ເຈົ້າໜ້າທີ່ຟີລິບປິນກ່າວວ່າ ລົມພາຍຸໃຕ້ຝຸ່ນ "ໄຮຢ້ຽນ"ທີ່ພັດຜ່ານຢູ່ຟີລິບປິນໄດ້ເຮັດໃຫ້ປະຊາຊົນເສຍຊີວິດໄປແລ້ວ 255 ຄົນ ຈຳນວນຜູ້ປະສົບໄພມີເກືອບ 9 ລ້ານ 5 ແສນຄົນ
(GMT+08:00) 2013-11-11 20:04:47 cri
ຄະນະກຳມະການບັນເທົາໄພພິບັດແຫ່ງຊາດຟີລິບປິນປະກາດໃນຕອນຄ່ຳວັນທີ 10 ພະຈິກນີ້ວ່າ, ນັບມາຮອດເວລາ 19 ໂມງຂອງວັນທີ 10 ພະຈິກນີ້ຕາມເວລາທ້ອງຖິ່ນ, ລົມພາຍຸມໃຕ້ຝຸ່ນ "ໄຮຢ້ຽນ"ຢ່າງໜ້ອຍໄດ້ເຮັດໃຫ້ປະຊາຊົນຟີລິບປິນ 255 ຄົນເສຍຊີວິດ, 45 ຄົນບາດເຈັບ, ແລະ 28 ຄົນຫາຍສາບສູນ; 41 ແຂວງໃນທົ່ວປະເທດຖືກກະທົບຈາກໄພພິບັດຄັ້ງນີ້, ຈຳນວນຜູ້ປະສົບໄພມີເກືອບ 9 ລ້ານ 5 ແສນຄົນ, ໃນນັ້ນ ຜູ້ປະສົບໄພທີ່ຈຳເປັນຕ້ອງຍົກຍ້າຍໄປຢູ່ບ່ອນປອດໄພມີປະມານ 7 ໝື່ນ 4 ພັນຄອບຄົວ, ລວມມີ 3 ແສນ 4 ໝື່ນ 2 ພັນກວ່າຄົນ. ຄະນະກຳມະການດັ່ງກ່າວກ່າວວ່າ, ຍ້ອນວ່າສາເຫດຕ່າງໆເຊັ່ນ: ການສື່ສານໂທລະຄົມຂັດຂ້ອງແລະອື່ນໆ ເຮັດໃຫ້ວຽກງານສະຖິຕິກ່ຽວກັບຜົນເສຍຫາຍໃນໄພພິບັດໄດ້ປະສົບຄວາມຫຍຸ້ງຍາກຢ່າງຫຼວງຫຼາຍ, ຄາດວ່າຈຳນວນຜູ້ເສຍຊີວິດຢູ່ແຫ່ງຕ່າງໆຂອງຟີລິບປິນລາຍງານໃຫ້ນັ້ນຍັງຈະເພີ່ມຂຶ້ນອີກ.
ນອກນີ້, ຕົວເລກຂໍ້ມູນທີ່ຄະນະກຳມະການບັນເທົາໄພພິບັດແຫ່ງຊາດຟີລິບປິນເຜີຍແຜ່ໃນຕອນຄ່ຳວັນທີ 10 ພະຈິກນີ້ສະແດງໃຫ້ເຫັນວ່າ, ທົ່ວປະເທດຟີລິບປິນມີເຮືອນຢູ່ເກືອບ 2 ໝື່ນຫຼັງໄດ້ຖືກທຳລາຍ. ຕາມການຄິດໄລ່ເບື້ອງຕົ້ນ, ລົມພາຍູຄັ້ງນີ້ສ້າງຄວາມເສຍຫາຍດ້ານພື້ນຖານໂຄງລ່າງແລະກະສິກຳໃນເຂດປະສົບໄພ ໄດ້ບັນລຸ 139 ລ້ານເປໂຊຕະກຸນເງິນຟີລິບປິນ.
ນອກນີ້, ຕົວເລກຂໍ້ມູນທີ່ຄະນະກຳມະການບັນເທົາໄພພິບັດແຫ່ງຊາດຟີລິບປິນເຜີຍແຜ່ໃນຕອນຄ່ຳວັນທີ 10 ພະຈິກນີ້ສະແດງໃຫ້ເຫັນວ່າ, ທົ່ວປະເທດຟີລິບປິນມີເຮືອນຢູ່ເກືອບ 2 ໝື່ນຫຼັງໄດ້ຖືກທຳລາຍ. ຕາມການຄິດໄລ່ເບື້ອງຕົ້ນ, ລົມພາຍູຄັ້ງນີ້ສ້າງຄວາມເສຍຫາຍດ້ານພື້ນຖານໂຄງລ່າງແລະກະສິກຳໃນເຂດປະສົບໄພ ໄດ້ບັນລຸ 139 ລ້ານເປໂຊຕະກຸນເງິນຟີລິບປິນ.
