ຈີນຊົມເຊີຍອີຣານແລະອົງການພະລັງງານປະລະມານູສາກົນເພີ່ມທະວີການຮ່ວມມືກັນ
(GMT+08:00) 2013-11-13 11:19:10 cri
ວັນທີ 12 ພະຈິກນີ້, ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງຂອງຈີນວ່າ, ຈີນຊົມເຊີຍອີຣານແລະອົງການພະລັງງານປະລະມານູສາກົນຫຼື IAEA ທີ່ໄດ້ເພີ່ມທະວີການຮ່ວມມືກັນ, ເຫັນວ່າ, ນີ້ຈະມີຜົນດີຕໍ່ການສ້າງເງື່ອນໄຂທີ່ດີເພື່ອແກ້ໄຂບັນຫານີວເຄຼຍຂອງອີຣານຢ່າງຮອບດ້ານ,ຍາວນານແລະເໝາະສົມ, ຊຸກຍູ້ບັນຫານີວເຄຼຍຂອງອີຣານໃຫ້ໄດ້ຮັບການແກ້ໄຂໂດຍສັນຕິໃນທີ່ສຸດດ້ວຍວິທີທາງການເມືອງແລະການຕ່າງປະເທດ.
ຕາມຂ່າວແຈ້ງວ່າ, ອີຣານກັບອົງການ IAEA ໄດ້ລົງນາມໃນຖະແຫຼງການຮ່ວມກ່ຽວກັບການຮ່ວມມືຕື່ມອີກເພື່ອແກ້ໄຂບັນຫາທີ່ຍັງຄົງຄ້າງຢູ່ໃນແຜນການນີວເຄຼຍຂອງອີຣານ. ອີຣານຍັງຈະອະນຸຍາດໃຫ້ເຈົ້າໜ້າທີ່ກວດການີວເຄຼຍສາມາດເຂົ້າໄປຢ້ຽມຢາມໂຮງຕິດຕັ້ງເຄື່ອງປະຕິກອນນ້ຳທາດໜັກອາຣັກແລະບໍ່ຢູເຣນ້ຽມຂຸ້ນກາຊິນ. ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ, ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ, ຈີນເຫັນວ່າ, ການຊຸກຍູ້ການສົນທະນາແລະຮ່ວມມືກັນເປັນວິທີທີ່ຖືກຕ້ອງພຽງໜຶ່ງດຽວໃນການແກ້ໄຂບັນຫານີວເຄຼຍຂອງອີຣານຢ່າງເໝະສົມ.
ຕາມຂ່າວແຈ້ງວ່າ, ອີຣານກັບອົງການ IAEA ໄດ້ລົງນາມໃນຖະແຫຼງການຮ່ວມກ່ຽວກັບການຮ່ວມມືຕື່ມອີກເພື່ອແກ້ໄຂບັນຫາທີ່ຍັງຄົງຄ້າງຢູ່ໃນແຜນການນີວເຄຼຍຂອງອີຣານ. ອີຣານຍັງຈະອະນຸຍາດໃຫ້ເຈົ້າໜ້າທີ່ກວດການີວເຄຼຍສາມາດເຂົ້າໄປຢ້ຽມຢາມໂຮງຕິດຕັ້ງເຄື່ອງປະຕິກອນນ້ຳທາດໜັກອາຣັກແລະບໍ່ຢູເຣນ້ຽມຂຸ້ນກາຊິນ. ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ, ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ, ຈີນເຫັນວ່າ, ການຊຸກຍູ້ການສົນທະນາແລະຮ່ວມມືກັນເປັນວິທີທີ່ຖືກຕ້ອງພຽງໜຶ່ງດຽວໃນການແກ້ໄຂບັນຫານີວເຄຼຍຂອງອີຣານຢ່າງເໝະສົມ.
