ຊ່ຽວຊານເຫັນວ່າການໃຫ້ຕະຫຼາດເສີມຂະຫຍາຍບົດບາດລັກສະນະຂໍກະແຈ, ສຳຄັນແມ່ນຄວນປັບປຸງພາລະບົດບາດຂອງພາກລັດໃຫ້ເປັນລະບຽບແບບແຜນຢ່າງສົມເຫດສົມຜົນ
(GMT+08:00) 2013-11-15 16:37:45 cri
ວັນທີ 13 ພະຈິກນີ້, ຢູ່ນະຄອນຫຼວງປັກກິ່ງຂອງຈີນ, ທ່ານຈ່າງລີ້ສຸນ ນັກຄົ້ນຄວ້າຂອງພະແນກຄົ້ນຄວ້າເສດຖະກິດມະຫາພາກສູນຄົ້ນຄວ້າການພັດທະນາຂອງລັດຖະບານຈີນຊີ້ອອກວ່າ, ເງື່ອນໄຂເບື້ອງຕົ້ນຂອງການເຮັດໃຫ້ຕະຫຼາດເສີມຂະຫຍາຍບົດບາດລັກສະນະຂໍກະແຈໃນການຈັດສັນຊັບພະຍາກອນນັ້ນ, ສຳຄັນທີ່ສຸດຕ້ອງປັບປຸງພາລະບົດບາດຂອງພາກລັດໃຫ້ເປັນລະບຽບແບບແຜນຢ່າງສົມເຫດສົມຜົນ, ສິ່ງທີ່ບໍ່ຄວນຄຸ້ມຄອງກໍບໍ່ຄຸ້ມຄອງເດັດຂາດ, ສິ່ງທີ່ຄວນຄຸ້ມຄອງນັ້ນ,ຕ້ອງຄຸ້ມຄອງໃຫ້ດີແລະຄຸ້ມຄອງຢ່າງມີປະສິດທິພາບສູງແລະເດັດຂາດ.
ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນໄດ້ອັດລົງແລ້ວໃນວັນທີ 12 ພະຈິກນີ້ຢູ່ນະຄອນຫຼວງປັກກິ່ງ, ແລະໄດ້ອອກປະກາດແຈ້ງຂ່າວກ່ຽວກັບການລົງເລິກການປະຕິຮູບຢ່າງຮອບດ້ານ. ທ່ານຈ່າງລີ້ສຸນເຫັນວ່າ, ປະກາດແຈ້ງຂ່າວໄດ້ຊີ້ແຈງຢ່າງຈະແຈ້ງກ່ຽວກັບເປົ້າໝາຍລວມແຫ່ງການລົງເລິກການປະຕິຮູບຢ່າງຮອບດ້ານທີ່ເປັນລະບົບ, ການປະຕິຮູບໄດ້ເຂົ້າສູ່ໄລຍະປະຫວັດສາດທີ່ໄດ້ຮັບຄວາມຄືບໜ້າສຳຄັນແລະຕົວຈິງ. ມະຕິຂອງກອງປະຊຸມຄົບຄະນະຄັ້ງນີ້ໄດ້ສ່ອງແສງໃຫ້ເຫັນເຖິງຈຸດພິເສດທີ່ມີລັກສະນະລວມແລະເປັນລະບົບ, ໄດ້ເອົາໃຈໃສ່ຕໍ່ການປະສານສົມທົບກັນລະຫວ່າງການປະຕິຮູບດ້ານຕ່າງໆ, ຊຶ່ງໃນນັ້ນໄດ້ລວມທັງການປະສານສົມທົບກັນລະຫວ່າງການປະຕິຮູບໂຄງປະກອບເສດຖະກິດກັບໂຄງປະກອບການເມືອງ, ລວມທັງການປະສານສົມທົບກັນລະຫວ່າງການປັບປຸງລະບົບຕະຫຼາດໃຫ້ສົມບູນຂຶ້ນກັບການຫັນປ່ຽນພາລະບົດບາດຂອງລັດໃນຂະບວນການປະຕິຮູບໂຄງປະກອບເສດຖະກິດແລະອື່ນໆ. ພ້ອມນັ້ນຍັງໄດ້ເນັ້ນໃສ່ການປະຕິບັດຕົວຈິງແລະຄວາມສາມາດປະຕິບັດໄດ້ຂອງການປະຕິຮູບ, ໄດ້ກຳນົດຈຸດສຸມຂອງການປະຕິຮູບທຸກດ້ານຢ່າງຈະແຈ້ງ.
ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນໄດ້ອັດລົງແລ້ວໃນວັນທີ 12 ພະຈິກນີ້ຢູ່ນະຄອນຫຼວງປັກກິ່ງ, ແລະໄດ້ອອກປະກາດແຈ້ງຂ່າວກ່ຽວກັບການລົງເລິກການປະຕິຮູບຢ່າງຮອບດ້ານ. ທ່ານຈ່າງລີ້ສຸນເຫັນວ່າ, ປະກາດແຈ້ງຂ່າວໄດ້ຊີ້ແຈງຢ່າງຈະແຈ້ງກ່ຽວກັບເປົ້າໝາຍລວມແຫ່ງການລົງເລິກການປະຕິຮູບຢ່າງຮອບດ້ານທີ່ເປັນລະບົບ, ການປະຕິຮູບໄດ້ເຂົ້າສູ່ໄລຍະປະຫວັດສາດທີ່ໄດ້ຮັບຄວາມຄືບໜ້າສຳຄັນແລະຕົວຈິງ. ມະຕິຂອງກອງປະຊຸມຄົບຄະນະຄັ້ງນີ້ໄດ້ສ່ອງແສງໃຫ້ເຫັນເຖິງຈຸດພິເສດທີ່ມີລັກສະນະລວມແລະເປັນລະບົບ, ໄດ້ເອົາໃຈໃສ່ຕໍ່ການປະສານສົມທົບກັນລະຫວ່າງການປະຕິຮູບດ້ານຕ່າງໆ, ຊຶ່ງໃນນັ້ນໄດ້ລວມທັງການປະສານສົມທົບກັນລະຫວ່າງການປະຕິຮູບໂຄງປະກອບເສດຖະກິດກັບໂຄງປະກອບການເມືອງ, ລວມທັງການປະສານສົມທົບກັນລະຫວ່າງການປັບປຸງລະບົບຕະຫຼາດໃຫ້ສົມບູນຂຶ້ນກັບການຫັນປ່ຽນພາລະບົດບາດຂອງລັດໃນຂະບວນການປະຕິຮູບໂຄງປະກອບເສດຖະກິດແລະອື່ນໆ. ພ້ອມນັ້ນຍັງໄດ້ເນັ້ນໃສ່ການປະຕິບັດຕົວຈິງແລະຄວາມສາມາດປະຕິບັດໄດ້ຂອງການປະຕິຮູບ, ໄດ້ກຳນົດຈຸດສຸມຂອງການປະຕິຮູບທຸກດ້ານຢ່າງຈະແຈ້ງ.
