ພາຍຸໄຕ້ຝຸ່ນ "ໄຮຢຽນ" ໄດ້ເຮັດໃຫ້ຟີລິບປິນມີຜູ້ເສຍຊີວິດ 2357 ຄົນ
(GMT+08:00) 2013-11-15 13:09:59 cri
ວັນທີ 14 ພະຈິກນີ້, ຄະນະກຳມະການຫຼຸດຜ່ອນໄພພິບັດແຫ່ງຊາດຟີລິບປິນໄດ້ປະກາດວ່າ, ນັບມາຮອດເວລາ 18 ໂມງຂອງວັນທີ 14 ພະຈິກນີ້ ຕາມເວລາທ້ອງຖິ່ນ, ສາມາດ ຢືນຢັນ ໄດ້ແລ້ວວ່າ, ຟີລິບປິນມີ 2357 ຄົນໄດ້ເສຍຊີວິດຈາກພາຍຸໄຕ້ຝຸ່ນ "ໄຮຢຽນ", ນອກນີ້,ມີອີກ 3853 ຄົນໄດ້ຮັບບາດເຈັບ, 77 ຄົນຫາຍສາບສູນ.
ຕາມສະພາບໄພພິບັດຫຼ້າສຸດທີ່ຄະນະກຳມະການຫຼຸດຜ່ອນໄພພິບັດແຫ່ງຊາດຟີລິບປິນແຈ້ງໃຫ້ຊາບວ່າ, ພາຍຸ "ໄຮຢຽນ" ໄດ້ເຮັດໃຫ້ 1ລ້ານ 8ແສນ 7ໝື່ນກວ່າຄອບຄົວຂອງ43 ແຂວງໃນທົ່ວປະເທດໄດ້ຮັບຜົນເສຍຫາຍ, ປະຊາຊົນຜູ້ປະສົບໄພມີທັງໝົດຫຼາຍກວ່າ 8 ລ້ານ 6ແສນ 7ໝື່ນຄົນ, ປະມານ 8ແສນ 1ໝື່ນ 8000 ຄົນຕ້ອງໄດ້ຍົກຍ້າຍໄປຢູ່ບ່ອນອື່ນ, ໃນນັ້ນ ມີປະມານ 3ແສນ 3 ໝື່ນ 8000 ຄົນຖືກຍົກຍ້າຍໄປບ່ອນພັກຊົ່ວຄາວເກືອບ 1000 ແຫ່ງ. ນອກນີ້, ພາຍຸຫົວນີ້ຍັງໄດ້ເຮັດໃຫ້ເຮືອນ 2ແສນ 4ໝື່ນກວ່າຫຼັງໄດ້ຮັບຜົນເສຍຫາຍໃນລະດັບຕ່າງກັນ, ໃນນັ້ນ, 1ແສນ 3 ໝື່ນຫຼັງຖືກທຳລາຍກ້ຽງ. ປະຈຸບັນ, ທ້ອງຖິ່ນຕ່າງໆກໍມີລາຍງານວ່າຜົນເສຍຫາຍດ້ານພື້ນຖານໂຄງລ່າງແລະພືດກະສິກຳມີປະມານ 4 ຕື້ 60ລ້ານເປໂຊຫຼືປະມານ 930 ລ້ານໂດລາ.
ຄະນະກຳມະການຫຼຸດຜ່ອນໄພພິບັດແຫ່ງຊາດຟີລິບປິນແຈ້ງໃຫ້ຊາບວ່າ, ນອກຈາກສະໜາມບິນນະຄອນທັກໂລບານທີ່ເປັນເຂດປະສົບໄພຢ່າງຮ້າຍແຮງແລ້ວ, ສະໜາມບິນພົນລະເຮືອນທັງໝົດຂອງເຂດປະສົບໄພລ້ວນແຕ່ໄດ້ເປີດບໍລິການຄືນໃໝ່ແລ້ວ. ເຈົ້າໜ້າທີ່ກູ້ໄພກຳລັງພະຍາຍາມແກ້ໄຂສະພາບການທີ່ໄຟຟ້າແລະລະບົບການສື່ສານຖືກຕັດຂາດຂອງເຂດປະສົບໄພ. ແຕ່ວ່າ, ເນື່ອງຈາກວ່າສະຖານີຈ່າຍໄຟຟ້າແລະເສົາໄຟຟ້າຈຳນວນຫຼາຍຮ້ອຍແຫ່ງໄດ້ຮັບຜົນເສຍຫາຍ, ປະຈຸບັນ, ຍັງມີເຂດປະສົບໄພຫຼາຍແຫ່ງທີ່ລະບົບໄຟຟ້າຖືກຕັດຂາດຢູ່.
