ຢູ່ຫຼາຍແຫ່ງຂອງເອຢິບເກີດການປະທະກັນ
(GMT+08:00) 2013-11-09 13:49:56 cri
ວັນທີ 8 ພະຈິກນີ້, ຢູ່ຫຼາຍແຫ່ງຂອງເອຢິບໄດ້ເກີດການແຫ່ຂະບວນກຳລັງທີ່ຖືອົງການອ້າຍນ້ອງມູສລິມ ແລະ ຜູ້ສະໜັບສະໜູນມົວຊີ ອະດີດປະທານາທິບໍດີເປັນກຳລັງຕົ້ນຕໍນັ້ນອີກ. ຕົວເລກຫຼ້າສຸດຂອງກະຊວງສາທາລະນະສຸກເອຢິບສະແດງໃຫ້ເຫັນວ່າ, ການປະທະກັນຍ້ອນແຫ່ຂະບວນໄດ້ເຮັດໃຫ້ 2 ຄົນເສຍຊີວິດ, ຢ່າງໜ້ອຍ 20 ຄົນບາດເຈັບ.
ວັນທີ 8 ພະຈິກນີ້, ເວັນໄຊຂອງ "ໜັງສືພິມທາດປິລາມິດ" ສື່ມວນຊົນຝ່າຍທາງການເອຢິບແຈ້ງໃຫ້ຮູ້ວ່າ, ຫຼັງຈາກໄດ້ເຕົ້າໂຮມກັນເຮັດພິທີສາສະໜາມູສລິມໃນມື້ດຽວກັນແລ້ວ, ຜູ້ສະໜັບສະໜູນມົວຊີຫຼາຍພັນຄົນໄດ້ແຫ່ຂະບວນສະແດງກຳລັງຢູ່ນະຄອນຫຼວງເລີແກ, ແຂວງກີຊາ, ເມືອງອາເລັກເຊນຕາ , ແຂວງພາກຕາເວັນອອກ ແລະ ແຂວງຊູເຊວ, ຮຽກຮ້ອງໃຫ້ຟື້ນຟູຕຳແໜ່ງຂອງປະທານາທິບໍດີມົວຊີ.
