ການສົນທະນາກ່ຽວກັບບັນຫານິວເຄຼຍອີຣານບໍ່ໄດ້ກ້າວເຖິງຂັ້ນຕົກລົງກັນ
ຕອນຮຸ່ງເຊົ້າວັນທີ 10 ພະຈິກນີ້, ການເຈລະຈາກ່ຽວກັບບັນຫານິວເຄຼຍອີຣານຮອບໃໝ່ລະຫວ່າງ 6 ປະເທດກ່ຽວກັບບັນຫານິວເຄຼຍອີຣານ ກັບ ອີຣານໄດ້ອັດລົງຢູ່ນະຄອນເຊີແນວ. ເຖິງວ່າການເຈລະຈາມີລັກສະນະສ້າງສັນຫຼາຍ, ແຕ່ບໍ່ໄດ້ກ້າວເຖິງຂັ້ນຕົກລົງກັນໃນທີ່ສຸດ. ຝ່າຍຕ່າງໆຕົກລົງສືບຕໍ່ຈັດການປຶກສາຫາລືຢູ່ນະຄອນເຊີແນວໃນວັນທີ 20 ພະຈິກນີ້.
ຫຼັງຈາກການຈະເລຈາລະຫວ່າງອາເມລິກາ, ອັງກິດ, ຝຣັ່ງ, ຣັດເຊຍ, ຈີນ ແລະ ເຢັຍລະມັນ ກັບ ອີຣານສິ້ນສຸດລົງແລ້ວ, ທ່ານນາງແຄເດີລີນ ອັສທົນ ຜູ້ຕາງໜ້າລະດັບສູງຂອງສະຫະພາບເອີລົບ ທີ່ຮັບຜິດຊອບນະໂຍບາຍການຕ່າງປະເທດ ແລະ ຄວາມປອດໄພ ກ່າວໃນກອງປະຊຸມຂ່າວວ່າ, ການເຈລະຈາທີ່ເປັນເວລາ 3 ວັນ "ທັງເຄັ່ງຕຶງ ທັງມີລັກສະນະສ້າງສັນຫຼາຍ", ຝ່າຍຕ່າງໆ "ໄດ້ຮັບຄວາມຄືບໜ້າແທ້ຈິງໃນຫຼາຍດ້ານ,ແຕ່ຍັງມີຂໍ້ຂັດແຍ່ງຈຳນວນໜຶ່ງ". 6 ປະເທດກ່ຽວກັບບັນຫານິວເຄຼຍອີຣານ ກັບ ອີຣານຈະຈັດການສົນທະນາຮອບໃໝ່ຢູ່ນະຄອນເຊີແນວໃນວັນທີ 20 ພະຈິກນີ້.
ທ່ານຊາລີຟ ຜູ້ຕາງໜ້າການເຈລະຈາ, ລັດຖະມົນຕີວ່າການກະຊວງການຕ່າງປະເທດອີຣານກ່າວວ່າ, ລະຫວ່າງ 6 ປະເທດມີຂໍ້ຂັດແຍ່ງ, ແຕ່ຝ່າຍຕ່າງໆພະຍາຍາມຮ່ວມມືກັນ. ທ່ານກ່າວວ່າ, ຫວັງວ່າການເຈລະຈາຄັ້ງໜ້າສາມາດກ້າວເຖິງຂັ້ນຕົກລົງກັນ.
