMT+08:00) 2013-11-08 15:48:46 cri
ວັນທີ 4 ຫາວັນທີ 5 ພະຈິກນີ້, ລັດຖະບານມຽນມາໄດ້ຈັດການເຈລະຈາກັບຜູ້ຕາງໜ້າກຸ່ມປະກອບອາວຸດຊົນເຜົ່າສ່ວນໜ້ອຍ 18 ກຸ່ມຢູ່ເທດສະບານມິດຈີຂອງແຂວງຄາຊິນເປັນເວລາ 2 ວັນ. ນີ້ແມ່ນລັດຖະບານມຽນມາຈັດການເຈລະຈາຮ່ວມກັບກຸ່ມປະກອບອາວຸດຊົນເຜົ່າສ່ວນໜ້ອຍເທື່ອທຳອິດພາຍຫຼັງທີ່ໄດ້ມີ "ສັນຍາປາງຫຼົງ"ໃນປີ 1947 ຜ່ານມາ. ອີງຕາມຖະແຫຼງການຮ່ວມທີ່ເຜີຍແຜ່ໃນຕອນຄ່ຳວັນທີ 5 ພະຈິກນີ້, ສອງຝ່າຍເຫັນດີສືບຕໍ່ປຶກສາຫາລືກ່ຽວກັບຂໍ້ຕົກລົງວ່າດ້ວຍການຢຸດຍິງທົ່ວປະເທດ, ເພື່ອຊຸກຍູ້ຂະບວນການສັນຕິພາບຂອງມຽນມາ.
ອີງຕາມຖະແຫຼງການຮ່ວມ, ລັດຖະບານມຽນມາແລະກຸ່ມປະກອບອາວຸດເຫັນດີຈະຈັດການເຈລະຈາສັນຕິພາບຮອບໜ້າຢູ່ເທດສະບານພາອັນຂອງແຂວງຄາອິນ. ກ່ອນໜ້ານີ້, ກຸ່ມປະກອບອາວຸດຊົນເຜົ່າສ່ວນໜ້ອຍ 18 ກຸ່ມໄດ້ຈັດກອງປະຊຸມສຸດຍອດຢູ່ລາຍຈາຊຶ່ງເປັນສະຖານທີ່ຕັ້ງສຳນັກງານໃຫຍ່ກອງທັບເອກະລາດຄາຊິນໃນວັນທີ 30 ຕຸລາແລ້ວນີ້ຫາວັນທີ 2 ພະຈິກນີ້. ຝ່າຍຕ່າງໆໄດ້ບັນລຸຄວາມຮັບຮູ້ເປັນເອກະສັນກັນໃນຫຼາຍດ້ານເຊັ່ນ: ແຜນການຊ່ອງທາງການເມືອງ, ສັນຍາວ່າດ້ວຍການຢຸດຍິງທົ່ວປະເທດ, ຈັດການສົນທະນາທາງການເມືອງ, ວາງມາດຕະການທີ່ມີຄວາມໄວ້ເນື້ອເຊື່ອໃຈກັນແລະອື່ນໆ. ເນື່ອງຈາກວ່າກຸ່ມປະກອບອາວຸດຊົນເຜົ່າສ່ວນໜ້ອຍຂອງມຽນມາໄດ້ມີການປ່ຽນທ່າທີຂອງຕົນ, ສະນັ້ນມີນັກວິເຄາະຄາດຄະເນວ່າ, ວັນເວລາທີ່ລັດຖະບານມຽນມາແລະກຸ່ມປະກອບອາວຸດຊົນເຜົ່າສ່ວນໜ້ອຍຈະບັນລຸສັນຍາວ່າດ້ວຍການຢຸດຍິງທົ່ວປະເທດໃກ້ຈະມາເຖິງແລ້ວ.
