ເອກອັກຄະລັດຖະທູດຈີນປະຈຳອາຊຽນເຂົ້າຢ້ຽມຄຳນັບຮອງເລຂາທິການໃຫຍ່ອາຊຽນຄົນໃໝ່
(GMT+08:00) 2013-11-15 11:05:50 cri
ວັນທີ 11 ພະຈິກ 2013ນີ້, ທ່ານຢາງຊີ້ວຜິງ ເອກອັກຄະລັດຖະທູດຈີນປະຈຳອາຊຽນໄດ້ເຂົ້າຢ້ຽມຄຳນັບທ່ານດຣ. ເອເຄປີ ໂມເຊີຕັນ ຮອງເລຂາທິການໃຫຍ່ອາຊຽນຄົນໃໝ່. ສອງຝ່າຍໄດ້ແລກປ່ຽນຄວາມຄິດຄວາມເຫັນກ່ຽວກັບການເພີ່ມທະວີມິດຕະພາບແລະການຮ່ວມມືລະຫວ່າງຈີນກັບອາຊຽນ, ສະໜັບສະໜູນການສ້າງຄວາມສາມາດຂອງກອງເລຂາອາຊຽນແລະບັນຫາອື່ນໆ.
ທ່ານດຣ.ເອເຄປີ ໂມເຊີຕັນ ເປັນຊາວອິນໂດເນເຊຍ, ທ່ານໄດ້ເຮັດວຽກດ້ານການຕ່າງປະເທດຫຼາຍຝ່າຍເປັນເວລາຍາວນານມາແລ້ວ, ແລະມີປະສົບການຫຼາຍໃນດ້ານການຄຸ້ມຄອງບໍລິຫານ,ການເງິນແລະອື່ນໆ. ທ່ານໄດ້ສາບານຕົວຂຶ້ນຮັບຕຳແໜ່ງຮອງເລຂາທິການໃຫຍ່ອາຊຽນໃນ 6 ເດືອນທ້າຍປີນີ້, ຕົ້ນຕໍ ຮັບຜິດຊອບວຽກງານການຄຸ້ມຄອງບໍລິຫານແລະວຽກງານສາທາລະນະ,ຈະດຳລົງຕຳແໜ່ງເຖິງປີ2016.
ທ່ານດຣ.ເອເຄປີ ໂມເຊີຕັນ ເປັນຊາວອິນໂດເນເຊຍ, ທ່ານໄດ້ເຮັດວຽກດ້ານການຕ່າງປະເທດຫຼາຍຝ່າຍເປັນເວລາຍາວນານມາແລ້ວ, ແລະມີປະສົບການຫຼາຍໃນດ້ານການຄຸ້ມຄອງບໍລິຫານ,ການເງິນແລະອື່ນໆ. ທ່ານໄດ້ສາບານຕົວຂຶ້ນຮັບຕຳແໜ່ງຮອງເລຂາທິການໃຫຍ່ອາຊຽນໃນ 6 ເດືອນທ້າຍປີນີ້, ຕົ້ນຕໍ ຮັບຜິດຊອບວຽກງານການຄຸ້ມຄອງບໍລິຫານແລະວຽກງານສາທາລະນະ,ຈະດຳລົງຕຳແໜ່ງເຖິງປີ2016.
