ສູນກາງພັກຄອມມູນິດຈີນສົ່ງໂທລະເລກຊົມເຊີຍໄປຍັງພັກກົກມິນຕັງຈີນເນື່ອງໃນໂອກາດໄຂກອງປະຊຸມໃຫຍ່ຜູ້ແທນຄັ້ງທີ 19
(GMT+08:00) 2013-11-11 16:49:11 cri
ວັນທີ 10 ພະຈິກນີ້, ຄະນະກຳມະການສູນກາງພັກຄອມມູນິດຈີນໄດ້ສົ່ງໂທລະເລກຊົມເຊີຍໄປຍັງຄະນະກຳມະການສູນກາງພັກກົກມິນຕັງຈີນເພື່ອສະແດງຄວາມຊົມເຊີຍຕໍ່ການໄຂກອງປະຊຸມໃຫຍ່ຜູ້ແທນຄັ້ງທີ 19 . ໂທລະເລກຂຽນວ່າ: "ຂໍຖືເປັນກຽດສະແດງຄວາມຊົມເຊີຍ ເນື່ອງໃນໂອກາດໄຂກອງປະຊຸມໃຫຍ່ຜູ້ແທນຄັ້ງທີ 19 ຂອງພັກກົກມິນຕັງຈີນ." ໃນຊຸມປີຜ່ານມານີ້, ພັກກົກມິນຕັງຈີນແລະພັກຄອມມູນິດຈີນໄດ້ຮ່ວມກັນທຳຄວາມພະຍາຍາມ, ສືບຕໍ່ຊຸກຍູ້ການພົວພັນລະຫວ່າງສອງຝັ່ງຊ່ອງແຄບໃຫ້ມີການພັດທະນາໂດຍສັນຕິ, ມີຄວາມປາຖະໜາຢ່າງແຮງກ້າຢາກໃຫ້ສອງພັກພວກເຮົາສືບຕໍ່ອັນເກົ່າແລະຂະຫຍາຍຕົວອັນໃໝ່ຕໍ່ໄປ, ປະກອບສ່ວນອັນໃໝ່ເພື່ອບັນລຸຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ."
ຕອນບ່າຍວັນທີ 10 ພະຈິກນີ້, ຄະນະກຳມະການສູນກາງພັກກົກມິນຕັງຈີນກໍ່ໄດ້ສົ່ງໂທລະເລກຂອບໃຈເຖິງພັກຄອມມູນິດຈີນເຊັ່ນກັນ. ມື້ດຽວກັນ, ທ່ານສີຈິ້ນຜິງ ເລຂາທິການໃຫຍ່ສູນກາງພັກຄອມມູນິດຈີນກໍ່ໄດ້ສົ່ງໂທລະເລກໄປຍັງທ່ານລຽນຈ້ານແລະທ່ານອູໂປໂສງ, ເພື່ອສະແດງຄວາມຊົມເຊີຍຕໍ່ສອງທ່ານທີ່ດຳລົງຕຳແໜ່ງປະທານກິດຕິມະສັກພັກກົກມິນຕັງຈີນຕໍ່ໄປອີກສະໄໝໜຶ່ງ. ທ່ານລຽນຈ້ານແລະທ່ານອູໂປໂສງກໍ່ໄດ້ສົ່ງໂທລະເລກຕອບເພື່ອສະແດງຄວາມຂອບໃຈຕໍ່ທ່ານສີຈິ້ນຜິງເຊັ່ນກັນ.
ຕອນບ່າຍວັນທີ 10 ພະຈິກນີ້, ຄະນະກຳມະການສູນກາງພັກກົກມິນຕັງຈີນກໍ່ໄດ້ສົ່ງໂທລະເລກຂອບໃຈເຖິງພັກຄອມມູນິດຈີນເຊັ່ນກັນ. ມື້ດຽວກັນ, ທ່ານສີຈິ້ນຜິງ ເລຂາທິການໃຫຍ່ສູນກາງພັກຄອມມູນິດຈີນກໍ່ໄດ້ສົ່ງໂທລະເລກໄປຍັງທ່ານລຽນຈ້ານແລະທ່ານອູໂປໂສງ, ເພື່ອສະແດງຄວາມຊົມເຊີຍຕໍ່ສອງທ່ານທີ່ດຳລົງຕຳແໜ່ງປະທານກິດຕິມະສັກພັກກົກມິນຕັງຈີນຕໍ່ໄປອີກສະໄໝໜຶ່ງ. ທ່ານລຽນຈ້ານແລະທ່ານອູໂປໂສງກໍ່ໄດ້ສົ່ງໂທລະເລກຕອບເພື່ອສະແດງຄວາມຂອບໃຈຕໍ່ທ່ານສີຈິ້ນຜິງເຊັ່ນກັນ.
