ຈີນຈະສືບຕໍ່ສົ່ງເສີມການເຈລະຈາສັນຕິພາບ,ເພື່ອຊຸກຍູ້ໃຫ້ແກ້ໄຂບັນຫານິວເຄຼຍອີຣານໂດຍໄວ
ການສົນທະນາກ່ຽວກັບບັນຫານິວເຄຼຍອີຣານຮອບໃໝ່ທີ່ດຳເນີນເປັນເວລາ 3 ມື້ໄດ້ອັດລົງຢູ່ນະຄອນເຊີແນວໃນຕອນຮຸ່ງເຊົ້າວັນທີ 10 ພະຈິກນີ້ ຕາມເວລາທ້ອງຖິ່ນ.ເຖິງວ່າການສົນທະມີລັກສະນະສ້າງສັນຫຼາຍ, ແຕ່ຍັງບໍ່ໄດ້ຮັບການບຸກທະລຸທີ່ວົງການພາຍນອກຄາດໝາຍນັ້ນ. ທ່ານຫຼີປາວຕົ່ງ ລັດຖະມົນຕີຊ່ວຍວ່າການກະຊວງການຕ່າງປະເທດຈີນທີ່ເຂົ້າຮ່ວມການສົນທະນາເທື່ອນີ້ກ່າວວ່າ, ຈີນຈະສືບຕໍ່ສົ່ງເສີມການເຈລະຈາສັນຕິພາບ, ເພື່ອຊຸກຍູ້ໃຫ້ແກ້ໄຂບັນຫານິວເຄຼຍອີຣານໂດຍໄວ.
ຫຼັງຈາກການສົນທະນາສິ້ນສຸດລົງແລ້ວ, ທ່ານຫຼີປາວຕົ່ງເວົ້ານຳນັກຂ່າວວ່າ, ປະຊາຄົມໂລກເອົາໃຈໃສ່ໃນລະດັບສູງຕໍ່ການສົນທະນາກ່ຽວກັບບັນຫານິວເຄຼຍອີຣານຮອບນີ້,6 ປະເທດ ກັບ ອີຣານໄດ້ດຳເນີນການສົນທະນາ 3 ວັນ, ບັນຍາກາດຂອງການສົນທະນາແມ່ນຈິງຈັງ, ຝ່າຍຕ່າງໆລ້ວນແຕ່ສະແດງອອກຄວາມປາຖະໜາທາງການເມືອງທີ່ແກ້ໄຂບັນຫາ. ແຕ່ບັນຫານິວເຄຼຍອີຣານສັບສົນຫຼາຍ, ການສົນທະນາ ແລະ ການເຈລະຈາຂອງຝ່າຍຕ່າງໆໄດ້ດຳເນີນມາເປັນເວລາ 10 ປີແລ້ວ,, ຈະແກ້ໄຂບັນຫາອັນສັບສົນແນວນີ້ບໍ່ໄດ້ທີ່ຜ່ານການເຈລະຈາເທື່ອດຽວ.
ທ່ານຫຼີປາວຕົ່ງກ່າວເນັ້ນວ່າ, ຝ່າຍຕ່າງໆຍິນດີສືບຕໍ່ຮັກສາທ່ວງທ່າສົນທະນາ, ຍິນດີຈັດການສົນທະນາຮອບໜ້າໂດຍໄວ, ໂດຍຜ່ານການສົນທະນາແບບນີ້, ຕິດຕໍ່ກັນເລື້ອຍໆ, ສະສົມຄວາມຮັບຮູ້ຄືກັນ ແລະ ຫຼຸດຜ່ອນຂໍ້ຂັດແຍ່ງ, ເພື່ອຊອກພົບວິທີແກ້ໄຂບັນຫານິວເຄຼຍອີຣານໃນທີ່ສຸດ.