ຕາມສະພາບໄພພິບັດຫຼ້າສຸດທີ່ຄະນະກຳມະການຫຼຸດຜ່ອນໄພພິບັດແຫ່ງຊາດຟີລິບປິນແຈ້ງໃຫ້ຊາບວ່າ, ພາຍຸ "ໄຮຢຽນ" ໄດ້ເຮັດໃຫ້ 1ລ້ານ 8ແສນ 7ໝື່ນກວ່າຄອບຄົວຂອງ43 ແຂວງໃນທົ່ວປະເທດໄດ້ຮັບຜົນເສຍຫາຍ, ປະຊາຊົນຜູ້ປະສົບໄພມີທັງໝົດຫຼາຍກວ່າ 8 ລ້ານ 6ແສນ 7ໝື່ນຄົນ, ປະມານ 8ແສນ 1ໝື່ນ 8000 ຄົນຕ້ອງໄດ້ຍົກຍ້າຍໄປຢູ່ບ່ອນອື່ນ, ໃນນັ້ນ ມີປະມານ 3ແສນ 3 ໝື່ນ 8000 ຄົນຖືກຍົກຍ້າຍໄປບ່ອນພັກຊົ່ວຄາວເກືອບ 1000 ແຫ່ງ. ນອກນີ້, ພາຍຸຫົວນີ້ຍັງໄດ້ເຮັດໃຫ້ເຮືອນ 2ແສນ 4ໝື່ນກວ່າຫຼັງໄດ້ຮັບຜົນເສຍຫາຍໃນລະດັບຕ່າງກັນ, ໃນນັ້ນ, 1ແສນ 3 ໝື່ນຫຼັງຖືກທຳລາຍກ້ຽງ. ປະຈຸບັນ, ທ້ອງຖິ່ນຕ່າງໆກໍມີລາຍງານວ່າຜົນເສຍຫາຍດ້ານພື້ນຖານໂຄງລ່າງແລະພືດກະສິກຳມີປະມານ 4 ຕື້ 60ລ້ານເປໂຊຫຼືປະມານ 930 ລ້ານໂດລາ.
ຄະນະກຳມະການຫຼຸດຜ່ອນໄພພິບັດແຫ່ງຊາດຟີລິບປິນແຈ້ງໃຫ້ຊາບວ່າ, ນອກຈາກສະໜາມບິນນະຄອນທັກໂລບານທີ່ເປັນເຂດປະສົບໄພຢ່າງຮ້າຍແຮງແລ້ວ, ສະໜາມບິນພົນລະເຮືອນທັງໝົດຂອງເຂດປະສົບໄພລ້ວນແຕ່ໄດ້ເປີດບໍລິການຄືນໃໝ່ແລ້ວ. ເຈົ້າໜ້າທີ່ກູ້ໄພກຳລັງພະຍາຍາມແກ້ໄຂສະພາບການທີ່ໄຟຟ້າແລະລະບົບການສື່ສານຖືກຕັດຂາດຂອງເຂດປະສົບໄພ. ແຕ່ວ່າ, ເນື່ອງຈາກວ່າສະຖານີຈ່າຍໄຟຟ້າແລະເສົາໄຟຟ້າຈຳນວນຫຼາຍຮ້ອຍແຫ່ງໄດ້ຮັບຜົນເສຍຫາຍ, ປະຈຸບັນ, ຍັງມີເຂດປະສົບໄພຫຼາຍແຫ່ງທີ່ລະບົບໄຟຟ້າຖືກຕັດຂາດຢູ່.
