ຄົນຟີລິບປິນເຊື້ອສາຍຈີນລະດົມການບໍລິຈາກເພື່ອຊ່ວຍເຫຼືອປະຊາຊົນທີ່ປະສົບໄພຈາກພະຍຸໃຕ້ຝຸ່ນ "ໄຮຢຽນ"
(GMT+08:00) 2013-11-11 11:45:02 cri
ຫຼາຍແຂວງຂອງຟີລິບປິນໄດ້ປະສົບໄພຈາກພະຍຸໃຕ້ຝຸ່ນ"ໄຮຢຽນ" ຢ່າງໜັກໜ່ວງ, ອົງການຈັດຕັ້ງຄົນເຊື້ອສາຍຈີນຕ່າງໆເຊັ່ນສະພາການຄ້ານັກທຸລະກິດເຊື້ອສາຍຈີນຂອງຟີລິບປິນໄດ້ລິເລີ່ມການເຄື່ອນໄຫວກູ້ໄພໂດຍທັນທີ,ຊຶ່ງໄດ້ຮັບການສະໜັບສະໜູນຢ່າງຕັ້ງໜ້າຈາກຄົນຟີລິບປິນເຊື້ອສາຍຈີນທ້ອງຖິ່ນຕ່າງໆ. ສະພາການຄ້ານັກທຸລະກິດເຊື້ອສາຍຈີນຂອງຟີລິບປິນໄດ້ຜ່ານຈາກສະພາການຄ້າສາຂາຈຳນວນໜຶ່ງຂອງຕົນທີ່ປະຈຳຢູ່ເຂດປະສົບໄພ,ຕິດຕໍ່ພົວພັນກັບອົງການປົກຄອງທ້ອງຖິ່ນເພື່ອເຂົ້າຮ່ວມວຽກງານການກູ້ໄພ, ໂດຍໄດ້ຂົນສົ່ງເຄື່ອງຊ່ວຍເຫຼືອຈຳນວນ 5000 ຫໍ່ໄປແຂວງອີໂລອີໂລ ແລະຂົນສົ່ງເຄື່ອງຊ່ວຍເຫຼືອ 500 ຫໍ່ໄປແຂວງມາສເບັດ. ນອກນີ້, ສະພາການຄ້າຍັງໄດ້ໃຊ້ລົດຍົນຂົນສົ່ງເຄື່ອງຊ່ວຍເຫຼືອຕ່າງໆໄປຊ່ວຍເຫຼືອຜູ້ປະສົບໄພເຊັ່ນເຂົ້າແລະນ້ຳໄປສູ່ນະຄອນທາຄະໂຣບານ ທີ່ປະສົບໄພໜັກໜ່ວງທີ່ສຸດ.