ທ່ານວິໃຈ ນາມເບຍ ທີ່ປຶກສາພິເສດຂອງເລຂາທິການໃຫຍ່ສະຫະປະຊາຊາດກ່ຽວກັບບັນຫາມຽນມາພ້ອມດ້ວຍທ່ານອື່ນໆກໍ່ໄດ້ເຂົ້າຮ່ວມການສົນທະນາຕາມຄຳເຊີນ. ໃນເວລາໃຫ້ສຳພາດຕໍ່ສື່ມວນຊົນ ທ່ານວິໃຈ ນາມເບຍກ່າວວ່າ, ການສົນທະນາຮອບຫຼ້າສຸດມີຄວາມໝາຍອັນໃຫຍ່ຫຼວງ, "ມັນໝາຍຄວາມວ່າຄວາມປອງດອງຂອງທົ່ວປະເທດມຽນມາໄດ້ເຂົ້າສູ່ໄລຍະໃໝ່ແລ້ວ".
ອີງຕາມຖະແຫຼງການຮ່ວມ, ລັດຖະບານມຽນມາແລະກຸ່ມປະກອບອາວຸດເຫັນດີຈະຈັດການເຈລະຈາສັນຕິພາບຮອບໜ້າຢູ່ເທດສະບານພາອັນຂອງແຂວງຄາອິນ. ກ່ອນໜ້ານີ້, ກຸ່ມປະກອບອາວຸດຊົນເຜົ່າສ່ວນໜ້ອຍ 18 ກຸ່ມໄດ້ຈັດກອງປະຊຸມສຸດຍອດຢູ່ລາຍຈາຊຶ່ງເປັນສະຖານທີ່ຕັ້ງສຳນັກງານໃຫຍ່ກອງທັບເອກະລາດຄາຊິນໃນວັນທີ 30 ຕຸລາແລ້ວນີ້ຫາວັນທີ 2 ພະຈິກນີ້. ຝ່າຍຕ່າງໆໄດ້ບັນລຸຄວາມຮັບຮູ້ເປັນເອກະສັນກັນໃນຫຼາຍດ້ານເຊັ່ນ: ແຜນການຊ່ອງທາງການເມືອງ, ສັນຍາວ່າດ້ວຍການຢຸດຍິງທົ່ວປະເທດ, ຈັດການສົນທະນາທາງການເມືອງ, ວາງມາດຕະການທີ່ມີຄວາມໄວ້ເນື້ອເຊື່ອໃຈກັນແລະອື່ນໆ. ເນື່ອງຈາກວ່າກຸ່ມປະກອບອາວຸດຊົນເຜົ່າສ່ວນໜ້ອຍຂອງມຽນມາໄດ້ມີການປ່ຽນທ່າທີຂອງຕົນ, ສະນັ້ນມີນັກວິເຄາະຄາດຄະເນວ່າ, ວັນເວລາທີ່ລັດຖະບານມຽນມາແລະກຸ່ມປະກອບອາວຸດຊົນເຜົ່າສ່ວນໜ້ອຍຈະບັນລຸສັນຍາວ່າດ້ວຍການຢຸດຍິງທົ່ວປະເທດໃກ້ຈະມາເຖິງແລ້ວ.
ທ່ານວິໃຈ ນາມເບຍ ທີ່ປຶກສາພິເສດຂອງເລຂາທິການໃຫຍ່ສະຫະປະຊາຊາດກ່ຽວກັບບັນຫາມຽນມາພ້ອມດ້ວຍທ່ານອື່ນໆກໍ່ໄດ້ເຂົ້າຮ່ວມການສົນທະນາຕາມຄຳເຊີນ. ໃນເວລາໃຫ້ສຳພາດຕໍ່ສື່ມວນຊົນ ທ່ານວິໃຈ ນາມເບຍກ່າວວ່າ, ການສົນທະນາຮອບຫຼ້າສຸດມີຄວາມໝາຍອັນໃຫຍ່ຫຼວງ, "ມັນໝາຍຄວາມວ່າຄວາມປອງດອງຂອງທົ່ວປະເທດມຽນມາໄດ້ເຂົ້າສູ່ໄລຍະໃໝ່ແລ້ວ".
