ວຸດທິສະພາຂອງໄທຢັບຢັ້ງພະລາຊະບັນຍັດນີລະໂທດກຳ
(GMT+08:00) 2013-11-12 15:17:06 cri
ວັນທີ 11 ພະຈິກນີ້, ວຸດທິສະພາຂອງໄທໄດ້ຢັບຢັ້ງພະລາຊະບັນຍັດນີລະໂທດກຳທີ່ມີການຖົກຖຽງກັນຫຼາຍ. ໃນວັນດຽວກັນ, ປະຊາຊົນຈຳນວນນັບໝື່ນຄົນທີ່ຄັດຄ້ານພະລາຊະບັນຍັດນີລະໂທດກຳໄດ້ໂຮມຊຸມນຸມຢູ່ນະຄອນຫຼວງບາງກອກ, ທ່ານສຸເທບ ເທືອກສຸບັນ ໜຶ່ງໃນບັນດາຜູ້ນຳຈັດງານໂຮມຊຸມນຸມປະທ້ວງໄດ້ຮຽກຮ້ອງໃຫ້ປະຊາຊົນທົ່ວທັງຊາດຈົ່ງຢຸດງານເປັນເວລາ 3 ວັນເລີ່ມແຕ່ວັນທີ 13 ພະຈິກນີ້ເປັນຕົ້ນໄປ, ເພື່ອບັງຄັບໃຫ້ລັດຖະບານປະລະພະລາຊະບັນຍັດນີລະໂທດກຳ.
ວັນທີ 11 ພະຈິກນີ້, ພາຍຫຼັງວຸດທິສະພາໄດ້ອະພິປາຍເປັນເວລາ 12 ຊົ່ວໂມງຕໍ່ພະລາຊະບັນຍັດນີລະໂທດກຳແລ້ວ, ສະມາຊິກສະພາທັງໝົດ 140 ຄົນທີ່ເຂົ້າຮ່ວມການລົງຄະແນນສຽງລ້ວນແຕ່ໄດ້ລົງສຽງຄັດຄ້ານ. ຕາມກົດໝາຍຂອງໄທ, ພາຍຫຼັງພະລາຊະບັນຍັດຖືກວຸດທິສະພາຢັບຢັ້ງແລ້ວ, ຈະຖືກສົ່ງຄືນໃຫ້ສະພາຜູ້ແທນລາຊະດອນເພື່ອດຳເນີນການຄົ້ນຄວ້າພິຈາລະນາຄືນອີກຄັ້ງໃໝ່.
ວັນທີ 11 ພະຈິກນີ້, ພາຍຫຼັງວຸດທິສະພາໄດ້ອະພິປາຍເປັນເວລາ 12 ຊົ່ວໂມງຕໍ່ພະລາຊະບັນຍັດນີລະໂທດກຳແລ້ວ, ສະມາຊິກສະພາທັງໝົດ 140 ຄົນທີ່ເຂົ້າຮ່ວມການລົງຄະແນນສຽງລ້ວນແຕ່ໄດ້ລົງສຽງຄັດຄ້ານ. ຕາມກົດໝາຍຂອງໄທ, ພາຍຫຼັງພະລາຊະບັນຍັດຖືກວຸດທິສະພາຢັບຢັ້ງແລ້ວ, ຈະຖືກສົ່ງຄືນໃຫ້ສະພາຜູ້ແທນລາຊະດອນເພື່ອດຳເນີນການຄົ້ນຄວ້າພິຈາລະນາຄືນອີກຄັ້ງໃໝ່.
