ການສອນພາສາຈີນຢູ່ອາຊີຕາເວັນອອກສຽງໃຕ້ຄອງຄອຍການພັດທະນາເທື່ອໃໝ່
(GMT+08:00) 2013-11-11 11:36:10 cri
ກອງປະຊຸມສຳມະນາການສອນພາສາຈີນຂອງອາຊີຕາເວັນອອກສຽງໃຕ້ຄັ້ງທີ 10 ທີ່ດຳເນີນມາເປັນເວລາ 2 ວັນໄດ້ອັດລົງແລ້ວໃນວັນທີ 10 ພະຈິກນີ້ຢູ່ນະຄອນມານດາເລຂອງມຽນມາ, ຜູ້ຕາງໜ້າທີ່ເຂົ້າຮ່ວມກອງປະຊຸມໄດ້ແລກປ່ຽນຄວາມຄິດຄວາມເຫັນຢ່າງກວ້າງຂວາງກ່ຽວກັບນະໂຍບາຍການສຶກສາ, ສະພາບການພັດທະນາການສຶກສາໃນປະຈຸບັນ,ການພັດທະນາຫຼັກສູດສອນພາສາຈີນຂອງປະເທດອາຊີຕາເວັນອອກສຽງໃຕ້ໃນປະຈຸບັນ, ຮ່ວມກັນແລກປ່ຽນຖອດຖອນບົດຮຽນການພັດທະນາການສຶກສາພາສາຈີນຂອງປະເທດຕ່າງໆ. ກອງປະຊຸມສຳມະນາຄັ້ງນີ້ແມ່ນຫ້ອງຮຽນຂົງຈື້ໂຮງຮຽນຟູຊິງນະຄອນມານດາເລເປັນເຈົ້າພາບຈັດຂຶ້ນ, ຜູ້ຕາງໜ້າຈາກອິນໂດເນເຊຍ,ມະເລເຊຍ, ມຽນມາ,ຟີລິບປິນ,ສິງກະໂປ,ໄທແລະປະເທດອື່ນໆໄດ້ເຂົ້າຮ່ວມ. ຜູ້ຕາງໜ້າຂອງມະຫາວິທະຍາໄລແລະອົງການຈັດຕັ້ງທີ່ກ່ຽວຂ້ອງຈຳນວນໜຶ່ງຂອງຈີນໄດ້ເຂົ້າຮ່ວມ ກອງປະຊຸມສຳມະນາຄັ້ງນີ້ຕາມຄຳເຊີນ.